Ebe ne Pọl gbẹẹn gie emwa Rom 1:30 - Edo Bible (E Baibol Ẹdo) Version 1996

³⁰ Iran ta ewẹwẹwẹ, iran ta egbe ọtakhọ, iran khui iwu Osanobua, iran zẹ vbe udu, iran tọn egbe mu, iran rhuọ, iran ghi gha gualọ iba ọgbọn ne iran gha zẹ, iran i họn ẹmwẹ ne evbibiẹ iran.

Ebe ne Pọl gbẹẹn gie emwa Rom 1:30 ပူးပေါင်းရင်းမြစ်များ

I Ọba 20:11

Ehab ne ọba keghi wanniẹn wẹẹ, ya khama e Benhadad ne ọba wẹẹ, “Ovbiyokuo ne ọ sekpe, te ọ khọn okuo sẹ owa nẹ ọ kegha ghagha ighẹ ẹ i re vbe ọ ma he yo okuo.”

II Krọnikol 19:2

Akhasẹ ọkpa, e Jehu ne ovbi e Hanani keghi ya vba ọba, ọ tama rẹn wẹẹ, “Wẹ yayi we emwi ne ọ gbae nọ ne a gha yi iran ne emwa dan obọ ra, ra ne a yegbe ba iran ni khuiwu e Nọyaẹnmwa? Emwi ne u ru si ohu e Nọyaẹnmwa yan ruẹn uhunmwu nẹ.

II Krọnikol 25:19

Banbanna nian Amezaia, ugha ya ẹe rhuọ wẹ u khọn ivbi Idọm muotọ, sokpan, ude ne imẹ gha bu ruẹ re ọre ne u do dia vbe owa ruẹ. Vbu a ghi ra gu ya obọ si ẹti ne ọ gha gba uwẹ vbe emwa ruẹn egbe hẹ yi?”

Psalm 10:3

Ọmwa dan ya emwi dan ne ọ khọnrẹn ghagha. Ọmwa uzuanmwẹ kpa unu ghe Osanobua, ọ keghi vbe he ẹe ye otọ.

Psalm 106:39

Iran keghi lekpa uyinmwẹ iran ya egbe iran khian ne ọ ma huan, iran ma gie Osanobua mu ẹtin yan.

Psalm 49:6

Kevbe avbe emwa dan ni mu ẹtin yan ẹfe ne iran na vbe ya ẹfe iran ghagha.

Psalm 5:5

Wẹ i ho ne u bẹghe emwa itengbemu, wẹ khọ ẹko emwa dan hia.

Psalm 52:1

Okpọmwa, vbọzẹ ne u na ya emwi dan rhuọ yi? Aho ẹmwẹ ọmwa Osanobua; etẹbitẹ nọ.

Psalm 81:15

Ohan gha mu iran ni khuiwu mwẹ, iran gha do gha mu uhunmwu gbotọ mẹ. Irriakhi iran gha a rrọọ rhinrin ẹdẹ.

Psalm 94:4

Vbe ọ gha kpee sẹ hẹ yi, ighe ẹghẹ ne avbe emwa dan gha ya gha hio ne iran gha ya emwi dan ne iran ru rhuọ?

Psalm 97:7

Ekhue mu dọmwadẹ ọghọe ne ọ gho ẹbọ, avbe ẹbọ hia ghughẹre vbe odaro Nọyaẹnmwa.

Psalm 99:8

E Nọyaẹnmwa, Osanobua mwa, wẹ zẹ ẹmwẹ wanniẹn emwa ruẹn, wẹ rhie ma iran wẹ, Osanobua ne ọ yabọ ọ re uwẹ khin, a gha rhe miẹn wẹ u rri iran oya ye orukhọ iran.

Itan 24:8

Adeghẹ ọkhọ ọ re u mwamwa vbe ẹghẹ hia, agbọn ghi do rẹn ruẹn ye ọmwa ne ọ si ẹti khian.

Itan 25:23

Ewẹwẹwẹ, ẹ i mwẹ ọ ma ya ohu mu ọmwa, zẹ vbene ẹ i mwẹ amẹ ma lele ẹhoho odẹ okuọ rre.

