Vbe na i na gbe awẹawẹ u i ra gbe ni ma rukhọ ba eni rukhọ. Ọnii i gia ru wẹ i sẹtin ru vberriọ. Ẹghẹ nii, a ghi rri eni ma rukhọ oya zẹ vbe eni rukhọ. Ọnii i gia ru, enọbuohiẹn otọ agbọn hia, te ọ gha ru emwi nọkere.”
We ọrọre Osanobua mwa! Rri iran oya, rhunmwuda, ma i miẹn emwi ọkpa ru vbe ehe ne ivbiyokuo ni bun sẹ nian na, ni gu ima khọn ye, ma ma rẹn emwi ne ima gha ru, sokpan, aro ruẹ ma ghi ghe ne iyobọ.”
Wa ho ẹmwẹ e Nọyaẹnmwa, wa ne emwa rẹn, ni gie a mu ẹtin yan hia, e Nọyaẹnmwa ọ re ọ degue ọmwa ne ọ gie a mu ẹtin yan, sokpan, ọ ghi rri iran ni tọn egbe mu oya zẹ vbene ọ ma iran.
A gha dobọ uhiomwẹ emwa nagbọn yi, a gha fuẹn itengbemu emwa nagbọn ruan. A gha ho avbe amazẹ bẹkun fẹẹrẹ. E Nọyaẹnmwa ọkpa ọ re a ra gha go wan ẹdẹ ne ẹdọ.
A do na iyẹn ma mwẹ nẹ vbene u gha vannọ kevbe vbene u gha rhuọ hẹ, banbanna nian, I gha ha ẹghọ ye uẹ ihue, I ghi gba ukhu ye uẹ akọn, I ghi mu ẹẹn la odẹ ne u la rre gha rrie.”
“Banbanna nian, mẹ ne Nebukiadneza rho ẹre, I ya ọghọ ne ẹẹn, I keghi vbe rhie uyi ne ẹẹn ighe Ọba Ẹrinmwi. Emwi hia ne ọ gbae kevbe ne ọ hẹnhẹn, ọghọe ọ re nọ. Ọ vbe sẹtin vbokho ọmwaikọmwa ne ọ tengbemu uhunmwu rriotọ.”
Rhunmwuda, ẹ i mwẹ ma hia ma mudia ye odaro Kristi, ne ọ miẹn ehe na bu ohiẹn mwa. ne dọmwadẹ ọghọe miẹn ehe na miẹn emwi ne ọ khẹ kẹe rhie, zẹ vbene ọ ye obọ ru vbe ọ rre agbọn, deghẹ ne ọ maa nọ ra ne ẹ i maa.
Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”