Psalm 96:4 - Edo Bible (E Baibol Ẹdo) Version 1996

⁴ Ọmwa ne ọ kpọlọ ọ re Nọyaẹnmwa khin, ọ vbe ke ne a kakabọ rho ẹre; te a gha rhie ọghọ ne ẹẹn sẹẹ avbe ẹbọ hia.

Psalm 96:4 ပူးပေါင်းရင်းမြစ်များ

II Krọnikol 2:4

I wa bọ Ọgua Osa nian ne I ya ya ọghọ ne Nọyaẹnmwa ne Osanobua mwẹ. Ehe ne ọ huanrẹn khian gha nọ, ehe ne avbe emwa mwẹ kevbe imẹ, gha na gha ga ẹe, vbene ima gha na gha giẹn eturari nọwinhin ghe ẹre, ehe ne ima gha na gha ye ebrẹd ne ọ huanrẹn yo imuohan giee vbe ne a i na dobọyi, ehe ne ima gha na gha zọ ese ne a giẹn uan ghe ẹre vbe owiẹ kevbe ota kevbe Ẹdẹ Ikẹtin hia fẹẹrẹ, emwiukpo Uki Ọgbọn, kevbe avbe ẹdẹ ni huanrẹn ne a ya gha ya ọghọ ne Nọyaẹnmwa ne Osanobua mwa. Rẹn ọ re ọ tama ivbi Izrẹl ne iran gha ru ọna khian ẹdẹdẹmwẹdẹ.

Nehimaia 9:5

Avbe Livai na — e Jesua, e Kadmiẹl, e Bani, e Hasiabneia, e Siẹrebia, e Hodaia, e Siebanaia kevbe Pẹtahia keghi datie emwa ne iran gha die ugamwẹ wẹẹ: “Wa kpaegbe, ne uwa rho e Nọyaẹnmwa ne Osanobua uwa, wa gie emwa hia rho eni ẹnrẹn ne ọ mwẹ uyi, a gha rhe miẹn wẹ urhomwẹ emwa nagbọn ne ọ sẹe i rrọọ.”

Psalm 145:3

E Nọyaẹnmwa kpolo, ọmwa ne a kakabọ rho ẹre vbe nọ, ukpọlọmwẹ ọnrẹn gberra ne ọ gia rẹn otọ ẹre.

Psalm 150:2

Wa rho ẹrẹ ye iwinna nekhua ne ọ winna ẹn; wa rho ukpọlọmwẹ ọnrẹn ne ọ sẹ ehia.

Psalm 18:3

I tu tie Nọyaẹnmwa, ọ keghi fan mwẹ vbe obọ avbe eghian mwẹ. Wa rho e Nọyaẹnmwa.

Psalm 48:1

E Nọyaẹnmwa kpọlọ ne avbe kakabọ rho ọre nọ vbe ẹvbo Osanobua mwa; vbe uhunmwu oke ne ọ huanrẹn ọghọe.

Psalm 66:3

Wa tama Osanobua wẹẹ, “A miẹn vbe emwi ne u ru hia re ọyunnuan hẹ! Ẹtin ruẹn kpọlọ sẹ vberriọ wẹ te avbe eghian ruẹn hia ye ohan defi igue vbe odaro ruẹ.

Psalm 66:5

Wa do ghe iwinna ne Osanobua winna ẹn, iwinna ọyunnuan rẹn vbe uwu ẹbu emwa.

Psalm 76:7

Sokpan, emwa hia ọ re ọ mu ohan ruẹn Nọyaẹnmwa, ohu gha mu uẹn omwa okpa i rrọ ne ọ gha sẹtin mudia vbe odaro ruẹ.

Psalm 86:10

Wẹ kpolo, u keghi vbe ru emwi ọyunnuan, wẹ okpa kẹkan ọrọre Osanobua.

Psalm 89:7

Te a kpa uhe ne uẹn vbe iko iran ni huanrẹn te ohan ruẹn wa mu iran hia.

Psalm 95:3

Rhunmwuda, Nọyaẹnmwa. Osanobua nọkpọlọ ọre nọ, kevbe ọba ne ọ kpọlọ sẹ ẹbọ hia.

Ẹksọdọs 18:11

Banbanna nian, I miẹn wẹ, e Nọyaẹnmwa kpọlọ sẹ avbe ẹbọ hia, rhunmwuda te Osanobua ru vbenian na vbe ọ miẹn oya ne ivbi Izrẹl gha a re vbe obọ ivbi Igipt.”

Jerimaia 5:22

Mẹ ọrọre Nọyaẹnmwa vbọzẹ ne uwa i na ya ọghọ mẹ? Vbọzẹ ne uwa i na guọ vbe odaro mwẹ? Mẹ ọ re ọ mu uzekhae ya ru ehe ne uwu okun lae. Uwu etẹbitẹ ne irẹn i sẹtin fian rra. Okun sẹtin gha vba kua sokpan, ẹ i sẹtin gberra, ulẹmwẹ okun sẹtin gha davan, sokpan ẹ i sẹtin hae gberra.

Daniẹl 2:47

Ọba keghi kha wẹẹ, “Osanobua ruẹ ọrọre ne ọ kpọlọ sẹ ẹbọ hia, e Nọyaẹnmwa avbe eniyaẹnmwa kevbe ne ọ we oro ua ma emwa.”

Iyẹn ne ọ Maan Ọghe Luk 12:5

I gha ta ọmwa ne uwa gha a mu ohan rẹn ma uwa. Wa mu ohan Osanobua na a miẹn wẹ ọ gha gbe nẹ, ọ yevbe mwẹ ẹtin ne ọ ya mu orhiọn fi ẹrinmwi ne ehianmwẹ ivin. I tama uwa, wa mu ohan rẹn!

Arhie Maan 15:4

Nọyaẹnmwa, de ọmwa ne ẹ i ra mu ohan ruẹn? De ọmwa ne ẹ i ra kha ighẹ ne ọ kpọlọ wẹ khin? Rhunmwuda, wẹ ọkpa kẹkan ọre ọ huanrẹn. Agbọn ẹvbo hia gha rre, iran ghi do ya uhunmwu rhanmwẹ otọ vbe odaro ruẹ. Rhunmwuda, iran hia miẹn uyinmwẹ ẹmwata ruẹ.”

I Samuẹl 4:8

Gha ọ gha fan ima vbe obọ avbe ẹbọ ni wegbe na? Avbe ẹbọ ni gbele ivbi Igipt ye uwu ato: