Psalm 99:6 - Edo Bible (E Baibol Ẹdo) Version 1996

⁶ Ohẹn ọnrẹn ọ re Mosis kevbe Errọn gha khin, e Samuẹl kevbe re ọmwa, ne ọ gha na erhunmwu ghe ẹre; iran kpe tie Nọyaẹnmwa.

Psalm 99:6 ပူးပေါင်းရင်းမြစ်များ

Ẹksọdọs 14:15

E Nọyaẹnmwa keghi tama e Mosis wẹẹ, “Vbe u a na tu nọ iyobọ hẹ yi? Tama ivbi Izrẹl ne iran khianmwu.

Ẹksọdọs 15:25

E Mosis keghi kakabọ na erhunmwu ghe Nọyaẹnmwa; e Nọyaẹnmwa keghi ma ẹre ike erhan ọkpa, e Mosis muẹn fi uwu amẹ nii, amẹ nii na do khian nọ gie a gha wọn. Evba nii i ọre Nọyaẹnmwa ghi na gbe uhi ne iran, ọ kevbe danmwẹ iran ghe.

Ẹksọdọs 17:4

E Mosis keghi kakabọ na erhunmwu ghe Nọyaẹnmwa wẹẹ, “Vbe I a ra ru emwa na hẹ yi? Te iran ghi ra filo okuta ya gbe mwẹ uan.”

Ẹksọdọs 32:30

Ẹdẹ ghi gbe, e Mosis keghi tama emwa nii wẹẹ, “Orukhọ ne ọ muohan ọre uwa ru. Banbanna nian, I ra hin uhunmwu oke bu e Nọyaẹnmwa gha khian, u gha ghe I gha sẹtin rinmwian ẹn ne ọ ya orukhọ uwa bọ uwa.”

Jerimaia 15:1

Ẹre Nọyaẹnmwa na tama mwẹ wẹẹ, “Ọ gha khọnrẹn ne a miẹn wẹ e Mosis kevbe Samuẹl ọ re ọ mudia vbe emwa na gha rinmwian mwẹ, I i sẹtin tohan emwa na hiehiere. Wẹ ne iran ladian, wẹ ne iran kpao hin odaro mwẹ rre.