Itan 30:17

Ọmwaikọmwa ne ọ ya erha ẹe gbogiẹ ra ne ọ zan iye ẹe vbe ọ ghi khian ọmaẹn nẹ, ugu ọ re ọ kere ne ọ rri ọe, ra ne ahianmwẹ oha wọlọ ẹre aro kua.

Itan 8:36

Ọmwa ne ọ ma gualọ mwẹ miẹn te ọ kuan egbe ẹre ọmwa ne ẹmwẹ mwẹ sọnnọ, ẹmwẹ uwu ọ re ọ yẹ ọre.”

Asan-Ibo 7:29

Emwiọkpa ne I miẹn ruẹ ọ re ọna khin wẹ te Osanobua yi ima fiain, sokpan ma keghi ye egbe ima khian khiẹnkhiẹnkhiẹn.

Ezikiẹl 14:5

Avbe ẹbọ nii ni ye ivbi Izrẹl fi iyeke gbe mwẹ, sokpan, I yayi wẹ ewanniẹn ne I gha rhie ne iran gha ya iran dọlegbe bu mwẹ rre.

Ezikiẹl 22:7

“Emwa ni rre avbe okpẹvbo, ne ọ ghi ya ọghọ ne avbe evbibiẹ iran i ghi rrọọ. Wa gbe avbe orhunmwuyẹn rhu, wa keghi mu avbe ẹgbẹe kevbe emọ ne ẹ i mwẹ erha vbuẹvbuẹ.

Nọmbas 10:35

Ẹkpẹti Ile nii gha wa si okhian, e Mosis ghi kha wẹẹ, “E Nọyaẹnmwa, kpaegbe ne u zagha avbe eghian ruẹn kua, ne u vbe khulo iran ni mu ohu ruẹ kua!”

Matiu 15:4

Rhunmwuda Osanobua khare wẹẹ, ‘Ya ọghọ ne erha a kevbe iyuẹ’ kevbe wẹẹ, ‘Ọmwaikọmwa ne ọ kpa unu ghe erha e ra iye ẹe, te a gha gbẹe rua.’

Matiu 16:21

Ke ẹghẹ ni kpao, ọre Jesu ke suẹn gha tua unu muẹn ma avbe erhuanegbe ẹre wẹẹ, “Ẹ i mwẹ I ma yo Jerusalẹm ne I ya rri oya emwi ni bun vbe obọ avbe eniwanrẹn, avbe igiohẹn kevbe avbe iran ni ma emwa Uhi. Iran gha gbe mwẹ uan, vbe ikpẹdẹ ne ogieha, a gha huẹn mwẹ kpaegbe.”

Iyẹn ne ọ Maan Ọghe Luk 21:16

Avbe evbibiẹ uwa kevbe etẹn ne ikpia, ẹgbẹe kevbe avbe ọse uwa, gha silo uwa ladian, iran gha gbele eso ua vbe uwu uwa.

Iyẹn ne ọ Maan Ọghe Jọn 7:7

Agbọn i sẹtin gha khuiwu uwa, sokpan mẹ ọre ọ khuiwu ẹre rhunmwuda ne I na tama rẹn wẹ iwinna rẹn ẹ i ma.

Iwinna 5:36

Vbe nẹdẹ eso, Tiudas ladian ọ wẹ a ma he miẹn egbe irẹn ẹdẹ, emwa ni sẹ uri eva keghi ye egbe ba ẹre. Sokpan, a ghi gbe ẹe rua nẹ, emwa ni te lele ẹe khian keghi zagha, otu ne ọ mu gbọọ keghi wiẹghẹ ua.

Ebe ne Pọl gbẹẹn gie emwa Rom 2:17

Wẹ vbo? Ẹ i re Ju ọre u tie egbe ruẹ re, u mu ẹtin yan nene Uhi gha ya Osanobua rhuọ.

Ebe ne Pọl gbẹẹn gie emwa Rom 2:23

U rhuẹ khian ighẹ uhi Osanobua guẹ, sokpan wẹ ye ekhue mu Osanobua vbekpa ne u na rra uhi ẹre ra?

Ebe ne Pọl gbẹẹn gie emwa Rom 3:27

De emwi ne a ghi ra ya rhuọ vbe emwa na yi? Ẹ i rrọọ! Rhunmwuda vbe ọ khin yi? Rhunmwuda ighẹ ọmwa ru vbene nene Uhi kha re nọ ra? Ẹn o, sokpan rhunmwuda ighẹ ọ yayi.

