Ebe ne Pọl gbẹẹn gie emwa Rom 1:7 - Edo Bible (E Baibol Ẹdo) Version 1996

⁷ Rhunmwuda ọnii, ọre I na gbẹn ebe gie uwa hia ni rre Rom ne Osanobua ho ẹmwẹ ọnrẹn, ọ na tie uwa ne uwa do gha re emwa irẹn. Te Osanobua ne Erha mwa kevbe Nọyaẹnmwa Jesu Kristi gha rhie ẹsọhẹ kevbe ọfumwegbe ne uwa.

Ebe ne Pọl gbẹẹn gie emwa Rom 1:7 ပူးပေါင်းရင်းမြစ်များ

Psalm 60:5

Ya ẹtin ruẹn miẹn mwa fan, họn erhunmwu mwa ne a miẹn ehe na dẹ emwa ne u ho ẹmwẹ ọnrẹn werriegbe.

Ihuan Ne Ọ Sọọ Ihuan Hia 5:1

I la uwu ogba nẹ, ikpẹ amiẹnmiẹn kevbe ọha mwẹ. I gha si avbe ọmọ erhan ni winhin kevbe oziya mwẹ koko I gha rri owọn kevbe ipapa owọn mwẹ I gha wọn ayọn kevbe ewẹn mwẹ. Wa gha re avbe enida, wa gha da rhinrin ayọn ahoẹmwọmwa ke do gha gbe uwa.

Nọmbas 6:25

Te Nọyaẹnmwa gha tohan uwa ne ọ vbe gha ru uwa ẹse.

Matiu 5:16

Erriọ nọ zẹẹ, wa gie ukpa rua gha ba ẹse vbe odaro agbọn, ne iran miẹn ehe na lekpa uyinmwẹ esi ne uwa yin gha rho erha uwa ne ọ rre ẹrinmwi vbe uyi.

Iyẹn ne ọ Maan Ọghe Jọn 20:17

Jesu tama rẹn wẹẹ, “Ghẹ zobọ lele mwẹ rhunmwuda I ma he hin odukhunmwu gha rrie ọghe Evbavba, sokpan bu avbe etẹn mwẹ, ya khama iran mẹ ighẹ ‘I hin odukhunmwu dọlegbe rrie ọghe Erha mwẹ, kevbe Erha uwa, Osanobua mwẹ, kevbe Osanobua uwa.’ ”

Iwinna 15:23

Iran keghi rhie ebe na ne iran rhie gha khian: “Avbe ukọ kevbe ediọn, ne etẹn uwa gie otuẹ uwa hia ne etẹn mwa ne iran ne ẹ i re Ju biẹlẹe, ni rre Antiọk kevbe Siria kevbe Silisia.

Iwinna 9:13

Ananaias keghi wanniẹn wẹẹ, “Ẹ i re avbiẹ ẹvbo ọ he ta ẹmwẹ ọmwa na ma mwẹ, uza ne ọ he zẹ vbe egbe emwa ruẹn ni rre Jerusalẹm.

Ebe ne Pọl gbẹẹn gie emwa Rom 1:6

Ne usun ọre uwa ne emwa Rom vbe ye, emwi ne Osanobua tie re ne iran do gha re emwa Jesu Kristi.

Ebe ne Pọl gbẹẹn gie emwa Rom 5:1

Vbene a ghi na miẹn wẹ a la ekpa iyayi ya ima khian emwa ni gu Osanobua mudia ẹse, te ima ghi mwẹ ọfumwegbe vbe ehe ne Osanobua ye vbekpa Nọyaẹnmwa Jesu Kristi.

Ebe ne Pọl gbẹẹn gie emwa Rom 5:5

Idaehọ na ẹ i hiẹ ọmwa, rhunmwuda Osanobua tue ahoẹmwọmwa ẹnrẹn ye ima ekhọe nẹ vbekpa Orhiọn Ne Ọ Huanrẹn ne Osanobua ya ru ima ẹse.

Ebe ne Pọl gbẹẹn gie emwa Rom 8:28

Ma rẹnrẹn wẹ vbe uwu emwi hia, te Osanobua yaba emwa ni ho ẹmwẹ ọnrẹn ru emwi ne ọ ma an, avbe emwa ne irẹn tie re zẹ vbene ọ mwamwa ẹn.

