Psalm 99:5 - Edo Bible (E Baibol Ẹdo) Version 1996

⁵ Wa rho e Nọyaẹnmwa ne Osanobua mwa; wa ya uhunmwu rhanmwẹ otọ vbe odaro ẹkete ẹre ne ọ huanrẹn ọ re eni ẹnrẹn khin!

Psalm 99:5 ပူးပေါင်းရင်းမြစ်များ

I Krọnikol 28:2

E Devid keghi mudia ye odaro iran, ọ na gu iran guan wẹẹ, “Wa ne ivbi ẹvbo mwẹ, wa danmwehọ mwẹ. Ọ te gha rrọ mwẹ ekhọe ne I bọ owa etẹbitẹ ne Ẹkpẹti Ile, ne ọ re ẹkpẹti ne Nọyaẹnmwa ne Osanobua mwa viọ owẹ yan. I mu egbe ẹre ye otọ nẹ ne I bọ Ọgua Osa ya yọghọ nẹẹn.

Psalm 107:32

Ọ kere ne iran na iyẹn ukpọlọmwẹ ọnrẹn vbe iko emwa, kevbe ne iran vbe rho ẹre vbe odaro iko avbe ọkaolotu.

Psalm 108:5

Rhie ukpọlọmwẹ ruẹn ma vbe iso Osanobua, kevbe uyi ruẹ, yan uhunmwu otọ agbọn hia.

Psalm 118:28

Wẹ ọrọre Osanobua mwẹ mẹ vbe rhie ekpọnmwẹ ne uẹn, I gha na iyẹn ukpọlọmwẹ ruẹn.

Psalm 132:7

Ma keghi kha wẹẹ, “Wa gie ima gha rrie owa e Nọyaẹnmwa, wa gie ima ya ga vbe odaro ẹkete ẹre.”

Psalm 21:13

Mẹ rho ruẹn Nọyaẹnmwa, rhunmwuda iwegbe ruẹ nọkhua. Ma gha so ihuan, ma ghi vbe gha rho ẹtin ruẹn vbe uyi.

Psalm 34:3

Wa gunmwẹ wewe u kpọlọ mwẹ e Nọyaẹnmwa, wa gie ima koko rho eni ẹnrẹn.

Psalm 99:3

Emwa hia rho eni ẹnrẹn nọkhua, ne ọ vuọn ne orrirri ọba, Ne ọ huanrẹn ọ re eni ẹnrẹn khin.

Psalm 99:9

Wa rho e Nọyaẹnmwa ne Osanobua mwa, wa vbe ya ga vbe oke ẹre Ne ọ huanrẹn! Ọmwa ne ọ huanrẹn, ọ re Nọyaẹnmwa ne Osanobua mwa khin.

Ẹksọdọs 15:2

E Nọyaẹnmwa ya mwẹ khian nọ vbe egbe kevbe nọ mwẹ ẹtin rẹn ọre ọ miẹn mwẹ fan. Osanobua mwẹ nọ, I gha rho ẹre, Osanobua avbe erha mwẹ, I gha so ihuan ukpọlọmwẹ ọnrẹn.

Aizaia 12:4

Ẹdẹ dee ne emwa gha na so ihuan vbenian, “Wa rhie ekpọnmwẹ ne Nọyaẹnmwa! Wa tu tie ẹre ne ọ do ye uwa obọ! Tama avbe uhunmwu ẹvbo hia iwinna ne ọ winna ẹn wa tama iran vbene ọ kpọlọ hẹ!

Aizaia 25:1

E Nọyaẹnmwa, wẹ ọrọre Osanobua mwẹ I gha ya ọghọ ne uẹn, I gha rho eni ruẹn, u ru avbe emwi ọyunnuan nẹ a vbe emwamwa ne u ru ẹghẹ ni u wa hẹko mu ehia sẹ nẹ.

Aizaia 66:1

E Nọyaẹnmwa khare wẹẹ, “Ẹrinmwi ọrọre ẹkete mwẹ, agbọn ọrọre ukhuerhe ne I viọ owẹ yan. De egbe owa ne uwa ghi ra họ mẹ khekherriọ, de egbe ehe ne uwa ra rhie mẹ ne I gha dia?

Hozia 11:7

Iran wa mu aro ye ẹmwẹ ne iran gha rhie aro lẹ mẹ. Iran gha viẹ ba ẹmwẹ urọnghọn ne ọ rre iran urhu, sokpan, iran i ra miẹn ọmwa ne ọ gha rhan ẹnrẹn hin iran urhu rre.

Levitikọs 19:2

ne ọ tama ivbi Izrẹl wẹẹ, “Wa gha re ni huanrẹn rhunmwuda ọmwa ne ọ huanrẹn mẹ khin. Mẹ ọ re Nọyaẹnmwa Osanobua uwa.