Psalm 96:8 - Edo Bible (E Baibol Ẹdo) Version 1996

⁸ Wa rho eni Nọyaẹnmwa ne ọ mwẹ uyi, viọ emwi izọese rre ne uwa gha die Ọgua Osa ẹre

Psalm 96:8 ပူးပေါင်းရင်းမြစ်များ

Psalm 100:4

Wa ye ekpọnmwẹ la onurho Ọgua Osa, wa vbe ya urhomwẹ gha rriẹ ẹguae ẹre, wa gha kpọnmwẹ ọẹn, ne uwa vbe gha rho ẹre.

Psalm 111:9

Ọ fannọ emwa rẹn yotọ ọ keghi gu iran ta ile etẹbitẹ. Ọmwa ne ọ huanrẹn kevbe ne ọ mwẹ ẹtin ọ re irẹn khin.

Psalm 29:2

Wa rho eni uyi ọghe Nọyaẹnmwa gbe uhunmwu ke otọ ne Ne ọ huarẹn ọghọe vbe ọ gha ya egbe ladian.

Psalm 45:12

Ivbi e Taia gha ha oko guẹ, emwa nii ni fe ghi gha gualọ aro nọ maa ọwuẹ.

Psalm 72:10

Avbe ọba e Spen kevbe iran ni rre otọ ne amẹ lẹga gha zẹ ẹfe gie ẹe. avbe ọba avbe Arrebia kevbe Etiopia gha viọ imuohan gie ẹe.

Ezikiẹl 46:3

Vbe Ẹdẹ Ikẹtin hia, kevbe Ẹdẹ Uki Ọgbọn hia, avbe emwa nii hia gha vbe gha ghughẹrre ya uhunmwu rhanmwẹ otọ ne Nọyaẹnmwa vbe odaro onurho nii.

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Ebe ne Pọl gbẹẹn gie emwa Rom 12:1

Rhunmwuda ọnii etẹn mwẹ, I la ekpa itohan nọkhua ọghe Osanobua ghe emwa rinmwian uwa ne uwa ya egbe uwa fi ohan ne Osanobua zẹ vbe emwi izọ ese ne ọ ye rre agbọn, ne ọ mu aro ye ẹmwẹ iwinna ẹnrẹn, kevbe ne ọ vbe yẹ ọre. Ọnọna ọrọre ugamwẹ ẹmwata ne uwa gha rhie nẹẹn.

Ebe ne Pọl gbẹẹn gie emwa Rom 15:16

Ọnii nọ wẹ ne I gha re ọguọmwadia Jesu Kristi ne ọ gha winna ne iran ne ẹ i re Ju. Mẹ ghi gha kpe orhu Iyẹn Ne ọ maa Osanobua zẹ vbe ohẹn, ne iran ne ẹ i re Ju sẹtin do gha re emwi izọ ese ne ọ gie Osanobua rhan obọ miẹn, kevbe ne Orhiọn Ne Ọ Huanrẹn ya fi ohan nẹẹn.

Filipai 2:17

Ogha kẹe, te a ra gbe esagiẹn arrọọ mwẹ ye otọ zẹ vbe emwi imuohan ye ese ne iyayi uwa zọ ghe Osanobua. Ọ gha yerriọ I gha ghọghọ, I gha vbe ghae ne uwa hia vbe oghọghọ mwẹ na.

Filipai 4:18

Rhunmwuda ọnii, wa ghe ebe ọ sẹ mwẹ obọ ọghe emwi hia ne uwa he hẹ gun mwẹ, ọ wa vbe sẹ kpọ kua. Emwi ne uwa viọ ne Epafroditọs viọ gu mwẹ, sẹ mwẹ obọ nẹ nian, emwi ne I ho hia gbae. Te ena ye vbe emwi izọ ese ne ọ winhin ne a ya mu ohan gie Osanobua, emwi ne ọ yẹ ọre, ne ọ gha vbe rhan obọ miẹn.

Hibru 13:13

Rhunmwuda ọnii nian, wa gie ima kpao vbe agọ rre ya vba ẹre, ne ima vbe ya egbe viọ vbe emwi ekhue ẹre.

I Pita 2:5

Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.

Arhie Maan 15:4

Nọyaẹnmwa, de ọmwa ne ẹ i ra mu ohan ruẹn? De ọmwa ne ẹ i ra kha ighẹ ne ọ kpọlọ wẹ khin? Rhunmwuda, wẹ ọkpa kẹkan ọre ọ huanrẹn. Agbọn ẹvbo hia gha rre, iran ghi do ya uhunmwu rhanmwẹ otọ vbe odaro ruẹ. Rhunmwuda, iran hia miẹn uyinmwẹ ẹmwata ruẹ.”