Ebe ne Pọl gbẹẹn gie emwa Rom 1:16 - Edo Bible (E Baibol Ẹdo) Version 1996

¹⁶ I wa mu ẹtin yan iyẹn ne ọ maa, ẹtin ne Osanobua ya miẹn iran ni yayi fan nọ, okaro, avbe Ju sokpan kevbe iran ne ẹ i re Ju ba ẹre.

Ebe ne Pọl gbẹẹn gie emwa Rom 1:16 ပူးပေါင်းရင်းမြစ်များ

Psalm 110:2

E Nọyaẹnmwa gha fian te ẹtin arriọba ruẹ ke Zaiọn rre. Rẹn keghi kha wẹẹ, “Gha khaemwisẹ yan avbe eghian ruẹn.”

Psalm 119:46

Mẹ gha na iyẹn iyi ruẹ ma avbe ọba ekhue i ra vbe mu mwẹ.

Aizaia 53:1

Emwa ni keghi wanniẹn wẹẹ, “De ọmwa ne ọ gha te ya iyẹn ne ima naẹn na yi yi? De ọmwa ne ọ gha te miẹn obọ e Nọyaẹnmwa vbe emwi na.

Jerimaia 23:29

Te ẹmwẹ mwẹ ye vbe erhẹn kevbe umọmọ ne ọ guọghọ okuta nekhua rẹnkhẹnrẹnkhẹn.

Iyẹn ne ọ Maan Ọghe Mak 8:38

Rhunmwuda ọnii, deghẹ ọmwaikọmwa mu ekhue mwẹ kevbe ekhue iyẹn ne ọ maa vbe agbọn ọrhiae ne ọ maa rẹn Osanobua na, Ovbi Ọmwa gha vbe mu ekhue ẹre vbe ọ gha rre vbe uyi ọghe Erha ẹe deba avbe odibosa ni huanrẹn.”

Iyẹn ne ọ Maan Ọghe Luk 9:26

Deghẹ ekhue mu ọmwaikọmwa ba ẹmwẹ mwẹ ra iruemwi mwẹ, ẹmwẹ ọnrẹn gha vbe mu Ovbi Ọmwa ekhue vbe ẹghẹ ne ọ gha ya rre vbe uwu uyi ẹre kevbe ọghe Erha ẹe kevbe ọghe avbe odibosa.

Iyẹn ne ọ Maan Ọghe Jọn 7:35

Avbe Ju kegha gu egbe guan wẹẹ, “De ehe ne ọ khian gha rrie ne ima i ra na miẹn ọẹn yi? Te ọ khian bu avbe Ju ni rre ẹvbo avbe Grik ra ne ọ ya gha ma iran ne Grik emwi?

Iwinna 3:26

Ọnii ọ si ẹe ne Osanobua ghi na zẹ Ọguọmwadia ẹre nẹ, ọ keghi ka gie ẹe bu uwa gha dee ne ọ do fiangbe uwa vbe ekpa ne ọ gha na ya uwa hia fi iyeke gbe odẹ dan ne uwa te la khian.”

Ebe ne Pọl gbẹẹn gie emwa Rom 10:17

Ọnii nọ wẹ a gha họn ẹmwẹ nii ọre a na yae yi, ekpa a kpe orhu Kristi ọre nene ẹmwẹ la rre.

Ebe ne Pọl gbẹẹn gie emwa Rom 15:19

La ekpa ẹtin, ama kevbe iwinna ọyunnuan kevbe ẹtin ọghe Orhiọn. Ọre a na miẹn wẹẹ I ke Jerusalẹm khian ya sẹ Ilirikọm. I kegha na ọna ọre ọ na fo ighẹ Iyẹn Ne ọ maa vbe ekpa Jesu Kristi.

Ebe ne Pọl gbẹẹn gie emwa Rom 15:29

I gha rre, I rẹnrẹn ighẹ ke imẹ kevbe afiangbe ne ọ gbae ọghe Kristi ọre ọ gba dee.

