Psalm 99:1 - Edo Bible (E Baibol Ẹdo) Version 1996

¹ Osanobua ọrọre ọba, avbe emwa gha guọ. Ọ tota ye ẹkete ẹre vbe odukhunmwu avbe emwi ne a yi ni zẹlẹ ifuẹn, agbọn keghi mu rueghe.

Psalm 99:1 ပူးပေါင်းရင်းမြစ်များ

II Samuẹl 6:2

Ọ keghi viọ iran gha rrie Baala vbe Juda, ne ọ ya mu ẹẹn rre ighẹ Ẹkpẹti Ile Osanobua ne a he ẹre eni Nọyaẹnmwa ne Oghodua, ne ọ tota ye Ẹkpẹti ẹnrẹn vbe adesẹneva emwi ne a yi ni mwẹ ifuẹn nii.

I Krọnikol 16:30

Wa gha guọ vbe odaro ẹre, agbọn na hia a mu ẹkun agbọn sẹ otọ nẹ gbain vbe ihe ẹre a i ghi sẹtin vbọe ọvbehe.

Psalm 18:10

Ọ keghi giẹgiẹ ye emwi ne a yi ọghọe ne ọ mwẹ ifuẹn, tin kpao; ọ keghi lele ifuẹn ẹhoho gha rriẹ okhian.

Psalm 2:6

Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”

Psalm 80:1

Danmwehọ ima ọmwa Ne ọ huanrẹn Izrẹl họn ọghomwa, we ne ọkaolotu emwa ruẹn wẹ ne ọ tota ye ẹkete ruẹ vbe odukhunmwu avbe aranmwẹ ni zẹ ifuẹn.

Psalm 80:2

Rhie egbe ruẹ ma ẹwae Ifreim, e Bẹnjamin kevbe Manasẹ. Rhie ẹtin ruẹn ma mwa, larre do miẹn mwa fan.

Psalm 82:5

“Wa ma rẹn emwi rhọkpa hiehiere! A miẹn vbe uwa kọn hẹ! Te uwa wa kẹkẹ ua, a vbe ho ohiẹn ẹmwata bẹkun nẹ vbe agbọn.

Psalm 93:1

E Nọyaẹnmwa ọrọre ọba, a ya uyi ne ọ rre egbe ọba kevbe ẹtin yọ re ẹwu. A mu agbọn uhe sẹ otọ nẹ gbangbaangban ai ghi vbe sẹtin fi ẹe werriẹ.

Psalm 96:10

Wa tama agbọn ẹvbo hia wẹẹ, “E Nọyaẹnmwa ọrọre ọba! A mu agbọn na uhe sẹ otọ nẹ gbain vbe ihe ẹre, ai ghi sẹtin werriẹ ọe, ọ gha ye ẹmwata bu ohiẹn avbe emwa nii.”

Psalm 96:9

wa ghughẹrre vbe odaro ọmwa Ne ọ huanrẹn vbe ọ gha ya egbe ladian. Wa gha guọ zẹzẹzẹ vbe odaro ẹre otọ agbọn hia.

Psalm 97:1

E Nọyaẹnmwa ọrọre Ọba! Agbọn wa gha ghọghọ! Wa gha ghọghọ, wa ne otọe ne amẹ lẹga, ni rre uwu okun!

Psalm 97:4

Ayan rẹn waan yan agbọn; agbọn miẹn ọẹn ọ kegha guọ.

Ẹksọdọs 25:22

Evba I gha na do gha miẹn ruẹn, I gha vbe mudia ye ugue Ẹkpẹti ne, I do rhie uhi mwẹ hia ne uwa ke adesẹneva emwi nii nẹ ifuẹn nii gha dee, gie ivbi Izrẹl.

Aizaia 19:14

E Nọyaẹnmwa ru ẹe ne iran gha bu iran ude ne ọ ye emwi lighi ye ọmwa aro, emwi ne ọ ghi lae rre ọrọre wẹ te Igipt ba emwi hia ku ru, te ọ ghi zẹ owẹ ahanmwahan zẹvbe ọdayọn ne ekpa ne ọ kpae miọnghọn ẹre owẹ.

