Ebe ne Pọl gbẹẹn gie emwa Rom 1:26 - Edo Bible (E Baibol Ẹdo) Version 1996

²⁶ Rhunmwuda emwi ne emwa ne agbọn ru, Osanobua keghi he iran ye orriarria emwi ekhue iran. Uhin ighẹ te ikhuo ne a rẹngbe ghi fi ogamwẹ na ne a rhie ne iran werriẹ khian ọvbehe, iran ghi gha lo ẹre la ihan ne emwi ne a te wẹ ne a yae gha ru.

Ebe ne Pọl gbẹẹn gie emwa Rom 1:26 ပူးပေါင်းရင်းမြစ်များ

Gẹnẹsis 19:5

Iran keghi datie Lọt, iran na nọ rẹn wẹẹ, “Ikpia ni rre do di owa ruẹ ya asọn na vbo? Viọ iran ladian ne ima!” Ivbi e Sọdom keghi ho ne iran gu iran ru emwi.

Psalm 81:12

Rhunmwuda ọnii, I keghi sẹ iran rae, ne iran la odẹ iyin ehọ iran, ne iran ya gha ru emwi ne ọ khọn iran.

Ebe ne Pọl gbẹẹn gie emwa Rom 1:24

Rhunmwuda ukọnmwẹ dan ne emwa ne agbọn kọẹn, Osanobua keghi he iran yọ ne iran gha yin uyinmwẹ ẹwia ni rre iran ekhọe, iran keghi vbe gu egbe iran yin uyinmwẹ emwi ekhue.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

I Kọrinti 6:9

Sokpan, wa rẹnrẹn ighẹ Arriọba Osanobua i ra sẹ emwa dan obọ. Wa ghẹ rẹrẹ egbe uwa: Avbe ni gbe alama, iran ni ga ẹbọ, iran ni ghẹẹ, ikpia ni tie ikpia ne ihua iran ovbe.

Ẹfisọs 4:19

Iran i ghi rẹn emwi ne a tie ẹre ekhue, iran wa fan egbe iran fi uwu iba ne a zẹ, iran keghi vbe yin uyinmwẹ osọnnọ hia vbe ne a i na vbe ghe iyeke.

Ẹfisọs 5:12

Ekhue i gia sunu ye emwi ne iran ru vbe uwu ebiebi.)

I Tẹsalonaika 4:5

Ẹ i re rhunmwuda orriarria, zẹ vbene avbe iran ni ga ẹbọ ni ma rẹn Osanobua ru.

I Timoti 1:10

Iran ni gbe alama oghẹ, iran ne ẹmwẹ oghẹ khian ẹre ọvbehe, iran ni do ọmwa mu, iran ni ta ohoghe, ra ni ta emwi ne aro iran ma sẹ, ra ni ru emwikemwi ne ọ lughaẹn ne iruẹmwi ẹmwata nii.

Ebe ne Jud gbẹẹn 1:10

Sokpan, iran na ghi gha ya unu salọ emwi ne iran ma rẹn otọ ẹre, avbe emwi nii ne egbe ma iran ẹre, zẹ vbe aranmwẹ oha, ọrọre emwi ne ọ vbe fuẹn iran uan.

Ebe ne Jud gbẹẹn 1:7

Wa ye Sọdom kevbe Gomorra kevbe ivbi ẹvbo ni lẹga iran rre, emwa ni ru vbene avbe odibosa vbe ru, ne iran na gha ru emwi ne ọ ma gba vbe ekpa oghẹ, iran kegha fi ehia werriẹ ghe odẹ dan, a keghi ya erhẹn ne ọ giẹn ẹdẹdẹmwẹdẹ rri iran oya ne emwa hia gha miẹn ọnii waan.

Giọgis 19:22

Iran ghi rre uwu ọyẹnmwẹ nii, vbe udomwurri, emwa oya eso keghi ke ẹvbo nii rre, iran lẹga owa nii, iran na kpe ẹkhu gbigbigbi. Iran keghi tama ediọnmwa nii wẹẹ, “Rhie okpia ne ọ leluẹ gha die owa han ladian, ma ra gu ẹe ru emwi ọdọ vbe amwẹ.”