Ebe ne Pọl gbẹẹn gie emwa Rom 1:32 - Edo Bible (E Baibol Ẹdo) Version 1996

³² Iran rẹnrẹn wẹ Uhi Osanobua kha re ighẹ uhunmwu ọre emwa ni ru emwi vberriọ ya khiọ ẹre. Sẹ evba, te iran ye ru avbe emwi na, ne ọ ghi wa rhia sẹ vbọ ọrọre wẹ, iran ghi vbe gha kpe ọbọbọ ye emwa ni ru vberriọ re.

Ebe ne Pọl gbẹẹn gie emwa Rom 1:32 ပူးပေါင်းရင်းမြစ်များ

Psalm 50:18

Wa khian osẹ oyi ne uwa a rhirhi miẹn hia wẹ vbe iran ni ghẹẹ ọ re ọ gba mu obọ.

Itan 28:4

Adeghẹ wẹ i zẹye vbene uhi khare, avbe emwa dan ọ re uwẹ ye egbe baa, sokpan, u gha ya ẹe ru emwi, te u gu iran gbinna.

Hozia 7:3

E Nọyaẹnmwa khare wẹẹ, “Emwa gha yo uma dan ne iran si ya rẹrẹ ọba kevbe ekhaẹmwẹ ọnrẹn.

Iyẹn ne ọ Maan Ọghe Luk 11:48

Te uwa ghi ye ọ na kha ighẹ wa yobọ yọ ighẹ emwi esi ọre avbe erha uwa ru, rhunmwuda, iran gbele avbe akhasẹ nẹ, wa na do mannọ idin iran.

Iwinna 22:20

Ẹghẹ ne a na gbe ẹe rua ighẹ Stivin ne osẹe ruẹ, mẹ tobọ mwẹ rre evba, I keghi ye obọ ye uwu ẹre, mẹ ọre ọ gha gbe aro ghe ẹwu iran ni ya gbe ẹe rua.’

Iwinna 8:1

Ọ keghi wa yẹ Sọl wẹ a gbe ẹe rua. Ẹdẹ ne ẹdẹrriọ zẹẹ ọre esọsi ne ọ rre Jerusalẹm suẹn gha miẹn ukpokpo. Emwa ni yayi hia keghi zagha lele iwewe Judia kevbe Sameria hia, avbe ukọ ọre ọ ghi de kẹe.

Ebe ne Pọl gbẹẹn gie emwa Rom 1:18

Aro da ẹe wẹ izohu Osanobua hihiẹ ke odukhunmwu dee do siẹn yan uyinmwẹ dan kevbe orukhọ emwa dan, emwa ne iba dan ne iran zẹ I gia rẹn ẹmwata ne ọ rrọ.

Ebe ne Pọl gbẹẹn gie emwa Rom 1:21

Iran rẹn Osanobua, sokpan iran ma rhie uyi ne ọ khẹ kẹe nẹẹn, debare, iran ma kpọnmwẹ ọẹn. Ne iran gha na te ru vberriọ, ekhọe iran keghi do khian emwi oya fẹẹrẹ.

Ebe ne Pọl gbẹẹn gie emwa Rom 6:21

Sokpan, de ere ne uwa ghi miẹn re vbe ne uwa na gha ru avbe emwi ni ne ekhue ẹre ghi mu uwa ẹghẹ na? Uwu ọre ọ ke avbe emwi ni ikian.

Ebe ne Pọl gbẹẹn gie emwa Rom 6:23

Rhunmwuda, uwu ọre orukhọ ya ha osa. Sokpan ẹse ọhẹ Osanobua keghi re ẹfe arrọọ, vbe ayegbe ba Jesu Kristi Nọyaẹnmwa.

II Tẹsalonaika 2:12

Emwi ne ọ ghi ke ẹre ikian ọrọre wẹ, iran hia ni ma ya ẹmwata yi sokpan iran kegha mwẹ ẹko ne ọ rhiẹnrhiẹn ye orukhọ, a gha bu abe gbe iran.