Psalm 99:8 - Edo Bible (E Baibol Ẹdo) Version 1996

⁸ E Nọyaẹnmwa, Osanobua mwa, wẹ zẹ ẹmwẹ wanniẹn emwa ruẹn, wẹ rhie ma iran wẹ, Osanobua ne ọ yabọ ọ re uwẹ khin, a gha rhe miẹn wẹ u rri iran oya ye orukhọ iran.

Psalm 99:8 ပူးပေါင်းရင်းမြစ်များ

II Samuẹl 12:14

Sokpan rhunmwuda otilua ne u mwẹ ghe Nọyaẹnmwa, ọmọ na gha wu.”

Psalm 78:38

Sokpan, Osanobua tohan emwa rẹn ọ ya orukhọ iran bọ iran, ọ ma fuẹn iran an. Ẹghẹ nibun ọ re ọ ya mu ohu ne ọ te mu ẹẹn yotọ ọ ke vbe werriegbe vbe ohu ẹre nọkhua.

Psalm 89:33

Sokpan, mẹ i ra dobọ ne I na ho ẹmwẹ Devid yi, ra ne I ghẹ ru vbe ne I ve ẹre re.

Ẹksọdọs 32:2

Errọn keghi tama iran wẹẹ, “Wa viọ avbe emwi ehọ igoru ne avbe amwẹ uwa, ivbi uwa nikpia kevbe nikhuo viọ ye ehọ ne uwa viọ ehia gun mwẹ.”

Ẹksọdọs 34:7

Mẹ vbe mu eyan mwẹ sẹ igba arria isẹn vbe inu ihe ne ọ khin. ne ọ ya iba, ọkhọ, kevbe emwi dan bọ ọmwa, sevba ne ẹ i mianmian ne ọ ya rria ikhi orukhọ ne avbe erha iran ru vbe egbe ivbi iran ya sẹ orre ne ogienẹ.”

Asan-Ibo 7:29

Emwiọkpa ne I miẹn ruẹ ọ re ọna khin wẹ te Osanobua yi ima fiain, sokpan ma keghi ye egbe ima khian khiẹnkhiẹnkhiẹn.

Jerimaia 46:28

I gha bu uwa rre, I ghi do miẹn uwa fan I gha fuẹn ehia a ighe avbe ẹvbo ne I zagha uwa kui, sokpan, mẹ i ra fuẹn uwa a. Mẹ i ra sẹ uwa rae vbe ne a i na rri uwa oya hiehiere, sokpan, I gha rrie uwa oya, I gha ru ẹe vbe ne ọ kei yi. Mẹ ne Nọyaẹnmwa guaan nẹ.”

Zẹfanaia 3:7

I te gha ro wẹ emwa mwẹ gha rhunmwuda ọnii da mẹ, ne iran rhan obọ miẹn emwi enọrẹn enegbe ne ima iran re, wẹ iran i ra mianmian emwi ne I ma iran re ẹdẹ. Sokpan, wanwanna, iran keghi wa suẹn gha ru emwi dan ne iran ka ru de yi.”

Nọmbas 20:12

Sokpan e Nọyaẹnmwa gue e Mosis kevbe Errọn gui wẹẹ, “Rhunmwuda ne uwa na ma mwẹ iyayi sẹ ne uwa mu ẹtin yan ẹtin mwẹ ne ọ huanrẹn vbe odaro ivbi Izrẹl, wa i ghi ra su iran la otọ ne I ve wẹ I gha mu ne iran.”

Nọmbas 20:24

“Errọn i khian la otọe ne I wẹ I gha mu ne ivbi Izrẹl, rẹn gha wu rhunmwuda, wa eveva sọtẹ uhi mwẹ vbe Mẹriba.

Ebe ne Pọl gbẹẹn gie emwa Rom 1:21

Iran rẹn Osanobua, sokpan iran ma rhie uyi ne ọ khẹ kẹe nẹẹn, debare, iran ma kpọnmwẹ ọẹn. Ne iran gha na te ru vberriọ, ekhọe iran keghi do khian emwi oya fẹẹrẹ.

Diuteronomi 3:26

“Sokpan rhunmwuda uwa na, e Nọyaẹnmwa keghi mu ohu ghe mwẹ, ọ ma vbe danmwehọ, sokpan ọ keghi kha wẹẹ, ‘Ọnii sẹe! Ghẹ ghi dọlegbe ta ẹe!