II Kọrinti 10:15

Rhunmwuda ọnii, ma i ye iwinna ne emwa ọvbehe winnaẹn gberra okhuo ne Osanobua fian ne ima rhuọ, sokpan idaehọ mwa nọ wẹ ne iyayi uwa gha wan yọ, ne ima sẹtin miotọ na winna iwinna ni sẹ enena vbe uwu ẹbu uwa, vbe uwu ehe ne Osanobua mwa rẹn ne ima sẹ.

II Kọrinti 12:20

Afianma fian mwẹ wẹ, I gha sẹ evba, ẹ i re vbene I ho ne uwa gha ye I ra na do vba uwa, wa tobọ uwa ghi vbe miẹn wẹ, ẹ i re emwi ne uwa te ho ne imẹ gha khin ọre I khin. Afianma fian mwẹ wẹ, I gha do vba ẹzọ, oya ọmwa da ọmwa, ọkpankpan, arẹn ne egbe mwa ọkpa, ọtakhọ, kevbe ewẹwẹwẹ, uhiomwẹ kevbe otighi.

Diuteronomi 27:16

“ ‘Ihẹn Osanobua rre uhunmwu ọmwa ne ọ ma ya ọghọ ne erha ẹe ra iye ẹe.’ “Emwa ni hia ghi kha wẹ, ‘Isẹ!’

Diuteronomi 7:10

Sokpan ẹ i sọn ọ te gha rria iran ni khuiwu ẹre ikhi.

II Tẹsalonaika 2:4

Rẹn gha ghe odan ye emwi hia ne emwa ghi gho nẹ, kevbe emwi hia ne emwa ghi tie ẹre ne ọ huanrẹn. Rẹn ghi tọn egbe ẹre mu sẹ ehia fẹẹrẹ, uhin ọ ghi ya tota ye Ọgua Osa ọghe Osanobua, ọ ghi wẹ rẹn ọre ọ ghi re Osanobua!

II Timoti 3:2

Rhunmwuda, emwa ghi khian ni rẹn enegbe iran ọkpa, iran ghi gha zuan, kevbe orhuọ, a ghi gha ya obọ so udu, iran ghi gha filo unu, iran i ghi họn ẹmwẹ evbibiẹ iran, emwa ẹse oghodan, iran i ghi ga Osanobua.

Taitọs 3:3

Rhunmwuda ẹghẹ ọkpa rrọọ ne ima tobọ ima na te vbe kọn, a i họn ẹmwẹ, a keghi vbe ba emwi ku ru. Orriarria kevbe emwi ni rhiẹnrhiẹn ughughan keghi mu ima oghunmwu. A ke gha lo ẹdẹ mwa hia vbe uwu ikhọẹko, kevbe oya ọmwa da ọmwa, emwa eso kegha khu iwu mwa, ma keghi vbe gha khọ ẹko iran.

Jems 3:5

Erriọ ọre ẹmwẹ aranmwẹ ye, vbene ọ kanmwa sẹ nii, ọ ghi gha rhuọ orhuọ ni kọnkọn. U ghi ghe vbene ẹgbo kpọlọ hẹ ne ovbi ogiọnmwẹ erhẹn sẹtin mu erhẹn yi.

Jems 4:16

Wanwanna nian, wa wa tọn egbe mu, wa keghi vbe rhuọ, egbe orhuọ vberriọ rhọkpa, ne ọ diae i rrọọ.

II Pita 2:18

Iran ghi gha ya unu ta ẹmwẹ itengbemu akpa, iran ghi gha ya emwi orriarria egbe alama, khuẹn ifi munọ avbe emwa ni he da lẹfe hin uwu ẹbu emwa ni rre uwu abakuru rre.

Ebe ne Jud gbẹẹn 1:16

Ẹzọ uwu unu ọre iran na gui vbe ẹhi, iran ghi gha ba emwa ọvbehe ifi ẹzọ, emwi dan ni rre iran ekhọe ọre iran ru, iran ghi gha ya unu kpa egbe iran, iran ghi gha ya unu lalọ emwa ọvbehe egbe, ne obọ iran miẹn ehe na vba emwi ne iran ho.