Ebe ne Pọl gbẹẹn gie emwa Rom 1:10 - Edo Bible (E Baibol Ẹdo) Version 1996

¹⁰ I na erhunmwu ghe Osanobua wẹ, vbe iho ne ọ maa ọghọe, ne ọ mwẹ uhunmwu mẹ ẹghẹ na ighẹ otuẹ ne I ra do tuẹ uwa re.

Ebe ne Pọl gbẹẹn gie emwa Rom 1:10 ပူးပေါင်းရင်းမြစ်များ

Iwinna 18:21

Sokpan, ọ ghi ra kpao ọ tama iran wẹ, “A deghẹ Osanobua ho ro, I gha dọlegbe bu uwa rre,” ọ na la okọ kpao vbe Ẹfisọs.

Iwinna 19:21

Emwi na ghi sunu nẹ, Pọl na wẹ rẹn ra khian lele Masidonia kevbe Gris ne ọ vbe la odọ gha rrie Jerusalẹm. Ọ keghi kha wẹ, “I gha sẹ evba nẹ, I gha vbe sẹ e Rom.”

Iwinna 21:14

Ma ma sẹtin fi ẹre ekhọe werriẹ, ọre ima na ghi kẹtin rre, ma na ghi kha wẹ, “E nọ yẹ Osanobua ọre a gha ru.”

Ebe ne Pọl gbẹẹn gie emwa Rom 15:29

I gha rre, I rẹnrẹn ighẹ ke imẹ kevbe afiangbe ne ọ gbae ọghe Kristi ọre ọ gba dee.

I Kọrinti 1:1

E Pọl ne a la ekpa iho Osanobua tie ne ọ do gha re Ukọ ọghe Jesu Kristi, kevbe Sọstenes, ọtẹn mwẹ ne okpia, ọre ọ gbẹn ebe na,

I Kọrinti 4:19

Vbene ọ rhirhi gha ye hẹ, a deghẹ Nọyaẹnmwa ho ro, I gha rherhe do miẹn uwa aro ban. Ẹghẹ ni ọre I gha na miẹn emwi ne iran ni tọn egbe mu na gha sẹtin ru, i ghẹ ẹ i re ẹmwẹ ne iran gha sẹtin ta ọre a kha.

Filipai 4:6

Ghẹ si osi ye emwi rhọkpa, sokpan gha ya erhunmwu ne a na, nọ emwi ne u ho hia vbe obọ Osanobua, u ghi gha ye ekhọe ọkpọnmwẹ ẹse nọ rẹn vbe ẹghẹ hia.

I Tẹsalonaika 2:18

Ma keghi te gha ho ne a dọlegbe bu uwa gha dee, ọ gberra uhukpa ne imẹ ne Pọl te hia ne I bu uwa gha dee, sokpan, e Setan ma kue.

Failimọn 1:22

U ghi wa dọlọ ughugha ọkpa yi ye otọ khẹ mwẹ, rhunmwuda, I mwẹ idaehọ wẹ Osanobua gha họn erhunmwu uwa hia, ne a dọlọ rhie mwẹ bu uwa gha dee.

Hibru 13:19

I rinmwian uwa ne uwa na erhunmwu, ne Osanobua rhe rhe dọlegbe rhie mwẹ bu uwa gha dee.

Jems 4:15

Rhunmwuda ọnii, emwi ne ọ kere ne uwa gha ta ọre ọ na khin, “A deghẹ Osanobua ho, ma gha rre agbọn, ma ghi ru ọna, a ghi ru ọnii.”