Psalm 97:11 - Edo Bible (E Baibol Ẹdo) Version 1996

¹¹ Uwanmwẹ wan mu ọmwata, kevbe oghọghọ, yan ọmwa esi.

Psalm 97:11 ပူးပေါင်းရင်းမြစ်များ

Ẹsta 8:16

Ẹko avbe Ju keghi vuọn ne oghọghọ ọghe a fe vbe iwe, ọyẹnmwẹ kevbe akhọnmiotọ.

Job 11:17

Ẹdagbọn ruẹn ghi wan uwanmwẹ sẹẹ owẹn ogiavan ẹghẹ ne ọ te so ebiebi sẹ vbe ẹdagbọn, ghi wan uwanmwẹ zẹ vbe owiẹ.

Job 22:28

Emwi ne u ru hia ghi dinna odẹ ne uẹn uwan mwẹ ghi gha wan ye odẹ ne u la.

Psalm 112:4

Te uwanmwẹ ladian vbe uwu ebiebi ne ọmwa esi, ne iran ni mwẹ itọhan, ẹnina, kevbe ẹmwata.

Psalm 18:28

E Nọyaẹnmwa, wẹ rhie uwanmwẹ mẹ u keghi khu ebiebi mwẹ fua.

Psalm 68:4

Wa so ihuan ghe Osanobua wa so ihuan urhomwẹ ghe eni ẹnrẹn, wa zẹ odẹ nẹ ọmwa ne ọ hin okuku amẹ khian. Nọyaẹnmwa ọ re a tie ẹre, wa gha sẹ ọyẹnmwẹ vbe eni ẹnrẹn.

Itan 4:18

Odẹ ne ọmwa esi la khian, te ọ yevbe ovẹn nẹ o da yan rre, uwanmwẹ ọnrẹn ghi gha mu otọe yọ rhinrin ọ te do sẹ ẹghẹ ogiavan.

Aizaia 58:8

“Ẹghẹ nii, aro ne ọ maa mwẹ ghi gha wan mu uwa egbe zẹ vbe owẹn owiẹ, ẹwẹn uwa ghi vbe rherhe rrie. Mẹ gha gu uwa gha rrọọ ẹghẹ hia ne I miẹn uwa fan, aro mwẹ ghi degue uwa vbe igie-nenẹ.

Aizaia 62:1

I gha guan ne I ya rhie igiọdu ne Jerusalẹm. Mẹ i ra hunwan a te do miẹn rẹn fan. Ne akhọnmiotọ ẹre vbe gha baa zẹ vbe ukpa vbe asọn.

Maika 7:9

Ma ru orukhọ ghe Nọyaẹnmwa nẹ, rhunmwuda ọnii, te ọ kere ne ima ziengbe ohu ẹre vbe omwa ẹghẹ eso, sokpan, vbe okiekie, ọ gha mu ẹzọ ima gui, ọ ghi kpe ima oya emwi ne a ya ru ima khọ ua.

Iyẹn ne ọ Maan Ọghe Jọn 12:46

Te imẹ rrie agbọn zẹ vbe uwanmwẹ, ne ọmwaikọmwa ne ọ ya mwẹ yi ghẹ gha rre ebiebi.

Galatia 6:8

Ọ gha kọ emwi ne egbe ho ye ugbo, evba ọre ọ ra na ya rhọ emwiorhọ uwu, a deghẹ ọ vbe kọ emwi ne ọre ọghe Orhiọn, ke uwu Orhiọn ni rre, ọre ọ gha na rhọ emwiorhọ ẹfe ne ẹ i mwẹ ọfo.

Arhie Maan 21:23

Ẹvbo ni i mwẹ emwi ne ọ ya owẹn ru ra uki ne ọ gha baa vbọ rhunmwuda, uyi ọghe Osanobua ọre ọ viọ asan yọ. Oteghe Ohuan nii ọre ọ vbe re ukpa ne ọ rrọọ.

Arhie Maan 22:5

Asọn i ghi khian gha rrọọ ọvbehe, iran i ghi khian vbe gha gualọ ukpa ra ovẹn ne ọ yunmwu, rhunmwuda Nọyaẹnmwa ọre ọ khian gha re uwanmwẹ iran, iran gha khaemwisẹ zẹ vbe ọha ẹdẹ kevbe ẹdẹdẹmwẹdẹ.