Ebe ne Pọl gbẹẹn gie emwa Rom 10:12 - Edo Bible (E Baibol Ẹdo) Version 1996

¹² Emwa hia ọre a kha, rhunmwuda alughaẹn i rrọọ ne Ju ra iran ne ẹ i re Ju, Osanobua ọrọre Nọyan ehia, ọ ghi vbe gha fiangbe iran hia ni datie ẹre wọrhọwọrhọ.

Ebe ne Pọl gbẹẹn gie emwa Rom 10:12 ပူးပေါင်းရင်းမြစ်များ

Psalm 145:18

Ọ sikẹ iran ni kpe tie ẹre, iran ni ya ẹko ata kpe tie ẹre.

Psalm 86:5

Wẹ maa ne ima, u kevbe ya orukhọ bọ, u vuọn ne aho ne ẹ i beghe ne iran ni na erhunmwu ghe ruẹ.

Aizaia 55:6

Wa werriẹ aro ghe ehe ne Nọyaẹnmwa ye ne uwa na erhunmwu ghe ẹre, vbe ẹghẹ na nian, vbene ọ ma na khian rrei.

Iwinna 7:59

Iran kegha filo okuta gbe Stivin vbe ne ọ ya da tie eni Nọyaẹnmwa nii, “Nọyaẹnmwa Jesu rhan obọ miẹn orhiọn mwẹ.”

Iwinna 9:14

Ogie Ohẹn ọre ọ vbe gbẹn ebe ya rhie asẹ nẹẹn ne ọ gha die Damaskọs ne ọ do munọ emwa ne ọ ghi da tie eni ruẹn.”

Ebe ne Pọl gbẹẹn gie emwa Rom 14:9

Rhunmwuda Nọyaẹnmwa Jesu wu, ọ keghi vbe rhiọkpaegbe, ne ọ miẹn ehe na gha re nọyan iran ni wu kevbe ni rrọọ.

Ebe ne Pọl gbẹẹn gie emwa Rom 15:12

Deba ẹre Aizaia vbe ta ẹe wẹ, “Ọmọ ọkpa gha la uniẹn Jese rre. A gha tọn ẹn mu ne ọ gha khaemwisẹ ya iran ne ẹ i re Ju.”

Ebe ne Pọl gbẹẹn gie emwa Rom 2:4

Ra te uwẹ miẹn ọẹn fo ighẹ itohan rẹn nọkhua kevbe ifuẹko kevbe i ziengbe ẹre? Wẹ ma rẹn ighẹ te Osanobua ziengbe ne ọ rhie ẹghẹ nuẹn ne u ya fiwerriẹ?

Ebe ne Pọl gbẹẹn gie emwa Rom 3:22

A ya Jesu yi, ọre Osanobua rhunmwuda ẹre ya ọmwa khian ọmwata. Emwa hia ni ya Jesu yi, ọre Osanobua ru vberriọ rhunmwuda alughaẹn ne egbe i rrọọ hiehie re.

I Kọrinti 1:2

gie esọsi Osanobua ne ọ rre Kọrinti, gie emwa ne a tie re ne iran do gha re emwa ni huanrẹn Osanobua, emwa ni khian ọghọe rhunmwuda ighẹ iran ya egbe ba Kristi Jesu, deba emwa hia ni ghi na erhunmwu ghe Nọyaẹnmwa Jesu Kristi nẹ, zẹ vbe Nọyan iran kevbe ima.

I Kọrinti 15:47

Ekhae ne otọe ọre a ya yi Adam ne okaro, ẹrinmwi ọre Adam ne ogieva ke rre.

II Kọrinti 8:9

Rhunmwuda, wa rẹn ẹsọhẹ ọghe Nọyaẹnmwa Jesu Kristi wẹ vbene irẹn rhe fe sẹ hẹ, ọ keghi rhunmwuda uwa ye egbe khian ovbiogue, ne irẹn miẹn ehe na la ekpa a i mwẹ ọghọe ye uwa khian ni fe.

Galatia 3:28

Rhunmwuda ọnii, alughaẹn ne egbe i rrọọ vbe ẹkpo avbe Ju kevbe avbe iran ne ẹ i re Ju, eviẹn kevbe ne ẹ i re eviẹn, ikpia ra ikhuo, ọkpa wa hia khin vbe uwu a ya egbe ba Kristi Jesu.

