Psalm 94:15 - Edo Bible (E Baibol Ẹdo) Version 1996

¹⁵ A gha ye miẹn ẹmwata vbe uwu iko ibuohiẹn, emwa ẹmwata hia gha wa ya egbe ba ẹre.

Psalm 94:15 ပူးပေါင်းရင်းမြစ်များ

Job 17:9

Iran ni khare wẹ adazẹ iran khin, wa dọlegbe rhie ye ekhọe wẹ iran rri asẹ.

Job 35:14

E Job, u wẹ u i sẹtin deghẹ Osanobua. Sokpan, hẹko zin egbe, ẹzọ ruẹ rre odaro ẹre nẹ.

Psalm 37:34

Hẹnhẹn idaehọ ruẹ yan e Nọyaẹnmwa gha mu uhi ẹre sẹ ọ gha mu otọe ni ne uẹn. Ne ọ ya mu ọghọ yuẹ egbe. U gha vbe miẹn ọẹn vbe a gha khulo emwa dan ladian.

Psalm 58:11

Emwa ghi gha kha wẹẹ, “A gele san emwa esi ẹse vbẹmwata; Osanobua ne ọ bu ohiẹn agbọn na gele rrọọ.”

Psalm 9:16

E Nọyaẹnmwa ye egbe ne a miẹn, vbekpa ohiẹn ẹmwata ne ọ bu. Iwinna dan ọghe emwa dan, khuẹn ifi mu iran.

Psalm 97:2

Okuku kevbe ebiebi lẹga ẹre; ẹmwata kevbe uhunmwu ẹmwẹ ọ re ọ ya khaemwisẹ.

Aizaia 42:3

Rẹn i ra bun ovbi erhan ne ọ bi gọọ ra ne ọ dọ ukpa ne ọ gbe muẹinmuẹin yọ. Ọ gha rhie ibuohiẹn ẹmwata sẹ obọ agbọn hia.

Maika 7:9

Ma ru orukhọ ghe Nọyaẹnmwa nẹ, rhunmwuda ọnii, te ọ kere ne ima ziengbe ohu ẹre vbe omwa ẹghẹ eso, sokpan, vbe okiekie, ọ gha mu ẹzọ ima gui, ọ ghi kpe ima oya emwi ne a ya ru ima khọ ua.

Malakai 3:18

Ẹghẹ nii, emwa ni gha dọlegbe miẹn alughaẹn ne ọ rre emwi ne ọ sunu vbe egbe ọmwata kevbe ọmwa dan. Vbe egbe ọmwa ne ọ ga mwẹ kevbe ọmwa ne ẹ i ga mwẹ.”

I Jọn 2:19

Vbe ẹmwata, ẹ i re otu ima iran na ye o, ọ ni ọ si ẹe ne iran na kpao sẹ ima rae, akpawẹ otu ima iran ye, te iran gha gu ima tota. Sokpan iran kpao sẹ mwa rae, ne aro miẹn ehe na dae wẹ, ẹ i re otu mwa iran ye.