Psalm 93:1 - Edo Bible (E Baibol Ẹdo) Version 1996

¹ E Nọyaẹnmwa ọrọre ọba, a ya uyi ne ọ rre egbe ọba kevbe ẹtin yọ re ẹwu. A mu agbọn uhe sẹ otọ nẹ gbangbaangban ai ghi vbe sẹtin fi ẹe werriẹ.

Psalm 93:1 ပူးပေါင်းရင်းမြစ်များ

I Krọnikol 16:30

Wa gha guọ vbe odaro ẹre, agbọn na hia a mu ẹkun agbọn sẹ otọ nẹ gbain vbe ihe ẹre a i ghi sẹtin vbọe ọvbehe.

I Krọnikol 16:31

Wa gha ghọghọ otọ kevbe iso wa tama agbọn ẹvbo hia ighẹ e Nọyaẹnmwa ọ re ọba!

I Krọnikol 29:12

Obọ ruẹ ọ re ẹfe kevbe uwa hia ke rre, ẹtin kevbe iwegbe ruẹ ọre u ya kha yan emwi hia. Wẹ sẹtin ye ọmwaikọmwa khian nọkhua kevbe nọ wegbe.

Job 40:10

“Adeghẹ erriọ nọ, kpaegbe vbe ọghọ kevbe ekpẹn ne egbe ruẹ, u ghi ya ohan ọba kevbe uyi han ye egbe.

Psalm 103:19

E Nọyaẹnmwa mu ẹkete ẹre ye ẹrinmwi, rẹn ọrọre ọba yan ehia.

Psalm 145:13

Te uwẹ khaemwisẹ ẹdẹdẹmwẹdẹ, ọba etẹbitẹ ọ re uwẹ khin, te Nọyaẹnmwa wa ru zẹ vbene ọ yanrẹn, emwi ne irẹn ru hia ọ re ọ wa maa.

Psalm 18:32

Rẹn ọrọre Osanobua ne ọ ya mwẹ wegbe ne ọ viọ ẹbe hin urodẹ mwẹ rre.

Psalm 59:13

Fuẹn iran an vbe ohu ruẹ, wa fuẹn iran an fẹẹrẹ, ẹghẹ nii, emwa hia ghi rẹn wẹ Osanobua ọ re ọ khaemwisẹ vbe Izrẹl kevbe wẹ asẹ ọ re gba otọe agbọn hia.

Psalm 65:6

Ẹtin ruẹn ọ re u ya munọ avbe oke ye ihe iran, u keghi rhie iwegbe ruẹ nọkhua maa.

Psalm 65:7

U dọ uhumwẹ avbe okun yọ, deba owogho avbe ubimwẹ amẹ u vbe dọ owogho avbe emwa nii yọ.

Psalm 75:3

Avbe emwi ne a yi hia gha rhe gha guọ ighẹ a vbe mu agbọn tobọre rueghe I gha gie ẹyotọ ẹre de ziẹn.

Psalm 96:10

Wa tama agbọn ẹvbo hia wẹẹ, “E Nọyaẹnmwa ọrọre ọba! A mu agbọn na uhe sẹ otọ nẹ gbain vbe ihe ẹre, ai ghi sẹtin werriẹ ọe, ọ gha ye ẹmwata bu ohiẹn avbe emwa nii.”

Psalm 97:1

E Nọyaẹnmwa ọrọre Ọba! Agbọn wa gha ghọghọ! Wa gha ghọghọ, wa ne otọe ne amẹ lẹga, ni rre uwu okun!

Psalm 99:1

Osanobua ọrọre ọba, avbe emwa gha guọ. Ọ tota ye ẹkete ẹre vbe odukhunmwu avbe emwi ne a yi ni zẹlẹ ifuẹn, agbọn keghi mu rueghe.

Aizaia 11:5

Ẹmwata kevbe uhunmwu ẹmwẹ ọ re ọ ra ya gha khaemwisẹ yan emwa rẹn.

Aizaia 45:12

Mẹ ọrọre ọmwa ne ọ yii otọe agbọn I keghi vbe yi emwa nagbọn ne iran gha rre evba. Ẹtin mwẹ ọ re I ya rhaan iso ladian; mẹ ọ re ọ dia owẹn, kevbe uki kevbe avbe orhọnmwẹ.

