Psalm 90:12 - Edo Bible (E Baibol Ẹdo) Version 1996

¹² Ma ima re, vbene ẹdagbọn mwa kanmwa sẹ hẹ ne ima miẹn ehe na gha mwẹ ẹwaẹn.

Psalm 90:12 ပူးပေါင်းရင်းမြစ်များ

Job 28:28

Osanobua keghi tama emwa nagbọn wẹẹ, ‘Deghẹ wa ho ne uwa gha wan, wa ghi gha ya ọghọ ne Nọyaẹnmwa. Ne uwa miẹn ehe na rẹn otọ emwi, te uwa gha fiwerriẹ hin ọkhọ rre.’ ”

Psalm 39:4

“Nọyaẹnmwa, vbe I a ra tọ sẹ hẹ yi? De ẹghẹ ne I gha ya wu? Tama mwẹ, vbene ẹdẹ uwu sikẹ otọe hẹ.”

Psalm 39:5

A miẹn vbene u ru ẹdẹ agbọn mwẹ kanmwa hẹ! Ẹdagbọn mwẹ i zẹdẹ mwẹ esa vba aro ruẹ. Vbẹmwata ọmwa nagbọn ma vbe sẹẹ, ẹhoho ne ọ rhie gberra khian.

Itan 16:16

Ọ maa sẹ ukhukhu uri ukhukhu ọgban ne a gha mwẹ ẹwaẹn kevbe irẹnmwi sẹ ne a gha mwẹ igoru kevbe esiliva.

Itan 22:17

Danmwehọ mwẹ, I gha ma ruẹn avbe ẹmwẹ eso ne avbe umẹwaẹn tae. U ghi ruẹ emwi ne iran ma ọmwa re.

Itan 23:12

Gha danmwehọ ọmwa ne ọ ma ruẹn emwi ne u ruẹ emwi hia ne u gha sẹtin ruẹ.

Itan 23:23

Emwata, ẹwaẹn, iruẹemwi, kevbe ẹwaẹn esi, ehia wa sẹ ne a ha osa yi, sokpan, emwi ighobioye ne ọ ma kei ne a khiẹn nọ.

Itan 4:5

Gha mwẹ ẹwaẹn kevbe a ghe umian emwi! Ghẹ mianmian, ra ne u fi iyeke gbe ẹmwẹ ne I tae.

Itan 4:7

Ne a gha mwẹ ẹwaẹn ọrọre emwi kpataki ne ọ sẹre ne u gha ru, emwi ọvbehe hia ne ọ khọn ruẹn ne u gha mwẹ, vbe gha mwẹ a sẹtin ghe umian emwi ba ẹre.

Asan-Ibo 7:2

Ọ kere ne a gha rrie owa ne a na khiẹ sẹẹ ne a gha rrie owa ne a na tie ẹbu eghọ, rhunmwuda, te ọ kere ne emwa ni rre agbọn gha ye egbe iran ẹre rre wẹ, uwu diakhẹ dọmwadẹ ọghọe.

Asan-Ibo 9:10

Mu aro ye iwinna ne u a rhirhi a gha winna rhunmwuda, a gha rrie a i wua nẹ, a i ghi ru emwi rhọkpa, iro i ghi rrọ, irẹnmwi i ghi rrọ, ẹwaẹn i ghi rrọ, ehe ne uwẹ rrie ọ re onii khin.

Iyẹn ne ọ Maan Ọghe Jọn 9:4

Te imẹ gha winna iwinna ọmwa ne ọ gie mwẹ vbe ẹdẹ ma he mu, ebiebi gha he so vbe nẹ ọmwaikọmwa i ghi ra na sẹtin winna.

Diuteronomi 32:29

Iran ma sẹtin rẹn emwi ne ọ gie obọ ke okhunmwu ne iran, iran ma sẹtin rẹn otọ emwi ni sunu.