Ebe ne Pọl gbẹẹn gie emwa Rom 10:14 - Edo Bible (E Baibol Ẹdo) Version 1996

¹⁴ Sokpan vbe iran gha na datie ẹre hẹ yi deghẹ iran ma yayi? Vbe iran gha na yayi hẹ deghẹ iran ma họn nene ẹmwẹ? Vbe iran gha na họn hẹ deghẹ i re te a kpe orhu ẹre.

Ebe ne Pọl gbẹẹn gie emwa Rom 10:14 ပူးပေါင်းရင်းမြစ်များ

Jona 1:16

Ohan emwi na keghi mu avbe oziguẹ sẹrriọ wẹ, iran na zọ ẹse ghe Nọyaẹnmwa, iran na vbe yan wẹ iran gha vbe gha ga ẹe.

Jona 1:5

Ohan keghi kakabọ mu avbe oziguẹ dọmwadẹ ọghe ọe kegha tu tie ẹbọ ne ọ biẹ ọe ne ọ bu irẹn rre. Iran keghi gha filo ihẹ ne okọ mu ku ẹzẹ ne a ghẹ gie okọ ni. Ẹghẹ ne a kha na, e Jona keghi wa gha rrie otọ okọ, ọ ke ya lovbiẹ ye otọ owa okọ, ọ na vbiẹ ua.

Matiu 20:7

Iran wanniẹn tama rẹn wẹẹ, ‘Ma ma miẹn ọmwa ne ọ viọ ima ye iwinna.’ Ọ khama iran wẹẹ, ‘Wa vbe gha rrie ugbo mwẹ khekherriọ.’

Iyẹn ne ọ Maan Ọghe Jọn 20:31

A gbẹnnẹ enena ne uwa miẹn ehe na yayi ighẹ Jesu ọrọre nene Mẹzaia ne Ovbi Osanobua, wẹ, rhunmwuda ighẹ wa ya ẹe yi, wa ghi la ekpa eni ẹnrẹn gha mwẹ arrọọ.

Iyẹn ne ọ Maan Ọghe Jọn 9:36

Okpia ni wanniẹn wẹẹ, “Enọwanrẹn, tama mwẹ ọmwa ne ọ khin ne I miẹn ehe na yae yi.”

Iwinna 19:2

Ọ keghi nọ iran wẹ, “Wa miẹn Orhiọn Ne Ọ Huanrẹn vbe ẹghẹ ne uwa na yayi ra?” Iran keghi wanniẹn, “Ma ma kue rẹn deghẹ emwi ne a tie ẹre Orhiọn Ne Ọ Huanrẹn vbe rrọọ.”

Iwinna 8:31

Ọka iwinna ni wanniẹn tama rẹn wẹẹ, “Vbe I a ghi ra na rẹn ọnrẹn hẹ vbe ẹ i re te I miẹn ne ọ rhan otọ ẹre ma mwẹ.” Rẹn keghi tama Filip ne ọ la uwu ikẹkẹ okhuae nii do gu irẹn tota.

Ebe ne Pọl gbẹẹn gie emwa Rom 1:5

Obọ ẹre ọre Osanobua la ru mwẹ ẹse wẹ ne I gha re Ukọ Osanobua vbekpa Kristi, ne I sẹtin ye emwa hia ni rre uhunmwu ẹvbo hia yayi kevbe ne iran vbe gha họn ẹmwẹ.

Ẹfisọs 2:17

Rhunmwuda ọnii, Kristi rre, ọ keghi do kpe orhu Iyẹn Ne ọ maa ọghe ọfumwegbe ma emwa hia, ma uwa ne ẹ i re Ju, wa ni te khian rrei vbe ehe ne Osanobua ye, kevbe ima ne avbe Ju ni sikẹ ọre.

Ẹfisọs 4:21

Vbe ne a i na gbe awẹawẹ, wa họn ẹmwẹ ọnrẹn, kevbe zẹ vbe emwa ni lele ẹe khian, a vbe ma uwa ẹmwata ne ọ rre uwu Kristi.

Diuteronomi 30:13

Vbe rriọ ẹ i vbe re iyeke okun nọkpa ọ re ọ ye amawẹ wa gha kha wẹẹ, ‘Gha ọ ghi ra fian okun rra ne ọ ya rhie ẹre gie ima, ne ima miẹn ehe na họn ẹẹn ne a vbe gha ya ẹe ru emwi?’ Ẹ i re erriọ,

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.

Taitọs 1:3

ọ ghi vbe sẹ ẹghẹ ne ọ kei yi, ọ keghi gie uhunmwu ya ta ẹe ladian ne ima họn. Ọnọna ọre a mu yọ mwẹ obọ, vbene Osanobua Ọmiọnmwafan mwa gie, ọ re I ta ẹe khian.

Hibru 11:6

Ọmwa ne ẹmwẹ ọnrẹn gha ye ẹko rhiẹnrhiẹn Osanobua ẹ i rrọọ vbe ẹ i re vbe ekpa iyayi. Rhunmwuda, ọmwaikọmwa ne ọ rhirhi bu Osanobua gha dee te ọ kere ne ọ yayi ighẹ Osanobua rrọọ kevbe wẹ, ọ vbe san iran ni gualọ aro ẹre ẹse.

Jems 5:15

Erhunmwu ne a ye iyayi na, gha miẹn ọmwa ne ọ khuọnmwi nii fan, Nọyaẹnmwa gha rhie egberranmwẹ nẹẹn, a ghi vbe ya orukhọ ne ọ te ru bọ ẹe.