Ebe ne Pọl gbẹẹn gie emwa Rom 2:9

Oya kevbe obalọ gha rrọọ ne emwa hia ni ru emwi dan, okaro ne avbe Ju, vbe iyeke ọnii, kevbe ne iran ne ẹ i re Ju.

Ebe ne Pọl gbẹẹn gie emwa Rom 4:11

Okiekie ọre a ghi do ya rhuẹ ọre. Arhuẹ ne ọ rhuẹre keghi re ne a ya rhie maa wẹ ẹghẹ ne Ebraham ma na he rhuẹ Osanobua ka ẹe ye ọmwata vbe odaro ẹre rhunmwuda iyayi ẹre rhunmwuda ọnii, Ebraham keghi re erha vbekpa ọghe orhiọn ne iran hia ni ya Osanobua yi, ne irẹn vbe ka ye emwata vbe odaro ẹre, a gha rhe miẹn wẹ iran ma rhuẹ.

I Kọrinti 15:2

Ọnii nọ wẹ iyẹn ne ọ maa, ẹmwẹ ne I kpe orhu ẹre ma uwa. Iyẹn Ne ọ maa na ọre a ya miẹn uwa fan, a deghẹ wa daeyi gbangbaangban, sokpan a ma gha kha ighẹ te uwa yayi kua kẹkan.

I Kọrinti 2:2

Rhunmwuda, te I mobọ wa yan ta ẹe ighẹ I gha rre ehe ne uwa ye, emwi ọvbehe i rrọ ne I gha yerre gberra ẹmwẹ Jesu, kpataki, ọghe uwu ne ọ wu vbe uhunmwu ugbugbe.

I Kọrinti 2:4

Ikpẹ orhu mwẹ kevbe ẹmwẹ ne I ta ẹe, I ma ya ẹmwẹ umẹwaẹn ne ọ guẹ ẹmwẹ ta ẹe, vbe ẹ i re ẹmwẹ ne ọ mu ọmwa ekhọe ọghe ẹtin Orhiọn Osanobua.

I Kọrinti 9:12

A deghẹ emwa ọvbehe rhie aro ye egbe emwi na vbe obọ uwa, wa ma rẹn ighẹ ma ọre ọ khẹ ke sẹ. Sokpan ma ma ho ne a lo ukpo na. Sokpan ma keghi ziengbe emwi hia ne a ghẹ ya mu idobọ ye ẹmwẹ Iyẹn Ne ọ maa ọghe Kristi.

I Kọrinti 9:18

De emwi ne ọ ghi re ere mwẹ khekherriọ? Ọghọ ne ọ rrọ mwẹ egbe ne I na sẹtin kpe orhu Iyẹn Ne ọ maa vbe ne a i na fian ive yọ, vbe ne a i na rhie emwi ne ọ khẹ ke mwẹ mẹ vbe I kpe orhu iyẹn ne ọ maa.

II Kọrinti 2:12

Ẹghẹ ne I na sẹ Troas ne I ya kpe orhu Iyẹn Ne ọ maa Kristi vbe evba, I keghi miẹn wẹ, Nọyaẹnmwa tobọ ẹre kie odẹ ye otọ ne nene iwinna nẹ vbe evba.

II Kọrinti 4:4

Iran ma yayi, rhunmwuda ẹbọ dan ọghe agbọn na mu ekhọe iran dee ye uwu ebiebi nẹ. Ọ ma gie iran bẹghe uwanmwẹ ne ọ wan mu iran, uwanmwẹ ne ọ ke Iyẹn Ne ọ maa vbe ekpa uyi Kristi rre, ọmwa ne ọ re ama ne a ya gie Osanobua dandaandan.