Ẹfisọs 1:7

Rhunmwuda, vbe ekpa uwu Jesu Kristi, a keghi fannọ ima ye otọ, ọnii nọ wẹ a keghi vbe ya avbe orukhọ mwa bọ mwa. U miẹn vbe ẹsọhẹ, Osanobua kpọlọ hẹ,

Ẹfisọs 2:4

Sokpan ọkpọkua ọre itohan Osanobua khin, aho ẹmwẹ ọmwa rẹn ghe mwa keghi vbe re nọkhua.

Ẹfisọs 2:7

Te irẹn ru ọna, ne aro ẹvbo miẹn ehe na sẹ ọe rhinrin do sẹ ẹghẹ ne ọ dee ighẹ ọwọrhọwọrhọ ọghe ẹsọhẹ ọghọe, vbe uwu aho ẹmwẹ ọmwa ne irẹn mwẹ ghe mwa vbe uwu Kristi Jesu.

Ẹfisọs 3:16

I ghi rinmwian Osanobua wẹ, vbe ekpa ukpọlọmwẹ uyi ẹre, ne ọ la ekpa Orhiọn ẹnrẹn rhie ẹtin ne uwa ne uwa ya wo vbe egbe vbe uwu egbe uwa.

Ẹfisọs 3:6

Nene oro ọ na khin wẹẹ, rhunmwuda iyẹn ne ọ maa, iran ne ẹ i re Ju, vbe gu iran ne Ju ghae vbe afiangbe Osanobua ina egbe ọkpa nii ọre iran hia khin, iran vbe mwẹ oghae vbe emwi ne Osanobua la ekpa Kristi Jesu ve.

Ẹfisọs 3:8

Mẹ kanmwa sẹ ne ọ ghi kanmwa sẹẹ vbe uwu avbe emwa Osanobua, sevba, Osanobua keghi ya ọna ru mwẹ ẹse wẹ, ne I rhie Iyẹn Ne ọ maa ọghe ẹfe Kristi ne ẹ i mwẹ okhiẹ bu iran ne ẹ i re Ju gha khian.

Filipai 2:11

Ehia ghi vbe yae go vbe azagba wẹ, Jesu Kristi ọrọre Nọyaẹnmwa ne uyi ọghe Osanobua e Evbavba.

Filipai 4:19

Debare, Osanobua mwẹ ne ẹfe ẹre kpọkua vbe uwu Kristi Jesu, gha kpe emehe emwi ne uwa i mwẹ hia.

Kọlose 1:27

Rhunmwuda nene emwamwa ọghe Osanobua ọre ọna khin. Ne ọ we oro ẹre rua ma emwa irẹn, oro emwi ighobioye kevbe uyi ne ọ viọ khẹ emwa rẹn hia. Nene oro ọna khin: Kristi rre uwu uwẹ, ọnii rhie maa wẹ, te a ghi ra ghae su uẹ egbe vbe uyi Osanobua.

Kọlose 3:11

Rhunmwuda ọnọna nian, ọmwa ne ẹ i re Ju ra ọmwa ne ọ re Ju i ghi rrọọ, ne ọ rhuẹre ra ne ọ ma rhuẹ, ighọnmighọn, edigue aranmwẹ oha, eviẹn ra iran ni yan egbe iran ẹ i ghi rrọọ, sokpan Kristi ọrọre ehia, Kristi rre uwu iran hia!

I Timoti 2:5

Rhunmwuda Osanobua ọkpa ọre ọ rrọọ, ọmwa ọkpa ọre ọ vbe rrọọ, ne ọ dọlọ Osanobua kevbe emwa ne agbọn kugbe, ọnii ọre ọmwa na ighẹ Kristi Jesu.

Arhie Maan 17:14

Iran gha gu Oteghe Ohuan nii gbinna, sokpan Oteghe Ohuan nii ke ẹe kevbe emwa rẹn ne a tie re, kevbe ne a hannọ zẹ, iran ni ya ẹko ata lele ẹe khian, gha khọn iran muotọ, rhunmwuda rẹn ọrọre Nọyan eniyaẹnmwa kevbe Ọba iran ne ọba.”

Arhie Maan 19:16

A keghi gbẹnnẹ avbe ẹmwẹ na ye ẹwu ne ọ yọe kevbe owẹ ọre wẹẹ, “Ọba avbe iran ne ọba kevbe Nọyan iran ni yaẹn emwa.”