Psalm 90:4 - Edo Bible (E Baibol Ẹdo) Version 1996

⁴ Ikpẹdẹ arriaisẹn, te ọ yevbe ẹdẹ nodẹ, ne ọrhie gberra nẹ, zẹ vbe ovbi ẹghẹ kherhe, vbe asọn.

Psalm 90:4 ပူးပေါင်းရင်းမြစ်များ

Psalm 39:5

A miẹn vbene u ru ẹdẹ agbọn mwẹ kanmwa hẹ! Ẹdagbọn mwẹ i zẹdẹ mwẹ esa vba aro ruẹ. Vbẹmwata ọmwa nagbọn ma vbe sẹẹ, ẹhoho ne ọ rhie gberra khian.

Ẹksọdọs 14:24

Ẹdẹ ghi ra gbe, e Nọyaẹnmwa keghi ke uwu orre erhẹn kevbe okuku gbe aro ghe otọ ghe avbe ivbiyokuo Igipt, ọ na fian otighi fi ọbuohiẹn iran.

Matiu 14:25

Ọ ghi rre omwa ẹkpo ẹgogo eha ya sẹ ẹgogo enẹ vbe owiẹ, Jesu keghi nana uhunmwu amẹ bu iran gha dee.

Matiu 24:43

Wa yerre wẹẹ, akpawẹ ọdafẹn ne ọ yan owa rẹn ẹghẹ ne oyi gha ya rre, te ọ gha kọnvbe, ẹ i ghẹ gie oyi kpahiẹ la irẹn owa.

Iyẹn ne ọ Maan Ọghe Luk 12:38

Ọ gha ma ne iran gbe a deghẹ ọ rre vbe ogiasọn ra oghidian ọ na do vba ighe iran rre ọkhẹ.

II Pita 3:8

Sokpan wa ghẹ mianmian ẹmwẹ ọkpa na, wa ne ọse mwẹ ni ghaan wẹ, vbe aro Nọyaẹnmwa ẹdẹ ọkpa kevbe ukpo arriaisẹn, a lughaẹn ne egbe i rrọọ, ọkpa ọre iran eva khin vbe odaro ẹre.

Giọgis 7:19

E Gidiọn kevbe emwa rẹn keghi sẹ ọkpẹn agọ nii vbe ọ ke ekherhe ne a sẹ ogiasọn, vbe iran wa da fi emwa ni ba odẹ werriẹ. Iran keghi kpe okpe iran, iran keghi gbele avbe ovbiẹluba ne iran hẹ mwẹ uan.