Psalm 90:8 - Edo Bible (E Baibol Ẹdo) Version 1996

⁸ U wa orukhọ ima ye odaro ruẹ, orukhọ ẹkhokho ima vbe ehe ne u gha na gha bẹghe ẹre.

Psalm 90:8 ပူးပေါင်းရင်းမြစ်များ

Job 10:14

U kegha baba mwẹ, a deghẹ I gha fidọn. Ne u ghẹ miẹn ehe na yabọ mwẹ.

Job 34:21

Ọ wa ghe owẹ hia ne dọmwadẹ ọghọe zẹ.

Psalm 10:11

Ọmwa dan ghi tama egbe ẹre wẹẹ, “Osanobua i zẹ yọ! Ọ mimi aro ẹre nẹ, ẹi bẹghe mwẹ!”

Psalm 109:15

Te Nọyaẹnmwa gha ye orukhọ iran rre rhinrin, sokpan, ta a gha wa mianmian iran tobọ iran fẹfẹẹfẹ!

Psalm 19:12

A i miẹn ne ọ kha i ghẹ rẹn i gbe ẹse Nọyaẹnmwa, fan mwẹ ye otọ vbe obọ abakuru ẹkhokho!

Psalm 50:21

Wa ru avbe emwi na hia mẹ keghi hunwan kpọi wa keghi rhunmwuda ọnii gha ro wẹ, te imẹ yevbe uwa. Banbanna nian mẹ gu uwa gui nẹ I keghi rhan otọ ẹmwẹ nii ma uwa.

Psalm 80:16

Avbe eghian mwa mu erhẹn yọ, iran kevbe tọn ẹn gbotọ, ya ohu ghe iran, ne u fuẹn iran an.

Itan 5:21

E Nọyaẹnmwa bẹghe emwi ne u ru hia, ehe ne u a rhirhi la, ọ ghe ruẹ.

Asan-Ibo 12:14

Te Osanobua ra bu ohiẹn emwi hia ne ima ru, deghẹ ne ọ maa nọ ra ne ẹ i maa, ya sẹ egbe emwi ne a ru vbe ẹkhokho.

Jerimaia 16:17

I bẹghe emwi ne iran ru hia. Emwi okpa ma rhie egbe lẹre mẹ, orukhọ ne iran ru ma sẹtin rhie egbe lẹre ne aro mwẹ.

Jerimaia 2:22

Ọ gha khọn uwa, wa ya ye evbakhuẹ ne ọ ghi huan emwi sẹ khue te I gha ye bẹghe ehe ne abakuru uwa ya iruẹn yi.

Jerimaia 23:24

Orhiọnkpa ne ọ gha sẹtin lẹre ye ehe ne imẹ i ra na bẹghe ẹre i rrọọ. Wẹ ma rẹn ighe ehe hia ọ re imẹ ye vbe ẹrinmwi kevbe agbọn?

Ezikiẹl 8:12

Osanobua keghi nọ mwẹ wẹẹ, “U ma miẹn emwi ne avbe ekaolotu ivbi Izrẹl ru vbe ẹkhokho. Iran gha ga vbe ọgua ne ọvuọn ne avbe akobiẹ. Emwi ne iran wẹ ọ ya iran ru ẹe ọrọre wẹẹ, ‘E Nọyaẹnmwa ma degue ima, ọ fi iyeke gbe ẹvbo ima nẹ.’ ”

Levitikọs 4:23

Ọwarọkpa vbe a ghẹ ghi rhie orukhọ nii ma rẹn nẹ, ọ ghi ya mu ovbukhọ ne ẹ i mwẹ okan, rre do ya zọ ese.

Levitikọs 4:28

Ọwarọkpa vbe a ghẹ ghi wa rhie orukhọ nii ma rẹn nẹ, ọ ghi mu ẹwe amwẹ ne ẹ i mwẹ okan rre do ya zọ ese.

Ebe ne Pọl gbẹẹn gie emwa Rom 2:16

Zẹ vbene Iyẹn Ne ọ maa ne I kpe orhu ẹre kha re, erriọ ọre ọ khian gha ye vbe Ẹdẹnẹdẹrriọ, ne Osanobua gha la obọ Jesu Kristi bu ohiẹn iro ẹkhokho ni rre ekhọe emwa hia.

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

I Jọn 3:20

Rhunmwuda, deghẹ orhiọn mwa bu abe gbe mwa, ma rẹnrẹn wẹ Osanobua kpọlọ sẹ orhiọn mwa, rẹn vbe rẹn emwi hia.

Arhie Maan 20:12

I keghi bẹghe emwa ni wulo nẹ ke ni kpọlọ kevbe ni kanmwa, ehia mudia ye odaro ẹkete nii. Iran kegha we ebe, a keghi vbe we ebe ọvbehe, ebe emwa ni ma he wu. A keghi bu ohiẹn avbe eniwulo nẹ zẹ vbene emwi ne iran ru ue, zẹ vbene a gbẹn ọẹn ye ebe ni.