Psalm 98:3 - Edo Bible (E Baibol Ẹdo) Version 1996

³ Ọ ru zẹ vbene ọ ve ivbi Izrẹl re, vbe amuẹtinyan kevbe aho ne ẹ i beghe ne iran emwa hia ni rre ehe hia, miẹn akhọnmiotọ Osanobua mwa nẹ.

Psalm 98:3 ပူးပေါင်းရင်းမြစ်များ

Psalm 106:45

Ọ rhunmwuda iran ye ile ẹre rre, rhunmwuda ne ọ na kakabọ ho ẹmwẹ iran ọ keghi gbe ibiẹ rriẹ.

Psalm 22:27

Agbọn ẹvbo hia gha ye Nọyaẹnmwa rre, iran gha ke igienenẹ agbọn, bu ẹre rre. Ivbi ẹvbo ughughan gha rho ẹre.

Psalm 67:7

Osanobua fiangbe ima nẹ te emwa hia ni rre ehe hia gha ya ọghọ ne ẹẹn.

Psalm 98:2

E Nọyaẹnmwa na iyẹn akhọnmiotọ ẹre, ọ vbe ya ẹtin akhọnmiotọ ẹre, khian ne a rẹnrẹn ne avbe uhunmwu ẹvbo hia.

Aizaia 45:22

“Wa bu mwẹ gha dee nian ne uwa miẹn ehe na fe wa ne emwa hia ni rre agbọn! Mẹ ọkpa ọrọre Osanobua ne ọ rrọọ.

Aizaia 49:6

E Nọyaẹnmwa keghi tama mwẹ wẹẹ, “I mwẹ iwinna ne ọ sẹ ọna ne I wa ye otọ khẹ ruẹ ọguọmwadia mwẹ. Ẹire ne u viọ ivbi Izrẹl ni ghi kẹe werriegbe ye ihe ukpọlọmwẹ ọkpa; sokpan, I gha vbe ya a ru uwanmwẹ, ọghe avbe uhunmwu ẹvbo ne a sẹtin miẹn otọ agbọn hia fan.”

Aizaia 52:10

E Nọyaẹnmwa gha lo ẹtin ẹnrẹn nọhuanrẹn ọ gha miẹn rẹn fan agbọn na hia gha vbe miẹn ọẹn.

Aizaia 52:7

U miẹn vbene ọ mose hẹ ne a bẹghe ọmwa ne a gie ẹre uhunmwu vbe ọ fian avbe oke ni rra dee do na iyẹn ne ọ maa, iyẹn ọfumwegbe! Ọ ya akhọnmiotọ wewe, ọ keghi tama Zaiọn wẹẹ, “Osanobua ọrọre ọba!”

Levitikọs 26:42

I ghi ye ile mwẹ ne I gu Jekọb, Aizik kevbe Ebraham ta rre, I ghi dọlegbe su eyan nii igie wẹ I gha mu otọe nii ne emwa mwẹ.

Maika 7:20

Wẹ gha rhie ẹmwẹ ọmwa rre ọmwa ekhọe kevbe aho ẹmwẹ ọmwa ne ẹ i beghe ma emwa ruẹn, ivbi uniẹn Ebraham kevbe Jekọb, zẹ vbene u yan ma avbe erha mwa odede ẹkporriọ.

Iyẹn ne ọ Maan Ọghe Luk 1:72

Ọ wẹ rẹn gha tohan avbe erha mwa odede. Ọ ghi vbe ye ile ẹre ne ọ huanrẹn rre.

Iyẹn ne ọ Maan Ọghe Luk 3:6

Emwa ne agbọn hia gha miẹn imiẹnfan Osanobua!’ ”

Iwinna 13:47

Rhunmwuda erriọ Nọyaẹnmwa yi ẹre iyi ne ima wẹẹ, “ ‘Mẹ viọ uwa mudia zẹ vbe uwanmwẹ iran ni i re Ju, ne uwa gha re odẹ imiẹnfan ne otọ agbọn hia.’ ”

Iwinna 28:28

E Pọl keghi rhie tẹe wẹẹ: “Wa ghi rẹn nian wẹ a rhie ẹmwẹ imiẹnfan Osanobua bu iran ne ẹ i re Ju gha khian, iran gha miẹn họn.” [

Ebe ne Pọl gbẹẹn gie emwa Rom 10:12

Emwa hia ọre a kha, rhunmwuda alughaẹn i rrọọ ne Ju ra iran ne ẹ i re Ju, Osanobua ọrọre Nọyan ehia, ọ ghi vbe gha fiangbe iran hia ni datie ẹre wọrhọwọrhọ.

Ebe ne Pọl gbẹẹn gie emwa Rom 10:18

Sokpan ọta ne I mẹ nọ rẹn ọna khin: Iran ma gele họn nene ẹmwẹ ra? Ẹsẹse, iran wa họn, zẹ vbene ebe khare: “Urhu iran la otọ agbọn hia, ẹmwẹ iran sẹ ehe ne agbọn sẹe.”

Diuteronomi 4:31

Osanobua ne ọ mwẹ itohan rẹn khin. Rẹn i ra he uwa ye otọ ra ne ọ fuẹn uwa a, rẹn tobọ re i ra vbe mianmian ile ne irẹn gu avbe erha uwa odede ta.

Arhie Maan 5:9

Iran keghi so ihuan ọgbọn: “U sẹe ne ọ gha rhie ebe ne a kiri ni. Kevbe ne u giagia emwi ne a ya gbalọ ẹe rhunmwuda, a te gbe ua nẹ, u keghi ye uwu ruẹ dẹlẹ emwa ne agbọn gie Osanobua.