Psalm 91:13 - Edo Bible (E Baibol Ẹdo) Version 1996

¹³ Wẹ gha ye owẹ rrilo oduma kevbe ẹyẹn ginna otọ oduma ni khọ, kevbe ẹyẹn ni mwẹ obi.

Psalm 91:13 ပူးပေါင်းရင်းမြစ်များ

Job 5:23

A i ra miẹn okuta vbe oha ne u na mu ugbo, aranmwẹ akọn i ra vbe guẹ gbinna.

Psalm 58:4

Iran vuọn ne obi zẹ vbe ẹyẹn iran ghi khiọ ehọ iran vbe ẹyẹn ne ọ yin ehọ.

Aizaia 27:1

Ọ gha sẹ ẹdẹ ne ẹdẹrriọ, ẹ Nọyaẹnmwa gha ya umozo ẹre ne ọ mwẹ ẹtin ke ne ọ gbe emwi ya rri e Leviatan oya, nene Ugbogiorinmwi ne ọ gbe a kinnọ khiẹn yo khiẹn rre nii, ọ ghi vbe gbe Ugbogiorinmwi ne ọ rre uwu ẹzẹ okun.

Daniẹl 6:22

Osanobua giee odibo ẹre rre do ya obọ guee avbe oduma unu ne iran ghẹ sẹtin ru mwẹ emwi rhọkpa. Ọ ru ẹe vberriọ rhunmwuda ọ rẹnrẹn wẹ, I ma rẹn ọkpa, I ma rẹn eva, kevbe wẹ, I ma fidọn ghe ruẹ Umogun.”

Iyẹn ne ọ Maan Ọghe Mak 16:18

Iran gha ya obọ mu ẹyẹn ra te iran rri eruan, ẹ i ru iran emwi rhọkpa. Iran gha viọ obọ iran yan avbe ọkhọnmwọ, egbe ghi rran iran.”

Iyẹn ne ọ Maan Ọghe Luk 10:19

Wa danmwehọ, I rhie ẹtin ne uwa nẹ ne uwa ya gha rrilo ekpakpahuangan kevbe ẹyẹn muotọ, kevbe ẹtin vbe uhunmwu ẹtin hia ne Oghian ni mwẹ. Emwi ọkpa ne ọ gha kuan uwa, ẹ i rrọọ.

Ebe ne Pọl gbẹẹn gie emwa Rom 16:20

Vbe ọ ma he kpẹe wan, Osanobua ne ọ re uhunmwu ọfumwegbe mwa, gha guọghọ Setan ye atataowẹ uwa. Te ẹsọhẹ Nọyaẹnmwa Jesu gha guwa gha rrọọ.

Ebe ne Pọl gbẹẹn gie emwa Rom 3:13

Unu iran ye vbe idin ne ọ we unu uan. Ohoghe ne ọ vẹ ẹki ọre ọ werriẹ ke aranmwẹ iran rre, ẹmwẹ ne ọ yevbe obi ẹyẹn ghi gha ke akhuarhamwunu iran rre,

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.

Arhie Maan 12:9

A keghi mu Ugbogiorinmwi ne gẹdẹgbẹ nii fua. Rẹn ọrọre ẹyẹn nẹdẹ nii, ne a tie ẹre Setan, ne ọ mu otọ agbọn hia rẹrẹ. A keghi fi ẹe fi agbọn ke ẹe kevbe avbe odibo ẹre hia.

I Samuẹl 17:37

E Nọyaẹnmwa ne ọ fan mwẹ vbe obọ oduma kevbe akpakomiza, gha vbe fan mwẹ vbe obọ e Filistin na.” E Sọl keghi kha wẹẹ, “Ọ maa khekherriọ, gha khian, Osanobua gha yaba ruẹ.”