Psalm 98:5 - Edo Bible (E Baibol Ẹdo) Version 1996

⁵ Wa so ihuan urhomwẹ ghe Nọyaẹnmwa; wa ye akpata kpe orhu ne ọ rhiẹnrhiẹn.

Psalm 98:5 ပူးပေါင်းရင်းမြစ်များ

I Krọnikol 15:16

E Devid keghi tama olotu avbe Livai wẹ ne ọ zẹlẹ avbe Livai ne iran gha so ihuan kevbe ne iran vbe gha kpe akpata kevbe ukusẹ ọghe oghọghọ.

I Krọnikol 15:28

Ẹre ivbi Izrẹl hia na lele Ẹkpẹti Ile gha die Jerusalẹm deba uwemwẹ oghọghọ, kevbe urhu okpe, ẹkperẹ kevbe ukusẹ deba urhu akpata.

II Krọnikol 29:25

Ọba keghi ru zẹ vbene Nọyaẹnmwa gie Gad ne akhasẹ ọba, re gie Devid ne ọba kevbe zẹ vbene ogie Natan, ne a khama Devid ne ọba, ọ keghi ya viọ avbe Livai ye Ọgua Osa, ọ na viọ akpata kevbe ukusẹ ba ẹre, ena kegha re emwi iku kevbe ihuan,

Psalm 147:7

Wa so ihuan urhomwẹ ghe Nọyaẹnmwa, wa kpe akpata ne ọ rhiẹnrhiẹn ne Osanobua mwa.

Psalm 33:2

Wa ye emwi ihuan ne ọ mwẹ irri so ihuan.

Psalm 71:22

I gha gele ye akpata rho ruẹ, I gha rho a gia mu ẹtin yan ruẹn, Osanobua mwẹ I gha ye akpata mwẹ so ihuan ghe ruẹ ọmwa Ne ọ huanrẹn ọghe Izrẹl.

Aizaia 51:3

“I gha tohan e Jerusalẹm kevbe avbe iran hia ni ghi rre itowa ẹre. Ogha khọnrẹn ne otọ ẹre gha re ato I gha ya ẹe khian ugbo ebe uwọnmwẹ zẹ vbe ugbo emwiokọ ne I mu ye Idẹni. Ọyẹnmwẹ kevbe oghọghọ gha rre evba deba ihuan urhomwẹ kevbe ekpọnmwẹ ghe mwẹ.

Arhie Maan 5:8

Ugbẹn vbe ọ ghi wa ru vberriọ nẹ, avbe emwi ne a yi ni ma wu nii, kevbe ediọn eneyanugie nii keghi dele gbe otọ vbe odaro Oteghe Ohuan nii. Ọkpọkpa vbe uwu iran kegha mwẹ akpata kevbe avbe ọkpan igoru ne a ye eturari vuọn, ena ni re erhunmwu emwa Osanobua.