Psalm 92:3 - Edo Bible (E Baibol Ẹdo) Version 1996

³ Ne a gha ya emwi ihuan ne ọ mwẹ irri ru ẹe, kevbe ne ọ rhiẹnrhiẹn vbe akpata.

Psalm 92:3 ပူးပေါင်းရင်းမြစ်များ

I Krọnikol 13:8

Vbene Devid kevbe emwa nekpa na gha ya ẹtin iran hia iwu ne iran ya rhie ọghọ ne Osanobua. Iran kegha so ihuan iran na gha kpe avbe ẹzi kẹn, akpata ema, isẹ kevbe okpe.

I Krọnikol 15:16

E Devid keghi tama olotu avbe Livai wẹ ne ọ zẹlẹ avbe Livai ne iran gha so ihuan kevbe ne iran vbe gha kpe akpata kevbe ukusẹ ọghe oghọghọ.

I Krọnikol 23:30

Ne iran gha rho kevbe ne iran vbe gha rhie uyi ne Nọyaẹnmwa ota vbe owiẹ.

I Krọnikol 25:6

Ivbi ẹre ni ikpia hia wa guara kpe isẹ kevbe akpata vbene erha iran na dia iran ne a gha rhie ẹre ba ugamwẹ Ọgua Osa. Ọba ọ re ọ gha ta ne a gha ru ma Asaf, Jedutun kevbe Heman.

II Krọnikol 20:28

I ran ghi sẹ ore ẹvbo iran ye akpata kevbe okpe si ọbọbọ gha rrie Ọgua Osa.

II Krọnikol 23:5

Obọ ne ogieva ghi gha khẹ ẹguae ọba, a ghi viọ eni dekẹe ye Urho Ẹyotọ. Emwa hia ghi do si egbe koko vbe ẹghodo Ọgua Osa.

II Krọnikol 29:25

Ọba keghi ru zẹ vbene Nọyaẹnmwa gie Gad ne akhasẹ ọba, re gie Devid ne ọba kevbe zẹ vbene ogie Natan, ne a khama Devid ne ọba, ọ keghi ya viọ avbe Livai ye Ọgua Osa, ọ na viọ akpata kevbe ukusẹ ba ẹre, ena kegha re emwi iku kevbe ihuan,

Nehimaia 12:27

Ẹghẹ ne a na ye ekẹn ne a gbe lẹga Jerusalẹm fi ohan, a keghi ya viọ avbe Livai ke ehe ne iran a rhirhi a gha ye rre ne iran deba emwiukpo a ya fi ohan ni vbene iran gha na so ihuan ekpọnmwẹ deba isẹ kevbe akpata ne a kpee.

Psalm 149:3

Wa ya iku rho eni ẹnrẹn, wa kpe ema kevbe akpata ya gha rho ẹre.

Psalm 33:2

Wa ye emwi ihuan ne ọ mwẹ irri so ihuan.

Psalm 42:9

Mẹ tama Nọyaẹnmwa ne ọ gbinna mẹ wẹẹ, “Vbọzẹ ne u na mianmian mwẹ? Vbọzẹ ne I gha na gha rrioya vbe obọ ekhọe dan ọghe avbe eghian mwẹ?”

Psalm 57:8

Rhiọrre wẹ ne orhiọn mwẹ wa rhiọrre, ukusẹ kevbe akpata, I gha huẹn owẹn vbe ovbe.

Psalm 68:25

Avbe ọsian ke odaro avbe ikpemaba keghi lele iran iyeke avbe ibiẹka ikhuo ni kpe isẹ keghi rre ẹkpo iran.

Psalm 9:16

E Nọyaẹnmwa ye egbe ne a miẹn, vbekpa ohiẹn ẹmwata ne ọ bu. Iwinna dan ọghe emwa dan, khuẹn ifi mu iran.

I Samuẹl 10:5

U ghi gha rrie oke Osanobua ne ọ rre Gibea, ehe ne agọ ivbi e Filistia ọkpa ye. U gha sẹ onurho ẹvbo nii, u gha miẹn otu avbe akhasẹ eso ni tuorre ke aka ne ọ rre uhunmwu oke nii dee, iran gha kpe akpata, ema, ufere kevbe ẹgiọn. Iran ghi gha kuu, iran ghi gha golo.