Ebe ne Pọl gbẹẹn gie emwa Rom 1:11 - Edo Bible (E Baibol Ẹdo) Version 1996

¹¹ Rhunmwuda, I wa ho ne I miẹn uwa ro ẹsẹse ne I miẹn ehe na gu uwa ghae vbe uwu afiangbe ọghe orhiọn ne ọ ya uwa wo vbe egbe.

Ebe ne Pọl gbẹẹn gie emwa Rom 1:11 ပူးပေါင်းရင်းမြစ်များ

Gẹnẹsis 31:30

I rẹnrẹn wẹẹ ẹmwẹ owa ọ re ọ fian re ọ re u na kpao sokpan vbua ghi na vbe do ẹbọ mwẹ viọ hẹ?”

II Samuẹl 13:39

Ẹmwẹ Absalọm keghi kakabọ gha da ọba. Ẹmwẹ uwu Amnọn vbe kpao hin ẹre ekhọe rre nẹ.

II Samuẹl 23:15

Owa keghi wa gha khọn e Devid ẹsẹse, rhunmwuda ọnii, rẹn keghi kha wẹẹ, “Akpawẹ a miẹn ọmwa ne ọ gha ya sa amẹ gun mwẹ nian vbe uhae ne ọ rre ọkpẹn onurho e Bẹtlẹhẹm.”

II Krọnikol 20:20

Owiẹ vbirrivbirri vbe ẹdẹ ne ọ lelẹe, emwa nii hia kegha rrie uwu ẹgbo ne ọ rre ọkpẹn Tẹkoa. Iran ghi ra wa ladian gha khian, e Jehosiafat keghi tama iran wẹẹ, “Ivbi e Juda kevbe Jerusalẹm, wa mu ẹtin yan e Nọyaẹnmwa ne Osanobua uwa, wa ghi vbe mudia gbain. Wa ya avbe ẹmwẹ ne akhasẹ ẹre tama uwa yi, ọ gha vbe dinnodẹ ne uwa.”

Iwinna 16:5

Avbe esọsi keghi gha ye ọna wegbe sẹ ayọ vbe iyayi, iran na gha muan yọ ẹdẹgbegbe.

Iwinna 19:21

Emwi na ghi sunu nẹ, Pọl na wẹ rẹn ra khian lele Masidonia kevbe Gris ne ọ vbe la odọ gha rrie Jerusalẹm. Ọ keghi kha wẹ, “I gha sẹ evba nẹ, I gha vbe sẹ e Rom.”

Iwinna 19:6

Pọl keghi viọ obọ ẹre yan iran, Orhiọn Ne Ọ Huanrẹn keghi tuorre yan iran, iran keghi zẹ ẹvbo ne ama i rẹn guan, iran keghi vbe gha ta ẹmwẹ Osanobua.

Ebe ne Pọl gbẹẹn gie emwa Rom 1:12

Emwi ne I yae kha ọrọre wẹ ne a gba ru iyobọ ne egbe, ne iyayi mwẹ ya uwa obọ kevbe ne ọghe uwa vbe ye imẹ obọ.

Ebe ne Pọl gbẹẹn gie emwa Rom 15:23

Vbene a ghi na miẹn nian ighẹ I winna iwinna mwẹ fo nẹ vbe ikinkin na, kevbe ne a na miẹn wẹ, ẹghẹ ni bun ọre I he ya gha ho ne I do miẹn uwa aro.

Ebe ne Pọl gbẹẹn gie emwa Rom 15:29

I gha rre, I rẹnrẹn ighẹ ke imẹ kevbe afiangbe ne ọ gbae ọghe Kristi ọre ọ gba dee.

Ebe ne Pọl gbẹẹn gie emwa Rom 15:32

Erriọ I gha na ye ẹko ọyẹnmwẹ bu uwa gha dee, a deghẹ Osanobua ho, ne ima kugbe bọbọ egbe rọkhọmwẹ ọghe otuẹ na.

Ebe ne Pọl gbẹẹn gie emwa Rom 16:25

Gie ima rhie uyi ne Osanobua! Rẹn gha sẹtin ya uwa mudia gbain vbe iyayi uwa, zẹ vbe Iyẹn Ne ọ maa ne I kpe orhu ẹre ighẹ ẹmwẹ Jesu Kristi, kevbe zẹ vbe ẹmwata ne a rhie lẹre ne ẹkpo i mwẹ arria gha dee, ne a miẹn nian wẹ ọ vẹe ne a rẹn.

II Kọrinti 1:15

Emwi na mu mwẹ ekhọe sẹrriọ ne I na tae vbe ẹghẹ okaro wẹ, I gha do miẹn uwa aro, ne a miẹn ehe na fiangbe uwa igba eva.

II Kọrinti 1:21

Rhunmwuda Osanobua tobọ ẹre ọre ọ gie aro mwa dae deba uwa ighẹ arrọọ ne ima mwẹ vbe uwu Kristi. Osanobua tobọ ẹre ọre ọ hannọ ima ye efẹn ọkpa.

