Ebe ne Pọl gbẹẹn gie emwa Rom 1:8 - Edo Bible (E Baibol Ẹdo) Version 1996

⁸ Vbe okaro I kpọnmwẹ Osanobua mwẹ ne uwa hia vbe kpa Jesu Kristi rhunmwuda, uhunmwu otọ agbọn hia wa họn ẹmwẹ iyayi uwa.

Ebe ne Pọl gbẹẹn gie emwa Rom 1:8 ပူးပေါင်းရင်းမြစ်များ

Matiu 24:14

A gha kporhu Iyẹn Ne ọ maa ọghe Arriọba na la otọ agbọn hia nẹ zẹ vbe osẹe ghe emwa hia, iyeke ọnii, ufomwẹ ghi do rre.

Iyẹn ne ọ Maan Ọghe Luk 2:1

Ẹghẹ nii, Ọgbaisi Ọgọstọs keghi yi iyi wẹ ne emwa ni rre otọe irẹn hia ya gbẹnnẹ eni ye otọ vbene a ra ya ka ẹvbo.

Iwinna 11:28

Ọkpa vbe uwu iran, ne a tie eni ẹnrẹn Agabus keghi kpaegbe, ọ keghi ya ẹtin Orhiọn ta ẹe ye otọ ighẹ ukhunmwu nọkhua ra do fi la otọ agbọn hia. (Emwi na gele sunu vbe ẹghẹ ne Klọdiọs na gha re Nọgbaisi.)

Iwinna 28:22

Sokpan ma gha ho ne ima vbe họn vbe ne ọ ye hẹ vbe ekhọe uwẹ, rhunmwuda ma rẹnrẹn wẹ, a i miẹn ehe ne a na ta ẹmwẹ ọnrẹn ẹse ighẹ otu ne u khare ighẹ uwẹ ye na.”

Ebe ne Pọl gbẹẹn gie emwa Rom 10:18

Sokpan ọta ne I mẹ nọ rẹn ọna khin: Iran ma gele họn nene ẹmwẹ ra? Ẹsẹse, iran wa họn, zẹ vbene ebe khare: “Urhu iran la otọ agbọn hia, ẹmwẹ iran sẹ ehe ne agbọn sẹe.”

Ebe ne Pọl gbẹẹn gie emwa Rom 16:19

Agbọn hia họn ẹn vbene uwa rhie egbe ye ẹmwẹ iyẹn ne ọ maa hẹ, rhunmwuda ọna, ọyẹnmwẹ uwa keghi sẹ mwẹ. I ho ne uwa gha re ni wan vbe uwu emwi ni maa sokpan ne ọ ma rẹn ne a ye vbe emwi dan.

Ebe ne Pọl gbẹẹn gie emwa Rom 6:17

Rhunmwuda, vbe ẹghẹ ọkpa, eviẹn orukhọ ọre uwa te gha khin, sokpan vbe ne a ghi ye na nian, ekhọe uwa hia ọre uwa ghi ya ru zẹ vbene ẹmwata ne ọ rre uwu emwi ne a ma uwa ẹre khare.

I Kọrinti 1:4

Ẹghẹ hia ọre I ya kpọnmwẹ Osanobua mwẹ ne uwa, rhunmwuda ẹsọhẹ ne ọ la obọ Jesu Kristi rhie ne uwa.

II Kọrinti 2:14

Sokpan, ekpọnmwẹ nọ ne Osanobua, rhunmwuda, vbe a kugbe ba Kristi, Osanobua ghi gha viọ ima khian zẹ vbe oghunmwu vbe uwu emwa ne Kristi viọ rre vbe okuo ne ọ na khọn miotọ. Zẹ vbe ori ne ọ winhin ne ọ gba ehe hia, Osanobua lo ima ya ye Kristi khian ne emwa hia rẹnrẹn.

Ẹfisọs 1:15

Ọna ọre ọ sii ẹe ne a na miẹn wẹ, ke ne I ya họn ẹmwẹ iyayi uwa vbe uwu Nọyaẹnmwa Jesu, kevbe aho ẹmwẹ ọmwa ne uwa mwẹ ghe emwa Osanobua hia,

Ẹfisọs 1:16

I ma he da obọ yi vbe ekpọnmwẹ ne I rhie ne Osanobua ne uwa. I ye uwa rre vbe uwu erhunmwu mwẹ.