Ebe ne Pọl gbẹẹn gie emwa Rom 8:39

Agbọn ne ọ rre odukhunmwu ra ne ọ rre ototọ, emwi ọkpa i rrọọ vbe uwu emwi ne a yi hia, ne ọ gha sẹtin wannọ ima hin ahoẹmwọmwa Osanobua ne ọre ọghe ima rre vbekpa Kristi Jesu Nọyaẹnmwa.

Ebe ne Pọl gbẹẹn gie emwa Rom 9:25

Rhunmwuda ẹmwẹ ne ọ tae vbe ebe Hosia ọre ọ na khin wẹẹ, “Emwa ne ẹ i te re emwa mwẹ ‘I gha tie iran emwa mwẹ,’ Okpẹvbo ne I ma te ho ẹmwẹ ọnrẹn, I gha tie ẹre ‘Ne ẹko mwẹ rhiẹnrhiẹn ghe.’

I Kọrinti 1:24

Sokpan ọ gha sẹ egbe iran ne Osanobua tie re, kevbe avbe Ju kevbe avbe iran nẹ ẹ i re Ju, ẹmwẹ ikporhu na ọrọre Jesu ne ọre ẹtin kevbe ẹwaẹn Osanobua.

I Kọrinti 16:23

Te ẹsọhẹ Nọyaẹnmwa Jesu gha deba uwa gha rrọọ.

Galatia 6:18

Te ẹsọhẹ Nọyaẹnmwa Jesu Kristi gha gu uwa hia rrọọ etẹn mwẹ. Isẹ.

Ẹfisọs 1:2

Te Osanobua ne Erha mwa kevbe Nọyaẹnmwa Jesu Kristi gha rhie ẹsọhẹ kevbe ọfumwegbe ne uwa.

Ẹfisọs 6:23

Te Osanobua ne Evbavba kevbe Nọyaẹnmwa Jesu Kristi, gha rhie ọfumwegbe kevbe aho ẹmwẹ ọmwa ne avbe etẹn hia, ba iyayi.

Diuteronomi 33:12

Ọ keghi kha vbekpa ẹwae Bẹnjamin wẹẹ: “Ewae ne Nọyaẹnmwa ho ẹmwẹ ọnrẹn ne ọ vbe degue ẹdẹgbegbe iran ya rrọọ vbe a i mwẹ ẹbe vbe odaro ẹre. Ọ keghi vbe di uwu ẹbu iran ya.”

Filipai 1:2

Te Osanobua ne Erha mwa kevbe Nọyaẹnmwa Jesu Kristi gha rhie ẹsọhẹ kevbe ọfumwegbe ne uwa.

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.

Filipai 4:20

Osanobua mwa kevbe Erha mwa ọre uyi gha rrọọ na ẹdẹ kevbe ẹdẹdẹmwẹdẹ. Isẹ.

Filipai 4:23

Te ẹsọhẹ ọ ghe Nọyaẹnmwa Jesu Kristi gha gu uwa hia gha rrọọ.

Kọlose 1:2

Gie emwa Osanobua ni rre Kọlose, iran ni re etẹn ẹmwata vbe uwu Kristi. Te Osanobua ne Erha mwa gha rhie ẹsọhẹ kevbe ọfumwegbe ne uwa.

Kọlose 3:12

Emwa Osanobua ọre uwa khin, ọ ho ẹmwẹ uwa, ọ keghi vbe hannọ uwa zẹ ne ọ ya ru ọghọe, rhunmwuda ọnii, wa gha mwẹ ekhọe agiẹngiẹn, itohan imuegberriotọ, ọmẹhẹ, ufumwẹ kevbe iziengbe.

Kọlose 3:15

Ọfumwegbe ne Kristi rhie ne ọmwa, ọre ọ kere ne ogha re ne ọ buohiẹn vbe uwu ekhọe uwa, rhunmwuda, ọfumwegbe na ọre Osanobua tie uwa kugbe ba vbe ẹgbẹe ọkpa nii. Wa vbe gha kpọnmwẹ.

