Psalm 90:10 - Edo Bible (E Baibol Ẹdo) Version 1996

¹⁰ Ukpo ekigbesiyenẹ ọre ima mwẹ, deghẹ ma wegbe ọ ghi sẹ iyenẹ Sevba, akhiẹ kevbe ibaro ẹre iran rhie gie ọmwa; vbe ọ ma he kpẹe, ẹdagbọn mwa gberra, ma ghi gha rriẹ.

Psalm 90:10 ပူးပေါင်းရင်းမြစ်များ

Gẹnẹsis 47:9

E Jekọb keghi wanniẹn wẹẹ, “Ukpo ọgban yan iyisẹn ọre i he ya zozo. Avbe ukpo na keghi re ni i bun sokpan ọ kegha re ọghe ọlọghọmwa, ọ ma zẹdẹ yevbe avbe ukpo ne avbe erha mwẹ ya zozo.”

Gẹnẹsis 6:3

Ẹre Nọyaẹnmwa na kha wẹẹ, “I i ghi kue ne emwa wa gha rre agbọn ẹdẹdẹmwẹdẹ rhunmwuda emwi ne ọ sẹtin wu ọre iran khin. Ke eban kpao iran i ghi ra gha ya gberra ukpo iyehan (120) vbe agbọn.”

II Samuẹl 19:35

Ukpo iyenẹ ọ re I ye na, emwi ọkpa ne ọ ghi gbe mwẹ otiti, ẹ i ghi rrọọ kevbe emwi ne I re kevbe ne I da, ne I ghi rẹn emwi ne ọ khọe vbe unu ẹ ghi rrọ, I i ghi vbe họn vbe otu ni so ihuan a gha so ihuan. Ihẹ kẹkan ọ re I khian gha khin nuẹn Umogun.

II Samuẹl 19:36

Ẹse ne a san ọmwa ẹre vberriọ, ma khẹ ke mwẹ. Rhunmwuda ọnii, I gha sẹ uẹ gberra e Jọdan kherhe.

I Ọba 1:1

Te Devid ne ọba ghi khian ọmaẹn ẹsẹse, egbe ẹre i ghi sẹtin mwẹ ọghae, a gha rhe wẹ te a ya ye ukpọn ni mwẹ imi hin ẹnrẹn egbe.

Job 14:10

Sokpan, ọmwa gha wu, ọghọe wa fo ye evba. Ọ wu nẹ, rẹn ghi ye vbọ nian?

Job 20:8

Te a ra ho ẹre bẹkun vbe imina zẹ vbe umian ne a miẹn vbe asọn. A i ghi dọlegbe miẹn ọẹn ọvbehe.

Job 24:24

Agbọn ghi gha maa ọmwa dan vbe ovbi ẹghẹ kherhe, sokpan, banbanna, ọ ghi luẹluẹ ua vbe irunmwu. Zẹ vbe ukhu emwi okọ ne a fian gbotọ.

Job 5:7

Ẹn o! Ọmwa ọ re ọ si ẹti ye egbe ẹre urhu, vbene ogiọnmwẹ erhẹn kpannọ ke uwu erhẹn ladian.

Psalm 78:39

Ọ yerre wẹ emwa ni sẹtin wulo iran khin, zẹ vbe ẹhoho ne ọ hoho gberra, a ghi ho ẹre bẹkun.

Aizaia 38:12

A te fian agbọn mwẹ fua, ọ te sẹ ufomwẹ zẹ vbe owa ukpọn ne a siẹn kua zẹ vbe ukpọn ne a fian hin ido rre. I te gha ro ighẹ te Osanobua rhie ufomwẹ ye ẹdẹ mwẹ.

Iyẹn ne ọ Maan Ọghe Luk 12:20

Sokpan Osanobua tama rẹn wẹẹ, ‘Wẹ ne akpa! Asọn na, a gha miẹn ruẹn orhiọn ruẹn. De ọmwa ne ọ ghẹ ghi yan ekhuan ne u khuan ye otọ ne egbe uẹ na.’ ”

Diuteronomi 34:7

Ukpo iyehan ọ re Mosis gha ye vbe ọ wu, te ọ ye wegbe vbene ọ ye, aro ẹre ke wa ye maa.

Jems 4:14

Wa ma he rẹn vbene ẹdẹ agbọn uwa gha ye hẹ akhuẹ. Rhunmwuda, te uwu ye vbe ighogho amẹ ne ragha ragha, ne ọ rhie egbe ma vbe ẹghẹ kherhe, a ghi ho ẹre bẹkun.

Jọsua 14:11

Te I wa ye wegbe ẹrẹna zẹ vbene I gha ye ẹghẹ ne Mosis na gie mwẹ gha khian. Te I ye wegbe sẹ ne ọ gha sẹtin yo okuo kevbe emwikemwi ọvbehe ne I gha ru.