Psalm 94:16 - Edo Bible (E Baibol Ẹdo) Version 1996

¹⁶ De ọmwa ne ọ gu emwa dan gbinna mẹ yi? Gha ọ mu ẹzọ mwẹ gu emwa ọkhọ gui?

Psalm 94:16 ပူးပေါင်းရင်းမြစ်များ

II Ọba 10:15

E Jehu keghi deyan okhian, ọ ghi sẹ odẹ, e Jonadab ne ovbi e Rekab keghi vba ẹre. E Jehu keghi tuẹ ọe, ọ tama rẹn wẹẹ, “Iro ọkpa ọ re ọ rre ima ekhọe. U gha deba mwẹ ra?” E Jonadab keghi kha wẹẹ, “I gha deba ruẹ.” Iran keghi rhie egbe obọ, ọ re Jehu na kpa ẹre la uwu ikẹkẹ okuo.

II Ọba 9:32

E Jehu keghi tọn aro mu, ọ keghi davan wẹẹ, “Gha ọ rre otu mwẹ vba yi?” Ọghẹrriẹnoguan eva ra eha na niẹn urhu la ewindo ladian do ghe ẹre.

Nehimaia 5:7

I keghi ta ku avbe ọkaolotu kevbe iran ni rre ukpo vbe uwu iran, I na tama iran wẹẹ, “Wa ghẹ zẹ etẹn uwa kpokpo.” I keghi tie iko ọgbakha ne iran do guan ye ẹmwẹ na,

Psalm 118:6

E Nọyaẹnmwa rrọọ yaba mwẹ, ohan i ghi mu mwẹ de emwi ne ọmwaikọmwa gha miẹn ru mwẹ re?

Psalm 17:13

Gha dee, Nọyaẹnmwa, gu avbe eghian mwẹ gbinna, ne u khọn miẹn iran otọ, ya umozo ruẹ fan mwẹ hin obọ iran, ne emwa dan;

Psalm 59:2

Miẹn mwẹ fan vbe obọ avbe emwa dan nii, yuo mwẹ hin obọ avbe izigha nii rre!

Aizaia 59:16

Ọ yan irẹn unu uan wẹ a i miẹn ne ọ yi ọmwa ne a wọ ẹre uhunmwu obọ. Rhunmwuda ọnii, ọ gha lo ẹtin ọghọe ne ọ ya miẹn iran fan kevbe ne ọ khọn miotọ.

Aizaia 63:5

Ọ wa yaan mwẹ unuan, vbe I ghe lẹga vbe ne a ma na miẹn ọmwa rhọkpa ne ọ do yọmwẹ obọ. Sokpan, ohu ne ọ mu mwẹ keghi rhie ẹtin yọmwẹ iwu, I keghi tobọmwẹ khọnmiotọ.

Jerimaia 5:1

Wa ne ivbi e Jerusalẹm, wa rhulẹ la idunmwu ẹvbo uwa, wa ghe lẹga. Wa ya aro uwa tobọ uwa miẹn ọẹn, wa gualọ uwu ẹki, wa gha miẹn orhiọnkpa ne ọ ru emwi ẹse ra, ra ne ọ vbe hia ne ọ gha re ne ọ gie Osa mu ẹtin yan? Adeghẹ wa gha miẹn vbọ, e Nọyaẹnmwa gha yabọ Jerusalẹm.

Ezikiẹl 22:30

I gualọ ọmwa ne ọ gha sẹtin gbe ekẹn, iran ni gha sẹtin mudia ye ehe ne ekẹn na de, ne ọ gbinna ne ẹvbo nii vbe ohu mwẹ a ra fuẹn ọnrẹn uan sokpan, I ma miẹn ọmwa rhọkpa Rhunmwuda ọnii, I hihiẹ ohu mwẹ yan iran,

Nọmbas 10:35

Ẹkpẹti Ile nii gha wa si okhian, e Mosis ghi kha wẹẹ, “E Nọyaẹnmwa, kpaegbe ne u zagha avbe eghian ruẹn kua, ne u vbe khulo iran ni mu ohu ruẹ kua!”

Matiu 12:30

“Ọmwa ne ẹ i rre otu mwẹ, te ọ gunmwẹ gbinna. Ọmwa ne ẹ i gunmwẹ si emwi koko, te ọ duẹ ọre rua a.

III Jọn 1:8

Rhunmwuda ọnii, ọ kere ne ima ni re eniyayi gha ye avbe emwa na obọ, ne ima miẹn ehe na gha mwẹ oghae vbe iwinna ne iran winna ne ẹmwata.

Giọgis 5:23

Erriọ odibo e Nọyaẹnmwa khare, “Wa fi e Mẹrẹz unu. ihẹn, ihẹn vbe uhunmwu iran ni rre evba. Iran ma ye Nọyaẹnmwa obọ, iran ma rre vbe ivbi iyokuo gbinna ne ẹẹn.