Aizaia 45:18

E Nọyaẹnmwa ọ re ọ yii iso, rẹn ọrọre ọmwa ne ọ re Osanobua! Rẹn ọ re ọ dọnmwẹ agbọn, ọ na yii ẹe ọ ru ẹe gbain kevbe ne ọ vbe tọ, ọ ma yi ẹre ne ọ dihoi rua ne ọ rhiaẹe. Sokpan ehe ne emwa gha yin. Rẹn ọrọre ọmwa ne ọ khare wẹẹ, “Mẹ ọrọre Nọyaẹnmwa, osa ọvbehe i ghi vbe rrọọ.

Aizaia 49:8

E Nọyaẹnmwa keghi tama emwa rẹn wẹẹ, “Ẹghẹ gha sẹ ne a gha ya miẹn uwa fan, I gha ru uwa ẹse, I ghi vbe rhie ewanniẹn ye utumwẹ ne uwa tu ya nọ iyobọ. I gha gbearoghe uwa, I ghi vbe degue uwa, obọ uwa ọ re I gha la gu emwa hia ta ile, I gha gie uwa ya dọlegbe tota ye otọ uwa ne ọ he dihoi rua na.

Aizaia 51:16

Mẹ ọ re ọ tan iso yotọ, I keghi vbe gbe ẹyotọ agbọn I tama Jerusalẹm wẹẹ, ‘Emwa mwẹ wa khin I maa uwa emwi ọghomwẹ nẹ, obọ mwẹ ọ re i ya degue uwa.’ ”

Aizaia 51:9

Rhiọrre Nọyaẹnmwa ne u yima obọ. Lo ẹtin ruẹn ne u ya miẹn ima fan, lo ẹre vbene u lo ẹre ẹkpo nẹdẹ. Wẹ ọ re ọ giagia Rehab ne Ugbogiorinmwi okun giẹghẹgiẹghẹ.

Aizaia 52:7

U miẹn vbene ọ mose hẹ ne a bẹghe ọmwa ne a gie ẹre uhunmwu vbe ọ fian avbe oke ni rra dee do na iyẹn ne ọ maa, iyẹn ọfumwegbe! Ọ ya akhọnmiotọ wewe, ọ keghi tama Zaiọn wẹẹ, “Osanobua ọrọre ọba!”

Aizaia 59:17

Ọ gha mu ẹmwata yọ zẹ vbe ẹwu ematọn okuo, kevbe akhọnmiotọ zẹvbe ẹrhu ẹgere. Ọ gha ye amuegbe ne a ya dọlọ emwi hia yi yọ egbe ẹre ẹwu kevbe ne a ya rri emwa oya ne a ya rria ikhi ye emwi dan ne a ru emwa ẹre.

Aizaia 63:1

“Gha ọna khin ne ọ ke Bozra ne Idọm de yi? Gha ọna khin ne ọ ya ododo han yi, ne ọ ze owẹ kẹe kevbe ẹtin deba iwegbe?” “E Nọyaẹnmwa nọ, ọmwa ne ọ mwẹ ẹtin ne ọ ya miẹn ọmwa fan, ọ ra do kha vbene irẹn khọnmiotọ hẹ.”

Matiu 6:13

Ghẹ gia danmwẹ mwa ghe, rhie mwa lẹre hin obọ Ọkaẹrhia Nii.’

Hibru 1:8

Sokpan ọ ghi ra guan vbekpa Ọmọ, Ọ wẹẹ, “Osanobua, ẹkete ruẹ gha rrọọ ẹdẹdẹmwẹdẹ. Ẹmwata ne a ta, ọ re u ra ya rriọba yan emwa ruẹn.

Arhie Maan 19:6

I keghi họn emwi ne ọ ye vbe urhu emwa ni bun ẹsẹse ọ ye vbe uvanmwẹ okpamẹ ne ọ rhọ ke okuta ne ọ yo ku otọ, ọ ye vbe ne avan vannọ yan egbe. I keghi họn vbe iran khare wẹẹ, “Wa rho Osanobua! Rhunmwuda e Nọyaẹnmwa Osanobua ne Oghodua ọrọre Ọba!