Psalm 97:10 - Edo Bible (E Baibol Ẹdo) Version 1996

¹⁰ E Nọyaẹnmwa ho ẹmwẹ iran ni khuiwu ọkhọ; ọ tan obọ gue ẹdagbọn emwa rẹn, ọ wọlọ iran hin obọ ẹtin ọmwa dan rre.

Psalm 97:10 ပူးပေါင်းရင်းမြစ်များ

Psalm 101:3

Mẹ i ra vbe rhie otọ ne emwi ọkhọ, I khuiwu uyinmwẹ emwa ni fi iyeke gbe Osanobua me i ra gu iran mu obọ.

Psalm 119:104

I miẹn ẹwaẹn ruẹ vbe uhi ruẹ, rhunmwuda ọnii, uyinmwẹ dan rhọkpa i ghi yẹ mwẹ.

Psalm 119:163

Te ohoghe ye ẹko hu mwẹ rhunmwuda, ọ sọnnọ mwẹ, sokpan, uhi ruẹ yẹ mwẹ.

Psalm 121:7

E Nọyaẹnmwa gha degue ruẹ hin ẹbe hia, ọ gha degue ruẹ hin ẹbe rre

Psalm 125:3

Avbe emwa dan i ra wa gha khaemwisẹ, yan otọ emwa ẹmwata ẹdẹdẹmwẹdẹ; iran gha ru vberriọ, iran ne ẹmwata tobọ iran sẹtin ya ru emwi dan.

Psalm 145:20

Ọ degue ọmwaikọmwa ne ọ ho ẹmwẹ irẹn, sokpan, ọ gha fuẹn emwa dan an.

Psalm 31:23

Wa ho ẹmwẹ e Nọyaẹnmwa, wa ne emwa rẹn, ni gie a mu ẹtin yan hia, e Nọyaẹnmwa ọ re ọ degue ọmwa ne ọ gie a mu ẹtin yan, sokpan, ọ ghi rri iran ni tọn egbe mu oya zẹ vbene ọ ma iran.

Psalm 34:14

Fi iyeke gbe emwi dan, gha ru emwi esi, ye ekhọe kekhọe ruẹ hia, gha gbinna ye emwi ẹmwata.

Psalm 36:4

Ọ ghi gha zẹ iro emwi dan a i ghi miẹn emwiọkpa ne ọ maa ne ọ ru. Rẹn i vbe fieghe uhunmwu ye emwi dan.

Psalm 91:14

Osanobua khare wẹẹ, “I gha miẹn iran ni ho ẹmwẹ mwẹ fan, I gha vbe degue iran ni rẹn mwẹ ye Nọyaẹnmwa.

Itan 2:8

Ọ degue iran ni ya obọ esi mu emwa ọvbehe, ọ ghi vbe gha khẹ odẹ ne iran ni gu obọ ẹre.

Itan 3:7

Ghẹ gie ekhọe ruẹ gha guẹ zẹ iro wẹ u wan sẹẹ vbe ne u ye; emwi ọkpa wa nọ wẹ ne u gha họn ẹmwẹ ne Nọyaẹnmwa, ne u vbe gha biegbe hin abakuru rre.

Itan 8:13

Ne a gha ho ẹmwẹ e Nọyaẹnmwa, ọrọre ne a gha khuiwu emwi dan. I i ho ẹmwẹ itengbemu kevbe uhiomwẹ, odẹ dan kevbe ẹmwẹ ohoghe.

Aizaia 45:17

Sokpan, e Nọyaẹnmwa miẹn Izrẹl fan etẹbitẹ ọ re akhọnmiotọ ẹre khin a i ra fa emwa rẹn uan ẹdẹdẹmwẹdẹ.’ ”

Jerimaia 15:21

I gha miẹn ruẹn fan vbe obọ ẹtin emwa dan kevbe emwa ọkhọ. Mẹ ne Nọyaẹnmwa ta ẹe nẹ.”

Daniẹl 3:28

Ọba keghi kha wẹẹ, “Wa rho Osanobua e Siedrak, Mesiak kevbe Abẹdnigo! Ọ gie odibo ẹre gha dee ne ọ do miẹn iran ni gae kevbe ni muẹtinyan rẹn na fan. Iran fieghe uhunmwu ye iyi ne imẹ yi, iran keghi mu egbe ne iran gha ya wu, sẹẹ ne iran ghughẹrre ya uhunmwu rhanmwẹ otọ ne ẹbọ ọvbehe gberra Osanobua iran.

