Psalm 94:21 - Edo Bible (E Baibol Ẹdo) Version 1996

²¹ Iran ni khuan khẹ emwa ẹmwata, ni bu abe uwu gbe ọmwa ne ọ ma rri abe.

Psalm 94:21 ပူးပေါင်းရင်းမြစ်များ

I Ọba 21:19

U ghi tama rẹn wẹ mẹ ne Nọyaẹnmwa ọ re ọ tama rẹn wẹẹ, ‘U gbe ọmwa ran nẹ, te u ghi ra vbe rri ọ re ukhu ra? Tama rẹn wẹ vbenian ọre I khare. Ehe ne avbe ekita na lalọ esagiẹn e Nabot, evba dandaandan iran gha na vbe lalọ ọwuẹ!’ ”

II Krọnikol 24:21

E Joas ne ọba keghi deba emwa nii khuan khẹ e Zẹkaraia, emwa nii keghi filo okuta gbe Zẹkaraia a vbe ẹghodo Ọgua Osa zẹ vbene ọba wẹ ne iran ru ẹe.

Psalm 106:38

Iran gbele emọ ni ma rẹn okpa ọma rẹn eva nii, avbe uyinmwẹ izigha na keghi mu awua la ẹvbo.

Psalm 22:16

Otu emwa dan ghae ga mwẹ zẹvbe oghẹn ekita, iran mama rhu mwẹ. Iran yanghan mwẹ obọ kevbe owẹ.

Psalm 56:6

Iran ghi ya si koko ye ẹkhokho, iran ghi gha baba emwi ne I ru hia, vbe idaehọ wẹ, ne iran gbe mwẹ uan.

Psalm 59:3

Ghe! Iran ghae ye odẹ ne iran gbe mwẹ uan. Avbe emwa dan gha si uma ga mwẹ, ẹ i re rhunmwuda orukhọ, ra abakuru ne I ru.

Ẹksọdọs 23:7

Wa gha lẹ ne ẹmwẹ ne a ba ọmwa ẹre. Wa ghẹ gbe ọmwa ne ọ ma rukhọ rua, rhunmwuda I gha bu ohiẹn uwa gbe ọmwa ne ọ ru emwi dan vberriọ.

Itan 1:11

Adeghẹ iran khare wẹẹ, “Larre, gie ima ya gualọ orhiọnkpa ne a gbẹe rua. Wa gia ya gu emwa eso ni ma ru emwi rhọkpa gbinna, ne ima miẹn ogiẹ giẹ!

Itan 1:16

Iran i sẹtin ziengbe ne iran ghẹ ru emwi dan. Iran wa mu egbe vbe ehe hia ne iran de izigha.

Itan 17:15

Na a bu abe gbe ne ọ ma rria abe kevbe ne a fan ne ọ rria abe fua, osọnnọ ehia khin vbe odaro e Nọyaẹnmwa.

Jerimaia 26:15

Sokpan, wa gie ọna gha rre uwa ekhọe wẹ adeghẹ wa gbe mwẹ uan, wa gha rria abe, kevbe emwa ni rre ẹvbo na wẹ wa gbe ọmwa ne ọ ma rukhọ ua, rhunmwuda, e Nọyaẹnmwa ọ re ọ gie mwẹ ne I do ta ẹmwẹ na yotọ ma uwa.”

Ezikiẹl 22:12

Eso vbe uwu avbe emwa uwa de izigha ya miẹn igho. Eso miẹn igho isu vbe ivbi Izrẹl ne ihua iran ne iran rhie igho na, iran ghi do ye ne iran na mu iran vbuẹvbuẹ fe. Iran mianmian mwẹ nẹ. E Nọyaẹnmwa ne Udazi guaan nẹ.

Ezikiẹl 22:27

Avbe ewọe oga ọba yevbe avbe oduma ni wa zanzan aranmwẹ ne iran gbe. Iran de izigha ne iran miẹn ehe na họn ẹfe.

Ezikiẹl 22:6

Ẹtin ekuabọ iran ọ re avbe ọkaolotu ivbi Izrẹl hia mu ẹtin yan, iran keghi vbe de izigha.

Daniẹl 6:8

Rhunmwuda ọnii, Umogun gha yi iyi na ne ọ rhie obọ ye ebe ne a gbẹn ọẹn yi, a ghi gha lo ẹre ọ ghi gha re uhi ivbi e Medis kevbe Pẹsia ne a i fiwerriẹ.”

Matiu 27:1

Vbe owiẹ vbirrivbirri, avbe igie ohẹn hia kevbe avbe ediọn avbe Ju keghi ya si uma ne iran gbe Jesu ua.

Matiu 27:4

“I ru orukhọ ne I na rhie ọmwa ne ọ ma rukhọ maa ne a gbe ẹe rua.” Iran wanniẹn tama rẹn wẹẹ, “Ọ ni ma kan ima. Iwinna ne egbe uẹ nọ.”

Iwinna 7:52

Ọkpa rrọ vbe uwu iran ne akhasẹ ne avbe erha uwa odede ma kpokpo ra? Emwa ne Osanobua gie gha dee ni do kha ẹghẹ ni, ighẹ Ọguọmwadia emwata ẹre dee, iran gbele ehia a, ne a ghi ye na nian, wa ghi rhie ẹre ma an nẹ, wa keghi gbe ẹe rua.

Jems 5:6

Wa bu ohiẹn uwu gbe ne ọ ma ru khọ, wa keghi vbe gbe ẹe rua sokpan, ọ ma vbe gu uwa sinmwi egbe.

Arhie Maan 17:6

I keghi miẹn wẹ ayọn esagiẹn emwa Osanobua wa gbe okhuo na, kevbe esagiẹn avbe emwa ne a gbele ba ẹmwẹ iran mu uhunmwu kọ ẹmwẹ Jesu. Ugbẹn vbe i ghi bẹghe ẹre, ọ keghi yan mwẹ unu uan.