II Kọrinti 9:13

Kevbe rhunmwuda emwi ne ọ ghi la ekpa iwinna uwa na vẹ ne agbọn rẹn, emwa ni bun ghi rhie uyi ne Osanobua ye ẹmwẹ iyẹn ne ọ maa ọghe Kristi ne ọ rre uwa ekhọe, kevbe ne uwa vbe yayi, kevbe obọ ẹse ne ọ tọlọ uwa ghe iran, kevbe emwa ọvbehe.

Galatia 1:7

Vbe ọghe ẹmwata, ẹ i re wẹ “iyẹn ne ọ maa” ọvbehe rrọọ, emwi ne ọ ya mwẹ tae, ọrọre wẹ, emwa eso rrọọ ni mu uwa orhiọn rueghe, iran ho ne iran fi iyẹn ne ọ maa ọghe Kristi werriẹ.

I Tẹsalonaika 2:13

Ọna ọre emwi ne ọ vbe si ẹe ne ima na rhie ekpọnmwẹ ne Osanobua vbe ẹghẹ hia. Ugbẹn vbe ima do kpe orhu ẹmwẹ Osanobua mwa uwa, wa họn ẹn, wa keghi vbe miẹn ẹnrẹn ye ehọ, ẹ i re zẹ vbe ẹmwẹ emwa ne agbọn kẹkan, sokpan zẹ vbe ẹmwẹ Osanobua ne ọ gele khin. Rhunmwuda Osanobua rre uwu ẹbu uwa ni yayi winna.

I Timoti 1:11

Ọnii nọ wẹ, iruẹmwi ne ọ rre uwu Iyẹn Ne ọ maa ne a mu yọ mwẹ obọ ne I gha kpe orhu ẹre khian, Iyẹn Ne ọ maa nii ne ọ ke obọ Osanobua ne ọ mwẹ uyi kevbe ne a fiangbe rre.

II Timoti 1:12

Ọnii ọre ọ zẹẹ ne I na rri oya emwi na hia. Sokpan ekhọe mwẹ ma he beghe hiehiere, rhunmwuda, mẹ rẹn ọmwa ne I mu ẹtin yan, aro mwẹ da ẹe wẹ, ọ gha sẹtin rhie ẹre mwẹ vbe ne a i na mwẹ ẹbe ighẹ emwi ne ọ ka yọ mwẹ obọ, rhinrin ya sẹ Ẹdẹ ne ẹdẹrriọ.

II Timoti 1:16

Nọyaẹnmwa ne ọ tohan igiowa Onisiforọs, rhunmwuda, ẹghẹ hia ọre ọ do ya gha mu mwẹ aro ze. Ekhue eghan ni ye ma mu ẹn.

II Timoti 1:8

Rhunmwuda ọnii, ghẹ gie ekhue ẹmwẹ Nọyaẹnmwa ne a ta mu uẹn, erriọ, ghẹ vbe gie ekhue imẹ ne oleghan rẹn mu uẹn, sokpan vbe ghae vbe uwu oya ne a re ba ẹmwẹ nene Iyẹn Ne ọ maa zẹ vbene Osanobua rhie ẹtin nuẹn sẹ ya rriọe.

Hibru 4:12

Rhunmwuda, ekpakpasusu ọre ẹmwẹ Osanobua khin. Ọ mu sẹ agbadakagba ne ọ mwẹ unu eva, te ọ fiaẹn la ehia fo, ya sẹ ehe ne orhiọn kevbe ekhọe na sikan mu egbe, kevbe ehe ne akhuẹn kevbe efun ne ọ rre uwu ugboloko na vba egbe. Rẹn ọre ọ ta vbene iziro kevbe aho ekhọe emwa ne agbọn ye hẹ.

I Pita 4:16

Sokpan, deghẹ u rri oya rhunmwuda ighẹ, u re ọguọmwadia Kristi, ghẹ gie ekhue ẹre mu uẹn, sokpan gha kpọnmwẹ Osanobua wẹ, u vbe khuẹnniẹn eni Kristi.