Daniẹl 6:22

Osanobua giee odibo ẹre rre do ya obọ guee avbe oduma unu ne iran ghẹ sẹtin ru mwẹ emwi rhọkpa. Ọ ru ẹe vberriọ rhunmwuda ọ rẹnrẹn wẹ, I ma rẹn ọkpa, I ma rẹn eva, kevbe wẹ, I ma fidọn ghe ruẹ Umogun.”

Daniẹl 6:27

Ọ miẹn ọmwa fan, ọ vbe fan ọmwa ye otọ ọ ru emwi vbe ẹrinmwi kevbe agbọn. Ọ miẹn Daniẹl fan ọ ma gie avbe oduma gbe ẹe re.”

Emọs 5:14

Wa rhie ekhọe yọ ne uwa gha ru emwi ne ọ gbae, ẹ i re emwi dan, ne uwa miẹn ehe na diagbọnya. Ẹghẹ nii ọ re Nọyaẹnmwa ne Oghodua gha na yaba uwa zẹ vbene uwa ta ẹe na ighe ọ yaba uwa.

Emọs 5:15

Wa gie emwi dan gha sọnnọ uwa, wa gie emwi esi gha yẹ uwa, ne uwa vbe miẹn wẹ ohiẹn ẹmwata ọkpa ọ re a bu vbe iko. Ughaghe, e Nọyaẹnmwa gha mwẹ itohan ghe iran ni ghi rre agbọn vbe ivbi ẹvbo na.

Ebe ne Pọl gbẹẹn gie emwa Rom 12:9

Wa gie aho ẹmwẹ ọmwa gha re ne ọ sẹ otọ ẹko. Ghẹ gha ma ẹko emwi dan. De obọ mu emwi esi.

Ebe ne Pọl gbẹẹn gie emwa Rom 7:15

Me ma rẹn vbene I ru emwi hẹ rhunmwuda ẹ i re emwi ne ọ rrọ mwẹ ekhọe ne I ru ọre I gele ru, sokpan emwi ne ọ sọnnọ mwẹ ọre I ru.

Ebe ne Pọl gbẹẹn gie emwa Rom 7:24

Ọ sẹ mwẹ sẹ egbe mwẹ! Gha ọ ghi ra fan mwẹ hin obọ ikinnegbe ne ọ si mwẹ khian ya rhie gbe ua na?

I Kọrinti 8:3

Sokpan ọmwa ne ọ ho ẹmwẹ Osanobua, Osanobua rẹn ọnrẹn.

II Tẹsalonaika 3:2

Wa vbe na erhunmwu, ne Osanobua miẹn mwẹ fan vbe obọ emwa dan ne ekhọe dan, rhunmwuda, ẹ i re emwa hia ọre ọ ya nene ẹmwẹ yi.

Jems 1:12

Afiangbe nọ ne ọmwa ne ọ ziẹn egbe vbe a gha danmwẹ ọẹn ghe, rhunmwuda a deghẹ ọ ma rrie edanmwẹ, ọ gha miẹn arrọọ rhie zẹ vbe ne Osanobua ve iran ni ho ẹmwẹ ọnrẹn re.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.

I Pita 1:5

Ọ ghe uwa ọre nọ, wa ne a la ekpa ẹsọhẹ ya ẹtin Osanobua rhie lẹre, vbe ne a i na mwẹ ẹbe, vbe uwu ne uwa na mudia khẹ imiẹnfan, ne a gha rhie ne emwa hia miẹn vbe ẹdẹ ufomwẹ ẹghẹ.

I Pita 1:8

Egbe ne uwa ma rhe ya miẹn ọre aro, wa ye ho ẹmwẹ ọnrẹn, egbe ne uwa ma he rhie ye miẹn ọẹn nian, wa ye ya ẹe yi, wa keghi ya ọyẹnmwẹ nọkhua, ọ ghe uyi ne ẹ i gia gie, sẹ ọyẹnmwẹ.

I Jọn 4:19

Ma mwẹ aho ẹmwẹ ọmwa, rhunmwuda Osanobua ọre ọ ka ho ẹmwẹ mwa.

I Jọn 5:18

Ma rẹnrẹn wẹ ovbi Osanobua ne ọ gha wa gha ru orukhọ khian, ẹ i rrọọ, rhunmwuda, Ovbi Osanobua ọre ọ rhie ẹre mwẹ vbe ne a i na mwẹ ẹbe. Ọmwa Dan ni, i sẹtin kuan rẹn.

Arhie Maan 13:8

Emwa ni rre agbọn hia gha ya uhunmwu rhanmwẹ otọ nẹẹn, ọnii nọ wẹ, avbe emwa hia ne a ma he gbẹnnẹ eni iran vbe agbọn te do suẹn, ye ebe emwa ni rrọọ, iran ni re ọghe Oteghe Ohuan ne a te gbe ua.