I Tẹsalonaika 1:1

E Pọl, Sailas kevbe Timoti, ọre ọ gbẹn ebe na gie emwa esọsi ni rre Tẹsalonaika, emwa ni re ọghe Osanobua ne Erha kevbe Nọyaẹnmwa Jesu Kristi, ẹsọhẹ kevbe ọfumwegbe ọre ogha re ọwua.

I Tẹsalonaika 1:3

Rhunmwuda, ma yerre vbe odaro Osanobua kevbe Erha mwa, vbene uwa ye iyayi uwa ru emwi hẹẹ, vbene aho ẹmwẹ ọmwa uwa ye uwa winna ẹsẹse hẹẹ, kevbe ne idaehọ uwa vbe uwu Nọyaẹnmwa Jesu Kristi ye gbain hẹ.

I Tẹsalonaika 1:4

Ma rẹnrẹn, etẹn mwa, wẹ, Osanobua ho ẹmwẹ uwa, ọ kevbe hannọ uwa zẹ, ne uwa do gha re ọghe irẹn.

I Tẹsalonaika 4:7

Osanobua ma tie ima ne a do gha yin uyinmwẹ alama oghẹ, sokpan ne a do gha re ne ọ mwẹ uyinmwẹ ne ọ huanrẹn.

I Tẹsalonaika 5:28

Te ẹsọhẹ Nọyaẹnmwa Jesu Kristi gha gu uwa gha rrọọ.

II Tẹsalonaika 1:2

Te Osanobua ne Erha kevbe Nọyaẹnmwa Jesu Kristi gha rhie ẹsọhẹ kevbe ọfumwegbe ne uwa.

II Tẹsalonaika 3:16

Nọyaẹnmwa tobọ ẹre, ne ọre isi ehe ne ọfumwegbe mwa ke rre, ne ọ rhie ọfumwegbe ne uwa vbe ẹghẹ hia kevbe odẹ hia, Nọyaẹnmwa ne ọ yaba uwa hia.

II Tẹsalonaika 3:18

Te ẹsọhẹ Nọyaẹnmwa Jesu Kristi gha gu uwa hia gha rrọọ.

I Timoti 1:2

Gie Timoti ovbi mwẹ ne ovbi mwẹ vbe uwu iyayi Osanobua ne Evbavba kevbe Kristi Jesu Nọyaẹnmwa, ne ọ rhie ẹsọhẹ itohan kevbe ọfumwegbe nuẹn.

I Timoti 6:2

Eviẹn ọmwa ne arowa ẹre re ọmwa ne ọ yayi, wẹ ne iran ghẹ miẹn iran fo rhunmwuda ighẹ etẹn iran khin, sokpan te ọ kere ne iran gha ga iran sẹ ayọ, rhunmwuda emwa ne ọ rri ere iwinna ne iran winna keghi vbe re emwa ni yayi ne iran ho ẹmwẹ ọnrẹn. U ghi ye emwi na kpe orhu, u ghi vbe ya ẹe gha ma emwa emwi.

II Timoti 1:2

Gie Timoti, ovbi mwẹ ne ọ ghan: Osanobua ne Erha kevbe Kristi Jesu ne ọ rhie ẹsọhẹ nuẹn kevbe itohan kevbe ọfumwegbe.

II Timoti 4:22

Te Nọyaẹnmwa gha yaba orhiọn uwa. Te ẹsọhẹ Osanobua gha gu uwa hia gha rrọọ.

Taitọs 1:4

I gbẹn ebe gie Taitọs ne ovbi mwẹ ne ovbi mwẹ vbe ekpa iyayi ne ima gba yaẹn. Osanobua ne Erha kevbe Kristi ne Ọmiọnmwafan mwa ne ọ rhie ẹsọhẹ kevbe ọfumwegbe nuẹn.

Failimọn 1:25

Te ẹsọhẹ Nọyaẹnmwa Jesu Kristi gha guẹ gha rrọọ.

Failimọn 1:3

Osanobua ne Erha mwa kevbe Nọyaẹnmwa Jesu Kristi ne ọ rhie ẹsọhẹ kevbe ọfumwegbe ne uwa.

