Psalm 97:9 - Edo Bible (E Baibol Ẹdo) Version 1996

⁹ E Nọyaẹnmwa ne Oghodua wẹ ọ re ọ khaemwisẹ yan agbọn na hia; wẹ kpọlọ sẹ avbe ẹbọ hia, ẹsẹsẹmwẹse.

Psalm 97:9 ပူးပေါင်းရင်းမြစ်များ

I Krọnikol 17:20

Nọyaẹnmwa, ọmwa ne ọ yevbe uwẹ i rrọọ. Ma wa rẹn ke otọe gha dee ighẹ wẹ ọkpa ọrọre Osanobua.

Psalm 135:5

Mẹ rẹnrẹn wẹ Osanobua mwa kpolo, ọ kpọlọ sẹ avbe ẹbọ hia.

Psalm 136:2

Wa rhie ekpọnmwẹ ne nọkpọlọ sẹ avbe ẹbọ hia, etẹbitẹ ọ re ahoẹmwọmwa rẹn khin.

Psalm 83:18

Te iran gha rẹn wẹ wẹ ọkpa ọrọre Nọyaẹnmwa, ne ọ khaemwisẹ yan emwi hia, ni rre otọ agbọn.

Psalm 92:9

Ma rẹnrẹn wẹ, avbe eghian ruẹn gha wulo, kevbe wẹ obọ gha vba avbe emwa dan hia fẹẹrẹ

Psalm 95:3

Rhunmwuda, Nọyaẹnmwa. Osanobua nọkpọlọ ọre nọ, kevbe ọba ne ọ kpọlọ sẹ ẹbọ hia.

Psalm 96:4

Ọmwa ne ọ kpọlọ ọ re Nọyaẹnmwa khin, ọ vbe ke ne a kakabọ rho ẹre; te a gha rhie ọghọ ne ẹẹn sẹẹ avbe ẹbọ hia.

Ẹksọdọs 18:11

Banbanna nian, I miẹn wẹ, e Nọyaẹnmwa kpọlọ sẹ avbe ẹbọ hia, rhunmwuda te Osanobua ru vbenian na vbe ọ miẹn oya ne ivbi Izrẹl gha a re vbe obọ ivbi Igipt.”

Aizaia 33:5

U miẹn vbene Nọyaẹnmwa kpọlọ hẹ. Rẹn ọ re ọ khaemwisẹ yan emwi hia. Ọ gha ya ohiẹn ẹmwata kevbe ekhọe ne ọ maa vuọn Jerusalẹm.

Jerimaia 10:10

Sokpan wẹ ne Nọyaẹnmwa ọrọre Osanobua vbe ẹmwata, wẹ ọrọre Osanobua ne ọ rrọọ, ọba etẹbitẹ. Ohu gha mu uwẹ, agbọn hia ghi mu rueghe, egbe avbe uhunmwu ẹvbo i sẹtin rrọ ohu ruẹ.

Jerimaia 10:8

Akpa vbe abobo ọ re iran hia khin. De ẹwaẹn ne iran ra miẹn ruẹ vbe ukhurhẹ?

Ẹfisọs 1:21

Evba nii ọre Kristi na dakha yan avbe ọdakha ni rre ẹrinmwi hia, kevbe asẹ kevbe ẹtin kevbe iran nekhua, rẹn yo sẹẹ eni ne a rhie asẹ na hia, ni rre agbọn na kevbe agbọn ne ọ dee.