Psalm 94:18 - Edo Bible (E Baibol Ẹdo) Version 1996

¹⁸ Mẹ khare wẹẹ, “Ghe vbe I ra de,” sokpan, ahoẹmwọmwa ruẹn ne ẹ i beghe keghi da mwẹ yi Nọyaẹnmwa.

Psalm 94:18 ပူးပေါင်းရင်းမြစ်များ

Psalm 121:3

Rẹn i ra giẹ uwẹ de, ọmwa ne ọ rhie ruẹ lẹre, ẹ i vbiẹ.

Psalm 17:5

Odẹ ruẹ ọ re I la khian ẹdẹ, I ma he bibi odẹ hin rre ẹdẹ.

Psalm 38:16

Ghẹ gie avbe eghian ye igiogio gbe usẹ ne ọ sẹ mwẹ. Ghẹ gie iran ye udemwẹ mwẹ gha rhuọ.

Psalm 73:2

Sokpan iro te han mwẹ nẹ, te iyayi mwẹ ghi te ra wirua.

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Iyẹn ne ọ Maan Ọghe Luk 22:32

Sokpan mẹ na erhunmwu nuẹn nẹ Saimọn ne iyayi ruẹ ghẹ i fira, u gha ghi hinmwian bu mwẹ rre nẹ, u ghi rhie ẹtin ye avbe etuẹn iwu.”

Iyẹn ne ọ Maan Ọghe Jọn 12:5

“Vbọzẹ ne a ma na khiẹn ori na enaira iyeha yi ne a ghae ẹre ne avbe ivbiogue?”

I Pita 1:5

Ọ ghe uwa ọre nọ, wa ne a la ekpa ẹsọhẹ ya ẹtin Osanobua rhie lẹre, vbe ne a i na mwẹ ẹbe, vbe uwu ne uwa na mudia khẹ imiẹnfan, ne a gha rhie ne emwa hia miẹn vbe ẹdẹ ufomwẹ ẹghẹ.

I Samuẹl 2:9

“Ọ degue iran ne emwa rẹn ni maa, sokpan, iran ne emwa dan keghi gu ebi ro. Ọmwa i sẹtin ya ẹtin obọ ẹre khọnmiotọ.