Ebe ne Pọl gbẹẹn gie emwa Rom 1:27 - Edo Bible (E Baibol Ẹdo) Version 1996

²⁷ Erriọ vbe nọ zẹ, ikpia ni rrọọ i ghi tie ikhuo ovbe zẹ vbe ne Osa mwamwa ẹn, sokpan iran ghi rhikhan lele egbe, okpia vbe okpia. Ikpia ghi gha gu egbe ru emwi emwi ekhue. Emwi ne ọ ghi ke ẹre ikian ọrọre wẹ, a keghi rri iran tobọ iran oya ne ọ khẹ ke emwi dan ne iran ru.

Ebe ne Pọl gbẹẹn gie emwa Rom 1:27 ပူးပေါင်းရင်းမြစ်များ

Levitikọs 18:22

Okpia ghẹ gu okpia ru emwi. Ọ sọnnọ Osanobua.

Levitikọs 20:13

“A deghẹ okpia gu okpia ru emwi oghẹ, a i ghẹru iran ru, a ghi gbele iran eveva ua, obọ iran ọ re emwi ne ọ gbele iran ke rre.

I Kọrinti 6:9

Sokpan, wa rẹnrẹn ighẹ Arriọba Osanobua i ra sẹ emwa dan obọ. Wa ghẹ rẹrẹ egbe uwa: Avbe ni gbe alama, iran ni ga ẹbọ, iran ni ghẹẹ, ikpia ni tie ikpia ne ihua iran ovbe.

Ebe ne Jud gbẹẹn 1:7

Wa ye Sọdom kevbe Gomorra kevbe ivbi ẹvbo ni lẹga iran rre, emwa ni ru vbene avbe odibosa vbe ru, ne iran na gha ru emwi ne ọ ma gba vbe ekpa oghẹ, iran kegha fi ehia werriẹ ghe odẹ dan, a keghi ya erhẹn ne ọ giẹn ẹdẹdẹmwẹdẹ rri iran oya ne emwa hia gha miẹn ọnii waan.