Jerimaia 4:24

I tọn aro mu ghe avbe oke nekhua, ehia ke gha guọ zẹzẹzẹ, avbe oke negiẹrẹ kegha de yo de rre.

Jerimaia 49:21

Idọm gha de, uwemwẹ emwa gha mu otọ agbọn hia rueghe, urhu urunranmwẹ ghi gha re ne avbe họn ya sẹ odẹ Abọ Ẹzẹ Akaba.

Jerimaia 5:22

Mẹ ọrọre Nọyaẹnmwa vbọzẹ ne uwa i na ya ọghọ mẹ? Vbọzẹ ne uwa i na guọ vbe odaro mwẹ? Mẹ ọ re ọ mu uzekhae ya ru ehe ne uwu okun lae. Uwu etẹbitẹ ne irẹn i sẹtin fian rra. Okun sẹtin gha vba kua sokpan, ẹ i sẹtin gberra, ulẹmwẹ okun sẹtin gha davan, sokpan ẹ i sẹtin hae gberra.

Jerimaia 50:46

Ẹdẹ ne Babilọn gha de gbotọ, ọ gha la sẹ vberriọ wẹ otọe agbọn hia ghi mu rueghe, avbe agbọn ẹvbo nekpa gha họn utumwẹ wa bu rre ẹre.”

Ezikiẹl 43:7

“Ovbi ọmwa, ghe ẹkete mwẹ vbe emwa na. I gha gu ivbi Izrẹl yin emwa na, I ghi vbe gha khaemwisẹ yan iran ẹdẹdẹmwẹdẹ. Ke ivbi Izrẹl kevbe avbe ọba iran, ne ọ gha ye dọlegbe fa eni mwẹ nọ huanrẹn uan, ẹ i ghi rrọọ, ogha re vbekpa ne a na gho ẹbọ ọvbehe nọ, ra vbekpa ne a na re ikun avbe ọba iran sikẹ emwa na nọ, ẹ i ghi dọlegbe sunu.

Iyẹn ne ọ Maan Ọghe Luk 19:12

Ọ keghi kha wẹẹ, “Adazẹ ọkpa ke do gha rrie isi ẹvbo ne ọ ya rri egie, ne ọ vbe gha di owa.

Iyẹn ne ọ Maan Ọghe Luk 19:14

Emwa ẹvbo ẹre i ho ẹmwẹ ọnrẹn, rhunmwuda ọnii, iran keghi zẹ ọrhẹ lelẹe ne iran ya kha wẹ, ‘Ma i ho ne okpia nii rrie egie yan ima.’

Iyẹn ne ọ Maan Ọghe Luk 19:27

Ẹn hẹn, avbe iran ne eghian mwẹ nii, ni khare ne I ghẹ rrie egie yan iran, viọ iran rre ne u sirra mwẹ gbele iran uan.’ ”

Filipai 2:12

Rhunmwuda ọnii, ọse mwẹ ni ghan, vbene uwa wa gha họn ẹmwẹ mẹ ẹghẹ ne I na rre ehe ne uwa ye, ẹghẹ na ọre ọ na mobọ ke nian ne uwa gha họn ẹmwẹ mẹ vbe ne a ghi na miẹn na ighẹ I i ghi rre ehe ne uwa ye. Wa gha ya ohan kevbe uguọmwẹ winna khian, ne uwa miẹn ehe na ru ẹmwẹ imiẹnfan uwa fo,

Arhie Maan 11:17

Iran wẹẹ: “Nọyaẹnmwa Osanobua Noghodua, ọmwa ne ọ rrọọ na, kevbe ne ọ ka gha rrọọ, ma kpọnmwẹ ọn ne u na ya ẹtin nọkhua ruẹ, suẹn gha khaemwisẹ nian.

Arhie Maan 20:11

I keghi bẹghe ẹkete nọkhua nọfua ọkpa ke ẹe kevbe ọmwa ne ọ tota yọọ. Ẹrinmwi kevbe agbọn keghi lẹ hin odaro ẹre rre, a ma ghi vbe miẹn iran ọvbehe.

Arhie Maan 6:14

A keghi vbọlọ avbe oke nekhua, ke otọ ne amẹ lẹga hin ihe iran rre.