Psalm 94:23 - Edo Bible (E Baibol Ẹdo) Version 1996

²³ Ọ gha rri iran oya ye emwi dan ne iran ru, ọ gha fuẹn iran an ye ẹmwẹ orukhọ iran, e Nọyaẹnmwa, Osanobua mwa gha fuẹn iran an.

Psalm 94:23 ပူးပေါင်းရင်းမြစ်များ

II Ọba 19:7

E Nọyaẹnmwa gha ru ẹe ne Ọgbaisi họn ẹmwẹ ne a ta khian ne ọ gha ya ẹe werriegbe gha rrie ẹvbo ẹre, e Nọyaẹnmwa ghi ru ẹe ne iran gbe ẹe rua vbe odọ nii.”

Ẹsta 7:10

Ọba keghi kha wẹẹ, “Wa si e Haman rrọ yọ!” x e Haman rrọ ye erhan ne ọ yo ne a si emwa rrọ yi ne ọ te gba ye otọ khẹ Modekai. Ẹre ohu ọba ghi na rriotọ.

Ẹsta 9:25

Sokpan, Ẹsta keghi ya miẹn ọba, ọ re ọba na gbẹn ebe sẹrriọ ne a ghi na miẹn wẹ e Haman ọ re ọ ghi ya uhunmwu mu emwi ne ọ mwamwa ẹn vbe egbe avbe Ju, a kevbe silo irẹn vbe ivbi ẹre rrọ ye erhan ne a silo emwa rrọ yi.

Psalm 109:20

E Nọyaẹnmwa, rria avbe eghian mwẹ ni ikhi vberriọ, iran ni wa ta egbe ẹmwẹ dan vberriọ ghe mwẹ!

Psalm 12:3

Gbe eta ye iran unu aranmwẹ erẹrẹ. Gue iran unu ne iran ya rhuọ nii, ne iran na kha wẹẹ,

Psalm 55:23

Sokpan, Osanobua, wẹ ọ ra silo avbe izigha kevbe avbe ọhọn ohoghe la idin iran ọ te sẹ ukhiọnmwẹ ẹdẹ agbọn iran. Sokpan, zẹ vbe ọghomwẹ mẹ gha mu ẹtin yan ruẹn.

Psalm 64:8

Ọ gha fuẹn iran an rhunmwuda avbe ẹmwẹ ne iran ta nii, emwa ni miẹn iran hia ghi gha fieghe uhunmwu.

Psalm 7:16

Rhunmwuda ọnii, iran ọ re ọ ghi rrioya ye ọkhọ ne iran ru. Iran ọ re ọkpankpan iran ghi kuan ẹre egbe.

Itan 1:31

Rhunmwuda ọnii nian, wa miẹn emwi ne ọ ke ne uwa, uyinmwẹ uwa ọ re ọ ra si emianmwẹ ye uwa egbe.

Itan 14:32

Emwi dan ne emwa dan ru ọ re iran ya gbe egbe iran; sokpan uyinmwẹ ekhọe esi ọ re ẹmwata ya da egbe yi.

Itan 2:22

Sokpan, Osanobua gha sanmwẹ emwa dan hin otọe ni rre, ọ ghi vbọlọ avbe emwa orukhọ ladian vbọ, zẹ vbene a vbọlọ irunmwu hin otọe rre.

Itan 5:22

Orukhọ ne ọmwa dan ru ifi ọ re nọ. Ọgua ọghe orukhọ ẹre ghi vbe muẹn.

Itan 5:23

Ọ wu, rhunmwuda, Ọ ma rẹn vbe ne a ziengbe emwi hẹ. Ukọnmwẹ ọnrẹn ne ọ wia ọ re ọ ra gie ẹre idin.

Jerimaia 36:31

I gha rri uwẹ oya, ivbi uniẹn ruẹn kevbe avbe ekhaẹmwẹ ruẹn rhunmwuda orukhọ ne uwa hia ru. Ke uwẹ kevbe ivbi e Jerusalẹm kevbe ivbi e Juda ne ọ zẹyọ obọ ne i ya sekhae ne iran irrọ, rhunmwuda ọnii, ọkhọ ne I khare ighe ọ gha rruan uwa, te I ra mu ẹẹn sẹ.”

Ezikiẹl 18:24

“Sokpan, a deghẹ ọmwa esi dobọ emwi esi ne ọ ru yi, ọ na suẹn ya gha ru emwi osọnnọ dan ne avbe emwa dan ru, ọ gha miẹn uhunmwu ra? Hiehiere! A i ghi ye avbe emwi esi ne ọ te ka ru rhọkpa rre. Ọ gha wu ye a i ta ẹmwata kevbe orukhọ ẹre.

Daniẹl 7:24

Avbe igho igbe nii keghi re avbe ọba igbe ni gha rriọba vbe otọe arriọba nii. Iyekọnii, ọba ọvbehe gha vbe ladian, ọ gha wa lughaẹn ne nekpa hia ni kagha rre, ọ gha munọ avbe ọba eha gbotọ.

Daniẹl 9:26

Ọ gha sẹ ufomwẹ ẹghẹ na, iran gha gbe ẹe rua ighe ọkaolotu ne Osanobua zẹe na vbene ẹ i na mwẹ emwi ne ọ ru. Ivbiyokuo ọmwa ne ọ wegbe ọkpa ne ọ rre asẹ gha mu okuo la ẹvbo, iran gha dunmwu avbe idunmwu nii kevbe Ọgua Osa rua. Ufomwẹ gha rre, orogho okpamẹ ne ọ lẹẹ gha rre, ọ ghi viọ okuo kevbe ọfuan gha dee zẹ vbene Osanobua mwamwaẹn yotọ.

Giọgis 9:57

Osanobua keghi vbe gie emwa Siẹkẹm rri oya ye ekhọe dan iran zẹ vbene Jotam ne ovbi Gidiọn khare wẹ ọ gha sunu vbe ẹghẹ ne ọ na tie ẹbọ ne iran.