Psalm 98:4 - Edo Bible (E Baibol Ẹdo) Version 1996

⁴ Wa so ihuan oghọghọ ghe Nọyaẹnmwa, wa ne otọe agbọn hia, wa ya ihuan kevbe uwemwẹ oghọghọ rho ẹre!

Psalm 98:4 ပူးပေါင်းရင်းမြစ်များ

Psalm 100:1

Wa so ihuan ghe Nọyaẹnmwa wa ne agbọn hia!

Psalm 66:1

Wa we uwemwẹ oghọghọ ya rho e Nọyaẹnmwa wa ne emwa hia.

Psalm 66:4

Emwa ni rre agbọn hia ọ re ọ ga a iran ghi gha so ihuan urhomwẹ ghe ruẹ iran ghi gha so ihuan urhomwẹ ghe eni ruẹn.”

Psalm 67:4

Gie agbọn ẹvbo hia gha ghọghọ, ne iran vbe gha so ihuan ọyẹnmwẹ rhunmwuda, wẹ ya ẹmwata bu ohiẹn emwa hia, u keghi vbe dia uhunmwu ẹvbo hia, ni rre agbọn na ye odẹ.

Psalm 71:22

I gha gele ye akpata rho ruẹ, I gha rho a gia mu ẹtin yan ruẹn, Osanobua mwẹ I gha ye akpata mwẹ so ihuan ghe ruẹ ọmwa Ne ọ huanrẹn ọghe Izrẹl.

Psalm 95:1

Wa larre, wa gie a rho Nọyaẹnmwa, wa gie a so ihuan oghọghọ ọghe Osanobua ne ọ degue mwa.

Psalm 95:2

Wa gie a ya ekpọnmwẹ gha die odaro ẹre ne a so ihuan oghogho ọghe urhomwẹ.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Aizaia 42:11

Wa gie oha kevbe avbe okpẹvbo ni rrọọ rho Osanobua; wa gie emwa Keda rho ẹre! Wa gie iran ni rre ẹvbo e Sẹla kevbe avbe uhunmwu oke go ugomwẹ oghọghọ!

Aizaia 44:23

Wa we uwemwẹ oghọghọ, wa ne ẹrinmwi wa gha wee, wa ne ehe ne ọ dinmwi vbe otọ agbọn. Wa gha we uwemwẹ oghọghọ wa ne avbe oke nekhua kevbe avbe erhan ni rre ẹgbo hia! E Nọyaẹnmwa rhie ukpọlọmwẹ ọnrẹn maa nẹ vbekpa ne ọ na miẹn Izrẹl ne emwa rẹn fan.

Jerimaia 33:11

Urhu ne ọ la ọghe oghọghọ kevbe ọyẹnmwẹ, kevbe uwemwẹ ẹko rhiẹhrhiẹn mwẹ ọghe evbare irhiọha. Wa gha họn vbe emwa na a gha sihuan viọ imuohan ekpọnmwẹ die Ọgua Osa mwẹ, iran ghi kha wẹẹ, “ ‘Wa rhie ekpọnmwẹ ne Nọyaẹnmwa ne Oghodua, rhunmwuda, rẹn maa, itẹbitẹ ọ re ahoẹmwọmwa rẹn khin.’ I gha ya otọ nii khian ne agbọn maa rẹn zẹ vbe ne ọ ka ye dee ẹdẹ. Mẹ ne Nọyaẹnmwa ọ re ọ taa ẹe.”

Zẹfanaia 3:14

Wa so ihuan, wa we ne oghọghọ, wa ne ivbi Izrẹl! Ye ekhọe ruẹ hia gha ghọghọ, e Jerusalẹm!

Matiu 21:9

Avbe emwa ni ke odaro ne Jesu kevbe ni rre ọre odieke keghi tọn urhu mu kha wẹẹ, “Urhomwẹ nọ ne ovbi e Devid. Afiangbe Osanobua nọ ne ọmwa ne ọ dee vbe eni Nọyaẹnmwa, Uyi nọ ne Osanobua.”

Arhie Maan 19:1

Vbe iyeke ọnọna, I keghi họn emwi ne ọ ye vbe owogho emwa ni bun ẹsẹse vbe ẹrinmwi, ọ wẹẹ, “Urhomwẹ nọ ne Osanobua! Imiẹnfan, uyi kevbe ẹtin ọghe Osanobua mwa nọ.

Arhie Maan 19:6

I keghi họn emwi ne ọ ye vbe urhu emwa ni bun ẹsẹse ọ ye vbe uvanmwẹ okpamẹ ne ọ rhọ ke okuta ne ọ yo ku otọ, ọ ye vbe ne avan vannọ yan egbe. I keghi họn vbe iran khare wẹẹ, “Wa rho Osanobua! Rhunmwuda e Nọyaẹnmwa Osanobua ne Oghodua ọrọre Ọba!