Ebe ne Pọl gbẹẹn gie emwa Rom 1:9 - Edo Bible (E Baibol Ẹdo) Version 1996

⁹ Osanobua ne imẹ ya ekhọe mwẹ hia ga vbe uwu ne I na ya ekhọe mwẹ hia kpe orhu Iyẹn Ne ọ maa rẹnrẹn ighẹ ẹghẹ ne I ya na erhunmwu hia ọre I ya ye uwa rre.

Ebe ne Pọl gbẹẹn gie emwa Rom 1:9 ပူးပေါင်းရင်းမြစ်များ

Job 16:19

Orhiọnkpa rre ẹrinmwi ne ọ gha mudia khọn ekhae mẹ.

Iyẹn ne ọ Maan Ọghe Mak 1:1

Ọna ọrọre Iyẹn Ne ọ maa vbekpa Jesu Kristi ne Ovbi Osanobua.

Iyẹn ne ọ Maan Ọghe Luk 18:1

Jesu keghi kpa itan na ma iran ne ọ ya ma iran ẹre wẹ ne iran ghẹ gie egbe erhunmwu ne a na wọ iran.

Iwinna 12:5

Iran keghi rhunmwuda ọnii khui e Pita ye uwu ẹwẹdọ sokpan ivbi e esọsi keghi wa kakabọ gha na erhunmwu ghe Osanobua nẹẹn.

Iwinna 19:21

Emwi na ghi sunu nẹ, Pọl na wẹ rẹn ra khian lele Masidonia kevbe Gris ne ọ vbe la odọ gha rrie Jerusalẹm. Ọ keghi kha wẹ, “I gha sẹ evba nẹ, I gha vbe sẹ e Rom.”

Iwinna 24:14

Emwi ne ọ miẹn khama ruẹn ọna khin wẹẹ: Odẹ ne iran khare ighẹ ohoghe nọ ọre I la ga Osanobua avbe erha mwa odede. Sokpan I vbe ya emwi hia ne a gbẹnnẹ ye Uhi e Mosis kevbe ebe avbe akhasẹ yi.

Iwinna 27:23

Rhunmwuda vbe ne asọn, odibo Osanobua ne imẹ re ọghọe kevbe ne imẹ ga keghi bu mwẹ rre, ọ wẹẹ,

Iwinna 3:26

Ọnii ọ si ẹe ne Osanobua ghi na zẹ Ọguọmwadia ẹre nẹ, ọ keghi ka gie ẹe bu uwa gha dee ne ọ do fiangbe uwa vbe ekpa ne ọ gha na ya uwa hia fi iyeke gbe odẹ dan ne uwa te la khian.”

Ebe ne Pọl gbẹẹn gie emwa Rom 9:1

Ẹmwẹ ne I ta ẹe, ẹmwata nọ, ọghe Kristi mẹ khin, I ma ta ohoghe. Ekhọe mwẹ ne Orhiọn Ne Ọ Huanrẹn khaemwisẹ yan, vbe tama mwẹ wẹ ẹ i re ohoghe ọre I ta.

II Kọrinti 1:23

Osanobua ọre I rhie ye osẹe mwẹ, ọ rẹn vbene ekhọe mwẹ ye hẹ, Ne a ghẹ miẹn ehe na rri uwa oya, ọre ọ zẹe ne I ma na ghi rrie Kọrinti.

II Kọrinti 11:31

Osanobua ne Erha Nọyaẹnmwa Jesu Kristi — afiangbe nọ ne eni ẹnrẹn ẹdẹdẹmwẹdẹ rẹn wẹ ẹ i re ohoghe I tae.

Galatia 1:20

Emwi ne I gbẹnnẹ na, ẹmwata nọ. I ya Osanobua yan ighẹ I ma ta ohoghe.

Ẹfisọs 6:18

Erhunmwu ọre u gha ya ru emwi na hia, u ghi rinmwian wẹ ne Osanobua yi uẹ obọ. Gha na erhunmwu vbe ẹghẹ hia, zẹ vbene nene Orhiọn rhie yi uẹ ekhọe. Rhunmwuda ọnọna, rhie vbẹẹ, ghẹ zẹ obọ vbọ, gha na erhunmwu ne emwa Osanobua vbe ẹghẹ hia.

Filipai 1:3

Ẹghẹikẹghẹ ne I rhirhi a ya mu ẹmwẹ uwa ro, ọre I ya kpọnmwẹ Osanobua mwẹ ne uwa hia.

Filipai 1:4

Ẹghẹikẹghẹ ne I rhirhi a ya na erhunmwu ne uwa, ẹko ọyẹnmwẹ ọre I ya na ẹn.

Filipai 2:22

Wa tobọ uwa miẹn vbene ọ vbe ta egbe ọmwa ne irẹn khin hẹ, vbe imẹ vbe ọre gba winna, zẹ vbe ọmọ vbe erha ye iwinna iyẹn ne ọ maa.

Filipai 3:3

Rhunmwuda, mẹ nọ, ẹ i re iran ọ re a rhie arhuẹ ẹmwata na, rhunmwuda, Orhiọn ọre ima ya ga Osanobua, ma ghi vbe gha ghọghọ ye agbọn ne ima ye vbe uwu Kristi Jesu. Ma i mu ẹtin yan emwi iruemwi ọghe ore egbe.

I Tẹsalonaika 1:2

Ẹghẹ hia ma ya kpọnmwẹ Osanobua ne uwa hia, ne ima na vbe ye uwa rre vbe erhunmwu.

I Tẹsalonaika 3:10

Asọn vbe avan ọre ima ya ya ekhọe mwa hia rinmwian ẹn, ne ọ gie ima tobọ ima ye aro kan uwa aro, ne ima miẹn ehe na rhie emwi ne iyayi uwa i te mwẹ yọ.

I Tẹsalonaika 5:17

Wa gha na erhunmwu vbe ẹghẹ hia.

I Timoti 2:7

Ọna ọre ọ vbe zẹ ne a na gie mwẹ zẹ vbe ukọ kevbe ọmamwaemwi avbe iran ne ẹ i re Ju, ne I ya gha kpe orhu iyayi kevbe ẹmwata. Ẹ i re ohoghe I ta, ẹmwata I ta.

II Timoti 1:3

I kpọnmwẹ Osanobua, ọmwa ne I ya ekhọe sẹẹnrẹn ga, zẹ vbe ne avbe erha mwa odede vbe ru. I ghi gha kpọnmwẹ ọẹn vbe ẹghẹ hia ne I ya ye ruẹ rre vbe erhunmwu mwẹ, asọn kevbe avan.

Failimọn 1:4

Failimọn ne ọtẹn mwẹ, ẹghẹ ne I rhirhi ya na erhunmwu hia, ọre I ya so eni ruẹn, I ghi rhie ekpọnmwẹ ne Osanobua.

I Samuẹl 12:23

Zẹ vbe ọghomwẹ, awua ne Osanobua wẹẹ, te imẹ ghi da obọ erhunmwu ne a na ne uwa yi, ne imẹ ya la ekpa ọnii rukhọ ghe ẹre. Ne ọ gha na te gha ye vberriọ, I gha ma uwa emwi ne ọ kere ke ne ọ gbae ne uwa gha ru.