Ebe ne Pọl gbẹẹn gie emwa Rom 1:23 - Edo Bible (E Baibol Ẹdo) Version 1996

²³ Ne iran gha na te gha ga Osanobua Ne ẹ i wu, iran keghi ya gha ga amazẹ ne a ma ẹn ya ta ọmwa ne ọ sẹtin wu, ra ahianmwẹ, ra aranmwẹ oha, ra emwi ni ye ẹko hiọrọ.

Ebe ne Pọl gbẹẹn gie emwa Rom 1:23 ပူးပေါင်းရင်းမြစ်များ

Psalm 106:20

Iran keghi fi uyi Osanobua werriẹ ghe ọghe ama aranmwẹ ne ọ rri irunmwu.

Aizaia 40:18

De ọmwa ne a gha ya gie Osanobua yi? Vbe ọmwa ra ya gie vbene ọ ye hẹ?

Aizaia 40:26

Tọn aro mu ghe odukhunmwu! Gha ọ yi avbe orhọnmwẹ ne u dẹghe yi? Ọmwa ne ọ viọ iran ladian vbe ivbiyokuo? Ọ rẹn inu ne iran khin te ọ he ọkpọkpa vbọ eni! Ẹtin ẹnrẹn kpọlọ sẹ vberriọ okpa vbe iran ne ọ gha wii edẹ i rrọ!

Aizaia 44:13

Owinna gha mwa erhan, ọ ghi ya orhue vin ama yọ, ọ ghi ya emwi iwinna rẹn ka ẹre, ọ ghi ru ẹe ya ta ọmwa, ama ọmwa nagbọn ne ọ mose, ne ọ mu ye uwowa ẹre.

Jerimaia 2:11

Ẹvbo ọvbehe ne ọ he fi ẹbọ ne iran gho werriẹ i rrọọ, egbe ne iran i rhe ya re ẹbọ ẹmwata, sokpan, emwa mwẹ ya mwẹ rọ nẹ. Mẹ ne Osanobua ne ọ rhie uyi gie iran, iran keghi zẹ avbe ẹbọ ne ẹ i sẹtin ru emwi rhọkpa ne iran.

Ezikiẹl 8:10

I keghi gele la uwu ẹre ya ghe ẹre. Iran keghi gbẹnnẹ ama avbe ẹyẹn kevbe avbe aranmwẹ ni ma huan ọvbehe hia gba egbekẹn ọnrẹn, do deba avbe emwi ọvbehe hia ne Izrẹl gha gho.

Iwinna 10:12

Avbe aranmwẹ otọ kevbe aranmwẹ amẹ kevbe avbe ahianmwẹ keghi vuọn uwu ẹre.

Iwinna 17:29

Vbene a ghi na miẹn nian wẹ ivbi ẹre ma khin, ọ ma kei ne ima gha ro ighẹ te ama Osanobua yevbe amazẹ ne a ya igoru ma, ra ẹrọnmwọ ra okuta ne ọmwa ne agbọn ye ifuẹro ke iguemwi obọ ẹre mwamwa.

Ebe ne Pọl gbẹẹn gie emwa Rom 1:25

Iran fi ẹmwata ne ọ rre ẹmwẹ Osanobua werriẹ ya khian ohoghe. Iran keghi ga, iran na vbe gha ya uhunmwu rhanmwẹ otọe ne emwi ne Osanobua yi, ne iran gha na te gha ga Ayi Ne ọ yi tobọ ẹre, ne a gha rhie uyi na ẹdẹdẹmwẹdẹ, Isẹ.

I Kọrinti 12:2

Wa rẹnrẹn wẹ, ẹghẹ ne uwa na gha re emwa ni ga ẹbọ kẹkan, avbe amazẹ ọre ọ gha ye uwa ru enegbe iran, iran na vbe gha ye uwa ba odẹ ku vbe ẹghẹ hia.

Diuteronomi 5:8

“ ‘Ghẹ ma amazẹ emwikemwi ni rre iso ra ni rre otọ ne egbe ruẹ ra ọghe ni rre amẹ ni rre ototọ otọe.

I Pita 4:3

Rhunmwuda, wa lo ẹghẹ ne ọ taẹn sẹ nẹ, ne uwa ya gha ru vbene avbe enimayayi ru. Ẹdẹ agbọn uwa kegha re ne a lo ye uyinmwẹ iruẹn ufifimwẹ, ayọn ne a da gbe egbe, ohọhọ, ẹbu idayọn, kevbe iruẹbọ nẹ ọ hu ọmwa ẹko.

Arhie Maan 9:20

Emwa ne agbọn ni dekẹe, iran ne egboghogbogho na ma he gbele ua, iran ma zobọ vbe emwi ne iran tobọ iran ru. Iran ma zobọ vbe esu ne iran ga kevbe avbe amazẹ igoru, esiliva, oze, okuta kevbe erhan, emwi ne ẹ i sẹtin bẹghe ra ne ọ ye owẹ khian ra ne ọ họn ẹmwẹ.