Psalm 94:13 - Edo Bible (E Baibol Ẹdo) Version 1996

¹³ U rhie ikẹtin ne ẹẹn vbe ẹghẹ ibaro, a te do tọn uye ya mu ọmwa dan vbe ifi.

Psalm 94:13 ပူးပေါင်းရင်းမြစ်များ

Job 34:29

Osanobua gha kha ighẹ rẹn i zẹdẹ guan yọ, ọmwa ne ọ ra nọ rẹn ẹ i rrọọ. Ọ gha rhie aro ẹre lẹre, ọghe emwa nagbọn fo.

Psalm 49:5

Ohan i mu mwẹ vbe ẹghẹ ẹbe, vbe avbe eghian a lẹga mwẹ.

Psalm 55:23

Sokpan, Osanobua, wẹ ọ ra silo avbe izigha kevbe avbe ọhọn ohoghe la idin iran ọ te sẹ ukhiọnmwẹ ẹdẹ agbọn iran. Sokpan, zẹ vbe ọghomwẹ mẹ gha mu ẹtin yan ruẹn.

Psalm 9:15

Iran ni ma yayi dele ye uvun ne iran tọẹn. Ifi ne iran khuẹn munọ iran.

Jerimaia 18:20

Ọkhọ ọ re a ya ha osa ọma ra? Sevba, iran tọn uvun ye otọ khẹ mwẹ ne I de yọ. Yerre vbene I bu ruẹ rre hẹ, I na do gha rinmwian ne iran wẹ ne u ghẹ ye ohu ru iran emwi.

Jerimaia 18:22

Gie otu ọkhọ ya fu iran emwi viọ vbene iran ma na họn yotọ. Gie iran viẹ rhunmwuda ohan nọkhua. Iran tọn uvun yotọ khẹ mwẹ ne I de yọ, iran keghi vbe khuẹn ifi khẹ mwẹ wẹ ne ọ mu mwẹ.

Habakọk 3:16

I họn emwi na hia I kegha guọ, aranmwẹ mwẹ kegha guọ ne ohan. I zegbe zẹ mwẹ ye otọ owẹ mwẹ kegha mian gbẹghẹgbẹghẹ. I gha hẹko ziengbe khẹ ẹghẹ ne Ọ dee, ne Osanobua gha na rri iran oya ighe iran ni gunmwa gbinna.

Hibru 4:9

Vbene ọ rhirhi gha ye hẹ, vbene ọ ghi ye na nian, ọrọre wẹ, ikẹtin ọkpa ye rrọọ ne emwa Osanobua ne ọ vbe khọ vbene Osanobua hẹwẹ vbe ikpẹdẹ ne ogihinrọn.

II Pita 2:9

Erriọ vbe nọ, Nọyaẹnmwa rẹn vbene ọ ya yuo emwa esi hin uwu edanmwẹ iran re hẹẹ, kevbe vbene ọ ya da emwa dan ne a gha rri ọre oya yi khẹ Ẹdẹ Ibuohiẹn hẹ.

Arhie Maan 11:18

Okuosu keghi yi iran ne ni ma yayi, rhunmwuda ọsẹ ẹghẹ ne ohu ruẹ gha ya rre, ne a do bu ohiẹn iran ni wulo nẹ. Ẹghẹ sẹe ne a gha ya san, avbe akhasẹ ne eguọmwadia ruẹ ẹse, ke avbe emwa ruẹn, ni mu ohan ruẹn, ni kpọlọ kevbe ni kanmwa. Ẹghẹ sẹe ne a ya fuẹn iran an ighẹ iran ni fuẹn agbọn uan.”

Arhie Maan 14:13

Iyeke ọnii, I keghi họn urhu ọkpa ke ẹrinmwi rre wẹ, “Gbẹn emwi na ye otọ. Ọ maa ne iran ni wulo nẹ, iran ni gha wulo vbe uwu iwinna Nọyaẹnmwa ke eban kpao!” Orhiọn nii keghi wanniẹn wẹ, “Erriọ zẹẹ wa nọ. Iran gha ghọghọ ye ne iran na kẹtin vbe uwu iwinna ne ọ wo vbe egbe, rhunmwuda ere iwinna ne iran winnaẹn ọre iran rhie mwẹ obọ.”