Psalm 94:20 - Edo Bible (E Baibol Ẹdo) Version 1996

²⁰ Wẹ kevbe ọmwa nọ bu ohiẹn, ne ọ guẹ emwi dan i sẹtin gba ru iran ni ye ohiẹn ohoghe khian ne ọ gbae.

Psalm 94:20 ပူးပေါင်းရင်းမြစ်များ

I Ọba 12:32

E Jeroboam keghi vbe mu emwiukpo ugamwẹ gbọọ ye ikpẹdẹ ekesugie ọghe uki ne ogierẹnrẹn vbe Bẹtẹl zẹ vbene ọ vbe ye vbe Juda, ọ keghi ya zọ ese vbe aka ni rre Bẹtẹl ghe avbe ẹmila igoru ne ọ ru. Ọ keghi viọ avbe ohẹn ne irẹn ma ẹẹn yọ vbe Bẹtẹl.

Psalm 50:16

Sokpan, Osanobua tama emwa dan wẹẹ, “Vbọzẹ ne u wa na guan kan ile mwẹ?

Psalm 52:1

Okpọmwa, vbọzẹ ne u na ya emwi dan rhuọ yi? Aho ẹmwẹ ọmwa Osanobua; etẹbitẹ nọ.

Psalm 58:2

Hiehiere! Emwi dan ne uwa ra ru ọkpa, ọ re uwa zẹ iro ẹre, wa ghi vbe gha ru orukhọ ekhọe dan vbe otọe nii.

Psalm 82:1

Osanobua miẹn agba dia vbe iko ẹrinmwi, vbe iko ne avbe ẹrinmwi do, rẹn ọ re ọ kha vbene irẹn tae yi hẹ:

Itan 28:9

Adeghẹ wẹ i ya uhi ru emwi te erhunmwu ruẹn ra wa gha sọnnọ Osanobua.

Asan-Ibo 3:16

Deba ena hia, I keghi vbe miẹn uyimwẹ ika vbe ehe ne ọ te kei ne a ta ẹmwata kevbe emwi ne ọgbae gha ye.

Asan-Ibo 5:8

Ghẹ giee yan uwe unu uan adeghẹ arriọba kpokpo ovbiogue, ighe ọ ma vbe gie a bu ohiẹn ẹmwata ne iran, ra ne a rhie emwi ne ọ khẹke iran ne iran. Dọmwadẹ ọmwa iwinna, ọmwa ne irẹn rre ototọ ẹre, ọ re ọ sinmwi ne ẹẹn, ọmwa ne ukpo ẹre ghi vbe yo sẹẹ ọ re ọ sinmwi ne iran eveva.

Aizaia 10:1

Ọghe uwa fo nẹ! Wa ni yi uhi dan ne a ya gha wọ avbe emwa mwẹ uhunmwu.

Emọs 6:3

Wa ma ho ne uwa miẹn họn wẹ ẹdẹ ọfuan dee, sokpan, te emwi ne uwa ru hia wa si nene ẹdẹ kẹ otọ.

Maika 6:16

Emwi na hia gha sunu rhunmwuda emwi dan ne Ọba Ehab ne ovbi Ọmri gu ẹe, ọ re uwa vbe guẹ. Emwi ne iran mu gbọọ ọ re uwa lele, rhunmwuda ọnii, I gha fuẹn uwa a, emwa hia ghi gha zan uwa. Emwa hia ghi gha sọnnọ uwa vbe ehe hia.”

Iyẹn ne ọ Maan Ọghe Jọn 11:57

Avbe igie ohẹn kevbe avbe Farisi tama emwa hia nẹ wẹẹ, ọmwa ne ọ rhirhi rẹn ehe ne Jesu ye, ne ọ do kha ne iran ya mu ẹn.

Iyẹn ne ọ Maan Ọghe Jọn 18:28

Iran keghi mu Jesu ke owa Kaiafas kpao gha rrie ẹguae Ne ọ khaemwisẹ. Owiẹ vbirrivbirri nọ. Avbe Ju ma ho ne iran la uwu ẹguae rhunmwuda ne iran ghẹ ru awua, ne iran miẹn ehe na rrie evbare Alagberra.

Iyẹn ne ọ Maan Ọghe Jọn 9:22

Avbe evbibiẹ ọe kha vberriọ rhunmwuda ighe ohan avbe Ju mu iran, rhunmwuda avbe Ju wa tae nẹ wẹẹ deghẹ ọmwaikọmwa tae ladian ighe Jesu ọrọre nene Mẹzaia, iran gha khu ẹe hin Ọgua ediọn rre.

I Samuẹl 22:12

E Sọl keghi tama Ahimẹlẹk wẹẹ, “Danmwehọ mwẹ Ahimẹlẹk!” Rẹn keghi wanniẹn wẹẹ, “Ghe mwẹ enaẹmwẹ.”