Ẹfisọs 3:21

Osanobua ọre uyi gha rrọ na vbe uwu esọsi kevbe uwu Kristi Jesu, la ẹghẹ hia fẹẹrẹ, rhinrin ẹdẹdẹmwẹdẹ. Isẹ.

Ẹfisọs 5:20

Gha kpọnmwẹ Osanobua ne Erha emwi hia vbe ẹghẹ hia, vbe eni Nọyaẹnmwa Jesu Kristi.

Filipai 1:11

Ẹdẹ agbọn uwa ghi do vuọn ne avbe emwi ne ọre ne ọ maa, ọghe ẹmwata ne a ghe ginna ọmwa, ne Jesu Kristi ọkpa sẹtin rhie ladian ne uyi kevbe urhomwẹ Osanobua.

Filipai 1:3

Ẹghẹikẹghẹ ne I rhirhi a ya mu ẹmwẹ uwa ro, ọre I ya kpọnmwẹ Osanobua mwẹ ne uwa hia.

Kọlose 1:3

Ẹghẹ hia ọre ima ya kpọnmwẹ Osanobua ne Erha Nọyaẹnmwa vbe ima a gha na erhunmwu ne uwa.

I Tẹsalonaika 1:2

Ẹghẹ hia ma ya kpọnmwẹ Osanobua ne uwa hia, ne ima na vbe ye uwa rre vbe erhunmwu.

I Tẹsalonaika 2:13

Ọna ọre emwi ne ọ vbe si ẹe ne ima na rhie ekpọnmwẹ ne Osanobua vbe ẹghẹ hia. Ugbẹn vbe ima do kpe orhu ẹmwẹ Osanobua mwa uwa, wa họn ẹn, wa keghi vbe miẹn ẹnrẹn ye ehọ, ẹ i re zẹ vbe ẹmwẹ emwa ne agbọn kẹkan, sokpan zẹ vbe ẹmwẹ Osanobua ne ọ gele khin. Rhunmwuda Osanobua rre uwu ẹbu uwa ni yayi winna.

II Tẹsalonaika 1:3

Te ima gha kpọnmwẹ Osanobua ne uwa vbe ẹghẹ hia etẹn mwẹ. Ọ kere ne ima gha ru vberriọ, rhunmwuda, iyayi uwa wa mobọ wan yọ, kevbe aho ẹmwẹ ọmwa ne uwa mwẹ ghe egbe, wa vbe mu otọ yọ.

II Timoti 1:3

I kpọnmwẹ Osanobua, ọmwa ne I ya ekhọe sẹẹnrẹn ga, zẹ vbe ne avbe erha mwa odede vbe ru. I ghi gha kpọnmwẹ ọẹn vbe ẹghẹ hia ne I ya ye ruẹ rre vbe erhunmwu mwẹ, asọn kevbe avan.

Failimọn 1:4

Failimọn ne ọtẹn mwẹ, ẹghẹ ne I rhirhi ya na erhunmwu hia, ọre I ya so eni ruẹn, I ghi rhie ekpọnmwẹ ne Osanobua.

Hibru 13:15

Rhunmwuda ọnii, wa gie ima gha rhie urhomwẹ ne Osanobua vbe ẹghẹ hia, zẹ vbe ese ne a zọ la obọ Jesu, ọnii nọ wẹ, wa gie ima gha ya urhu mwa rhie ekpọnmwẹ ne eni ẹnrẹn.

I Pita 2:5

Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.

I Pita 4:11

Ne ọ kpe orhu, we ne ọ gha kpe orhu ẹmwẹ Osanobua, ne ọ ga emwa ọvbehe, we ne ọ gha ya ẹtin ne Osanobua rhie nẹẹn hia ga, ne a miẹn ehe na miẹn wẹ, vbe uwu emwi hia, te a ghi la ekpa Jesu Kristi rhie urhomwẹ ne Osanobua, ọmwa ne ọ yan ẹtin kevbe uyi ẹdẹ kevbe ẹdẹdẹmwẹdẹ. Isẹ.