Jems 1:1

E Jems ne ọguọmwadia Osanobua, kevbe ọghe Nọyaẹnmwa Jesu Kristi; ọre ọ gbẹn ebe na rre. I tuẹ emwa Osanobua hia ni tagha gba uhunmwu otọ agbọn hia.

I Pita 1:15

Sokpan, wa gha re ne ọ huanrẹn vbe emwi ne uwa ru hia zẹ vbene Osanobua ne ọ tie uwa vbe re ne ọ huanrẹn.

I Jọn 3:1

Wa ghe vbene Evbavba ho ẹmwẹ ina hẹ! Ọ ho ẹmwẹ mwa sẹrriọ wẹ, te a ghi tie ima ivbi Osanobua, ẹmwata, ivbi ẹre ọre ima gele khin. Ọna ọre ọ si ẹe ne agbọn ma na rẹn ima, ọ ma rẹn Osanobua.

II Jọn 1:3

Osanobua ne Erha, kevbe Jesu Kristi ne Ovbi Evbavba ne ọ rhie ẹsọhẹ itohan kevbe ọfumwegbe ne ima, ne ọ gele gha re ọghomwa vbe ẹmwata kevbe aho ẹmwẹ ọmwa.

Arhie Maan 2:1

“Gbẹn ebe gie odibosa esọsi ne ọ rre Ẹfisọs vbenian wẹ: “Uhunmwu ne ọ gie ọre ọ na khin ighẹ ọmwa ne ọ viọ orhọnmwẹ ihinrọn mwẹ vbe obọ erha ọmwa rẹn, ne ọ khian yo khian rre vbe adesẹ avbe erhan ọmukpa igoru ihinrọn ni.

Arhie Maan 2:12

“Gbẹn ebe gie odibosa esọsi ne ọ rre Pẹgamọm wẹ: “Uhunmwu ne ọ gie ọ na khin ighẹ ọmwa ne ọ mwẹ umozo ne ọ mwẹ unu eva.

Arhie Maan 2:18

“Gbẹn ebe gie odibosa esọsi ne ọ rre Tiatira wẹ: “Uhunmwu ne ọ gie rre ọre ọ na khin ighẹ Ovbi Osanobua ne aro ẹre kpannọ kua vbe Ogiọnmwẹ erhẹn, ne owẹ ọre fi wainwain, zẹ vbe ẹrọnmwọ ne a kpee.

Arhie Maan 2:29

“Adeghẹ u mwẹ ehọ, danmwehọ ẹmwẹ ne Orhiọn tama avbe esọsi.

Arhie Maan 2:8

“Gbẹn ebe ẹre gie odibosa esọsi ne ọ rre Smaina wẹ: “Uhunmwu ne ọ gie rre ọre ọna khin ighẹ rẹn ni ne ọ re okaro kevbe okiekie, ne ọ te ka wu, ne ọ ghi vbe dọlegbe rre agbọn nian.

Arhie Maan 22:21

Te ẹsọhẹ Nọyaẹnmwa Jesu gha gu emwa hia gha rrọọ. Isẹ.

Arhie Maan 3:14

“Gbẹn ebe gie odibosa ne ọ rre Laodisia wẹ: “Uhunmwu ne ọ gie rre ọ na khin ighẹ Isẹ, osẹe ẹmwata, kevbe ọghe uhunmwu ẹmwẹ, ọmwa ne ọre ehe ne emwi hia ne Osanobua yi ke rre.

Arhie Maan 3:22

“Adeghẹ u mwẹ ehọ danmwehọ ẹmwẹ ne Orhiọn tama avbe esọsi.”

Arhie Maan 3:7

“Gbẹn ebe gie odibosa esọsi ne ọ rre Filadẹlfia wẹ: “Uhunmwu ne ọ gie rre ọ na khin ighẹ ọmwa ne ọ re ọmwata kevbe ne ọ huanrẹn, ọmwa ne ọ rhie isahẹn Devid mwẹ, ọmwa ne ọ gha kie nẹ, a i miẹn ne ọ khui, ọ gha khui, a i miẹn ne ọ kie.