II Kọrinti 11:4

Rhunmwuda, ẹko rhiẹnrhiẹn mwẹ ọre uwa ya rhie ẹghẹ ne ọmwaikọmwa ne ọ rre do kpe orhu Jesu ọvbehe ma uwa, ẹ i re ne ima kpe orhu ẹre, wa ghi vbe gha rhan obọ miẹn orhiọn kevbe iyẹn ne ọ maa ne ọ lughaẹn ne Orhiọn kevbe iyẹn ne ọ maa ne uwa rhie vbe obọ ima!

II Kọrinti 9:14

Rhunmwuda ọnii, iran ghi ye ekhọe aho ẹmwẹ ọmwa nọkhua na erhunmwu ne uwa, rhunmwuda ẹsọhẹ ne a i miẹn egbọre ne Osanobua rhie ma uwa.

Filipai 1:8

Osanobua rẹnrẹn wẹ ẹmwata ọre I ta vbe i a kha wẹ, vbene ẹmwẹ uwa rrọ mwẹ ekhọe, uwu ekhọe Kristi Jesu tobọ ẹre ọre ọ ke rre.

Filipai 2:26

Ọ wa ho ne ọ miẹn uwa hia rhunmwuda, ọ wa rueghe ẹre orhiọn ighẹ ẹmwẹ ne uwa na họn wẹ egbe ma te rran rẹn.

Filipai 4:1

Rhunmwuda ọnii nian, wa ne etẹn mwẹ, etẹn mwẹ ni ghan mẹ ẹsẹse, ẹmwẹ uwa wa da mwẹ, wa keghi ka ye ẹko mwẹ rhiẹnrhiẹn ẹsẹse, te imẹ ghi ye uwa ghan nian, etẹn mwẹ nighan, erriọ zẹẹ ọre ọ kere ne uwa mudia gbain vbe ẹdẹ agbọn uwa vbe uwu Nọyaẹnmwa.

I Tẹsalonaika 3:13

Vbenian ọre ọ ra na ye orhiọn uwa wo vbe egbe, wa ghi do gha re ne ọ gbae kevbe ne ọ huanrẹn vbe odaro Osanobua mwa kevbe Erha mwa, vbe ẹghẹ ne Jesu gha na rre, irẹn kevbe iran ni re ọghọe.

I Tẹsalonaika 3:2

Ne ima gie Timoti bu uwa gha dee, ọtẹn mwa, ọmwa ne ọ gu ima winna ne Osanobua vbe ekpa ne ọ na kpe orhu nene Iyẹn Ne ọ maa ọghe Kristi. Ma gi ẹe bu uwa gha dee ne ọ do yi uwa obọ kevbe ne ọ vbe rhie iyobọ ne iyayi uwa.

II Tẹsalonaika 2:17

Gha ye ẹtin ne ọ la ọmwa iwu, vuọn ekhọe uwa, ne ọ vbe gie uwa wo vbe egbe ne uwa sẹtin gha ta kevbe ne uwa vbe gha ru emwi ne ọ maa.

II Tẹsalonaika 3:3

Sokpan ọmwa ne ọ gia mu ẹtin yan ọre Nọyaẹnmwa khin, ọ gha ya uwa wo vbe egbe, ọ ghi vbe miẹn uwa fan vbe obọ Ọmwa Dan nii.

Hibru 13:9

Wa ghẹ gie iruẹmwi ughughan ne a ma he ka rẹn, bi uwa hin urodẹ ẹmwata rre. Ọ kere ne a ya ẹsọhẹ Osanobua ye orhiọn ima khian ni wo vbe egbe, i ghẹ ẹ i re a ru emwi ne uhi kha re vbe ekpa evbare, iran ni ka ru vbene avbe uhi nii khare yi, ma miẹn emwi ọkpa ne iran miẹn vbọ.

I Pita 5:10

Sokpan, u ghẹ ghi rri oya la ẹghẹ eso vberriọ nẹ, Osanobua ẹsọhẹ hia, ọmwa ne ọ tie ruẹ ne u do ghae vbe uyi etẹbitẹ ọghọe, vbe uwu a yegbe ba Kristi, gha tobọ ẹre ya uwẹ khian ne ọ gbae, ọ ghi rhie a mudia gbain nuẹn, ẹtin kevbe ẹyotọ ne ọ de ziẹn.

I Pita 5:12

Sailas, ọmwa ne ima ka ye ọtẹn ne ẹ i hiẹ ọmwa, ọre ọ gun mwẹ gbẹn ehe ne kherhe na gie uwa, I ho ne I rhie igiẹdu ne uwa, ne I vbe ya unu mwẹ ta ẹe ma uwa zẹ vbe ẹmwẹ obọ mwẹ wẹ, ẹsọhẹ ọghe Osanobua, ọre ọ na khin. Wa mudia yọ gbain.

II Pita 1:12

Ọna ọre ọ si ẹe ne I gha na gha ye uwa avbe ẹmwẹ na rre ẹghẹ hia, a gha rhe miẹn ighẹ wa ka rẹn ọnrẹn nẹ, kevbe wẹ, a wa ziẹn ẹnrẹn ye uwu ẹmwata ne uwa rhan obọ miẹn nẹ.