Psalm 90:17 - Edo Bible (E Baibol Ẹdo) Version 1996

¹⁷ E Nọyaẹnmwa Osanobua mwa gie afiangbe ruẹ gha rre ima egbe gie emwi ne ima ru hia dunna ne ima.

Psalm 90:17 ပူးပေါင်းရင်းမြစ်များ

Job 22:28

Emwi ne u ru hia ghi dinna odẹ ne uẹn uwan mwẹ ghi gha wan ye odẹ ne u la.

Psalm 110:3

Ẹdẹ ne u gha gu avbe eghian ruẹn gbinna, emwa ruẹn gha tobọ iran la igbinna, zẹ vbe evbu owiẹ vbirrivbirri avbe igbama ruẹn gha bu ruẹ gha die uhunmwu oke ne ọ huanrẹn ni.

Psalm 118:25

Miẹn ima fan Nọyaẹnmwa miẹn ima fan! Gie ẹe dunna ne ima, Nọyaẹnmwa!

Psalm 27:4

Emwi ọkpa, ọ re imẹ nọ Nọyaẹnmwa re, emwi ọkpa ni ọ re I vbe ho, ne imẹ gha rre uwu owa e Nọyaẹnmwa ẹdẹdẹmwẹdẹ. Ne I gha ye ọyunnuan ghe iwinna rẹn, ne ọ gha ma mwẹ odẹ.

Psalm 50:2

E Nọyaẹnmwa wan uwanmwẹ, ke Zaiọn rre, ẹvbo nii ne osẹ gba na fo.

Psalm 68:28

Osanobua, rhie ẹtin ruẹn maa, ẹtin ni ne u ya gbinna ne ima.

Psalm 80:3

Viọ ima werriegbe gha dee, Osanobua, rhie itohan ruẹn ma mwa a gha vbe miẹn ima fan.

Psalm 80:7

Viọ ima werriegbe gha dee Osanobua Ne Oghodua rhie itohan ruẹn ma mwa a gha miẹn ima fan.

Itan 16:3

Rinmwian e Nọyaẹnmwa ne ọ yobọ ye emwamwa ruẹn, u gha ra ru ẹe, te ọ wa dunna nuẹn.

Aizaia 26:12

Nọyaẹnmwa, u gha gie agbọn ma mwa, emwi ne ima ru ne ọ dunna ne ima hia, emwi ne ọ ke uwu emwi ne uwẹ ru mẹ rre nọ.

I Kọrinti 3:7

Ke ne ọ kọe, kevbe ne ọ ghe amẹ khakhae ẹ i mobọ mwẹ esa, Osanobua ọrọre ne a kha, rhunmwuda rẹn ọre ọ ru ẹe ne emwiokọ na zọọ.

II Kọrinti 3:18

Ma hia fẹẹrẹ khekherriọ, ọre ọ rhie uyi Nọyaẹnmwa maa vbe aro ne a ma rhie emwi gue. Nene uyi ọkpa nii, ghi ke ehe ne Nọyaẹnmwa, ne ọre nene Orhiọn ye rre, do fi ima werriẹ khian vbene irẹn ye, vbe uyi ne ọ kpọlọ sẹ ọna ẹsẹse.

II Tẹsalonaika 2:16

Te Nọyaẹnmwa Jesu Kristi tobọ ẹre, kevbe Osanobua ne Erha mwa ne ọ ho ẹmwẹ mwa, ọ keghi vbe ke uwu ẹsọhẹ ọre rhie igiẹdu etẹbitẹ ne ima, deba idaehọ ne ọ maa.

I Jọn 3:2

Ọse mwẹ ni ghaan, ivbi Osanobua ọre ima ghi khin nian, sokpan ọ ma he vẹ ne a rẹn, emwi ne ima ra khian. Sokpan emwi ne ima rẹnrẹn ọrọre wẹ, Kristi gha ya egbe ladian nẹ, ma gha ye vbe ne irẹn ye, rhunmwuda, ma gha miẹn ọẹn vbene ọ wa ye zẹẹ.