Ebe ne Pọl gbẹẹn gie emwa Rom 1:25 - Edo Bible (E Baibol Ẹdo) Version 1996

²⁵ Iran fi ẹmwata ne ọ rre ẹmwẹ Osanobua werriẹ ya khian ohoghe. Iran keghi ga, iran na vbe gha ya uhunmwu rhanmwẹ otọe ne emwi ne Osanobua yi, ne iran gha na te gha ga Ayi Ne ọ yi tobọ ẹre, ne a gha rhie uyi na ẹdẹdẹmwẹdẹ, Isẹ.

Ebe ne Pọl gbẹẹn gie emwa Rom 1:25 ပူးပေါင်းရင်းမြစ်များ

Psalm 72:19

Wa rho eni ẹnrẹn ne ọ mwẹ uyi ẹdẹdẹmwẹdẹ. Te uyi ẹre gha gha otọ agbọn hia. Isẹ! Isẹ!

Aizaia 44:20

Ẹwaẹn ne ọ rre emwa ma vbe kpọlọsẹ ọghe ọmwa ne ọ rri emuẹn. Emwi akpa ne ọ rre ọre uhunmwu bibi ẹre odẹ sẹ vberriọ nẹ wẹ ẹ i ghi gia yọre obọ. Ẹ i sẹtin tae ma egbe ẹre wẹ amazẹ ne irẹn mu mwẹ obọ ighe ẹ i re Osanobua hiehiere.

Jerimaia 13:25

Rẹn taa ẹe nẹ wẹ ọna ọ ra mian uwa. Ọna ọ re ọ wẹ rẹn ra ru uwa ẹre rhunmwuda, wa mianmian ẹẹn nẹ, wa na gha lele avbe ẹbọ ohoghe.

Jerimaia 16:19

E Nọyaẹnmwa, wẹ ọrọre ọmwa ne ọ degue mwẹ kevbe ne ọ rhie ẹtin mẹ wẹ ọ re ọ yọmwẹ obọ vbe ọghe ibaro. Avbe uhunmwu ẹvbo gha ke ufomwẹ agbọn bu ruẹ rre do kha wẹẹ, “Avbe erha ima odede i mwẹ emwi rhọkpa gberra ẹbọ ohoghe, emwirhọkpa i rrọọ gberra amazẹ ne ẹ i mwẹ asa.

Emọs 2:4

E Nọyaẹnmwa khare wẹẹ, “Te ivbi e Juda wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran zan iruẹmwi mwẹ, iran ma vbe ya iyi mwẹ ru emwi. Ẹbọ ohoghe ne avbe erha iran ghoro, vbe dee iran odẹ nẹ,

Habakọk 2:18

De esa ne ẹbọ ye yi? Emwi ne ọmwa ya obọ ru kẹkan ma, nẹ ẹ i vbe ta ẹmwẹ ọkpa ma ruẹn gberra ohoghe. De ọ maa ọkpa ne ọmwa ne ọ mu ẹtin yan rẹn ra miẹn vbọ yi — ẹbọ ne ẹ i sẹtin guan.

Matiu 10:37

“Ọmwaikọmwa ne ọ ho ẹmwẹ erha ẹe ra iye ẹe sẹ mwẹ, ọ ma ke vbe ọghomwẹ, ọmwa ne ọ vbe ho ẹmwẹ ovbi ẹre nokpia ra nokhuo sẹ mwẹ, ọ ma ke vbe ọghomwẹ.

Matiu 6:24

“Orhunmwu ọkpa ne ọ gha sẹtin ga arowa eva, ẹ i rrọọ. Ọ gha ho ẹmwẹ ọkpa, ọ ghi gha khuiwu enogieva, ọ gha họn ẹmwẹ ne ọkpa, ọ ghi gha yan enọkpa zẹ, wẹ i sẹtin ga Osanobua ga igho.

Iyẹn ne ọ Maan Ọghe Jọn 2:8

Iyeke ọnii, ọ tama iran wẹẹ, “Wa sa vbe amẹ nii mu gie ọwaemwi.” Iran keghi gele sa mu bu ẹre.

Ebe ne Pọl gbẹẹn gie emwa Rom 1:18

Aro da ẹe wẹ izohu Osanobua hihiẹ ke odukhunmwu dee do siẹn yan uyinmwẹ dan kevbe orukhọ emwa dan, emwa ne iba dan ne iran zẹ I gia rẹn ẹmwata ne ọ rrọ.

Ebe ne Pọl gbẹẹn gie emwa Rom 1:23

Ne iran gha na te gha ga Osanobua Ne ẹ i wu, iran keghi ya gha ga amazẹ ne a ma ẹn ya ta ọmwa ne ọ sẹtin wu, ra ahianmwẹ, ra aranmwẹ oha, ra emwi ni ye ẹko hiọrọ.

Ebe ne Pọl gbẹẹn gie emwa Rom 9:5

Uniẹn avbe erha nikaro iran khin, a gha ta ẹmwẹ Kristi zẹ vbe ọmwa kẹkan, uniẹn iran nii vbe nọ. Osanobua ne ọ kha yan emwi hia ọre a gha rho ẹdẹdẹmwẹdẹ! Isẹ.

II Kọrinti 11:31

Osanobua ne Erha Nọyaẹnmwa Jesu Kristi — afiangbe nọ ne eni ẹnrẹn ẹdẹdẹmwẹdẹ rẹn wẹ ẹ i re ohoghe I tae.

Ẹfisọs 3:21

Osanobua ọre uyi gha rrọ na vbe uwu esọsi kevbe uwu Kristi Jesu, la ẹghẹ hia fẹẹrẹ, rhinrin ẹdẹdẹmwẹdẹ. Isẹ.

I Tẹsalonaika 1:9

Iran na hia wa ta ẹe khian, ighẹ ẹmwẹ vbe ne uwa rhan obọ miẹn ima hẹ vbe ima do miẹn uwa, kevbe vbene uwa ghi fi iyeke gbe ẹbọ hẹ do gha ga Osanobua ne ọre Osanobua ẹmwata ne ọ rrọọ.

I Timoti 1:11

Ọnii nọ wẹ, iruẹmwi ne ọ rre uwu Iyẹn Ne ọ maa ne a mu yọ mwẹ obọ ne I gha kpe orhu ẹre khian, Iyẹn Ne ọ maa nii ne ọ ke obọ Osanobua ne ọ mwẹ uyi kevbe ne a fiangbe rre.

I Timoti 1:17

Ọba etẹbitẹ, ne ẹ i wu ẹde, kevbe ne a i bẹghe, ne irẹn ọkpa re Osanobua, ọre ọghọ kevbe uyi gha rrọọ na, ẹdẹ kevbe ẹdẹdẹmwẹdẹ. Isẹ.

II Timoti 3:4

Iran ghi gha si uma isọtẹ, iran ghi gha zẹ esu, uhiomwẹ ghi zẹ iran udu ua. Iran ghi gha hoẹmwẹ egberọkhọmwẹ vbe ne iran i na hoẹmwẹ Osanobua.

I Jọn 5:20

Ma rẹnrẹn wẹ Ovbi Osanobua rre nẹ, ọ keghi vbe rhie irẹnmwi ne ima sẹrriọ wẹ, te ima ghi rẹn Osanobua ẹmwata, uwu Osanobua ẹmwata ọre ẹdẹ agbọn ima ye, vbe uwu Jesu Kristi ne Ovbi ẹre. Ọna ọrọre Osanobua ẹmwata, ọna ọ vbe re ẹfe ne ẹ i fo.