Psalm 9:9 - Edo Bible (E Baibol Ẹdo) Version 1996

⁹ E Nọyaẹnmwa ọrọre ehe ne iran na khu khian lẹ fi ehe ne ẹbe i ye vbe ẹghẹ ọlọghọmwa.

Psalm 9:9 ပူးပေါင်းရင်းမြစ်များ

I Krọnikol 16:33

Erhan ne oha hia gha davan ne oghọghọ vbe odaro e Nọyaẹnmwa, vbe ọ gha rre do rriọba yan agbọn.

Psalm 108:12

Yi ma obọ gu avbe eghian khọn ma, kẹkan ọre iyobọ ọmwa nagbọn khin.

Psalm 142:4

I gha ghe lẹga egbe mwẹ, I ghi miẹn wẹ, ọmwa ne ọ gha yọmwẹ obọ i rrọọ, ọmwa rhọkpa i zẹ yọmwẹ re.

Psalm 18:2

Nọyaẹnmwa ọrọre ne ọ degue mwẹ, rẹn ọrọre owa ọkhẹ mwẹ ne ọ wegbe. Osanobua mwẹ ọrọre ne ọ rhie mwẹ lẹre I gha rre ehe ne ọ ye, ẹbe ighi rrọ mẹ. Ọ degue mwẹ zẹ vbe asa. Ọ gbinna mẹ, ọ keghi wan ẹbe yo mẹ.

Psalm 20:1

Te Nọyaẹnmwa gha họn urhu ruẹ vbe ẹdẹ ibaro. Te Osanobua Jekọb gha de gue ruẹ.

Psalm 32:7

Wẹ ọrọre ehe ne I lẹre yi, u gha fan mwẹ vbe obọ ọlọghọmwa I mu ẹmwẹ imiẹnfan ruẹn go rhunmwuda, wẹ ọ re ọ degue mwẹ.

Psalm 37:39

E Nọyaẹnmwa ọ re ọ miẹn ẹmwata fan ọ ghi degue iran vbe ẹghẹ orueghe.

Psalm 46:1

Osanobua ọrọre ugue kevbe ẹtin mwa, ọ mu egbe vbe ẹghẹ hia ne ọ ya ru iyobọ vbe ẹghẹ ukpokpo.

Psalm 46:7

E Nọyaẹnmwa ne Oghodua gu ima rrọọ Osanobua Jekọb ọrọre ugue ne ima.

Psalm 48:3

Osanobua rhiema nẹ wẹ rẹn sẹe ne a lẹ gbinna vbe uwu ehe ne a gbe odin lẹga ọghe ẹvbo nọkhua nii.

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Psalm 62:8

Wa ne emwa mwẹ, wa mu ẹtin yan Osanobua vbe ẹghẹ hia, wa ta enegbe uwa hia ma rẹn, rhunmwuda rẹn ọrọre ugue ne ima.

Psalm 67:5

Gie emwa hia gha rho ruẹ Osanobua gie emwa hia gha rho ruẹ.

Psalm 7:9

Osanobua ẹmwata ọ re uwẹ khin, wẹ keghi vbe bu ohiẹn iro ne ima zẹ, kevbe emwi ne ima ho. Dobọ emwi dan avbe emwa dan yi. Ne u vbe san avbe emwa esi ẹse.

Psalm 96:10

Wa tama agbọn ẹvbo hia wẹẹ, “E Nọyaẹnmwa ọrọre ọba! A mu agbọn na uhe sẹ otọ nẹ gbain vbe ihe ẹre, ai ghi sẹtin werriẹ ọe, ọ gha ye ẹmwata bu ohiẹn avbe emwa nii.”

Psalm 98:9

Rhunmwuda, ọ dee ra do kha yan agbọn, rẹn gha kha yan emwa ni rre agbọn na vbe ẹmwata kevbe a i ghe ikpanro.

Itan 18:10

Te Nọyaẹnmwa ye vbe owa ọkhẹ ne ọ wegbe, ehe ne emwa esi gha lẹ fi, iran ghi vbe miẹn uhunmwu.

Aizaia 32:2

Dọmwadẹ ọghọe vbe uwu iran ghi yevbe ehe ne a lẹre yi vbe ẹhoho a gha hoho, kevbe ehe ne a lẹ fi vbe ẹghẹ okpẹhoho. Iran gha yevbe ẹzẹ ni lẹ vbe uwu ato, zẹ vbe aghọnghọn okuta nọkhua vbe otọe ne o dihoi rua.

Aizaia 8:14

Rhunmwuda uhuanmwẹ ugborrirri mwẹ, te imẹ ghi ye vbe okuta ne emwa na rrua owẹ. Te I ye vbe ifi ne ọ ra munọ emwa arriọba e Juda kevbe Izrẹl, kevbe emwa ni rre Jerusalẹm.

Nahum 1:7

E Nọyaẹnmwa wa maa ọ degue avbe emwa rẹn vbe ẹghẹ ibaro; ọ gbe aro ghe iran ni lẹ bu ẹre rre.

Iyẹn ne ọ Maan Ọghe Luk 13:34

“Eu! Jerusalẹm, Jerusalẹm! Wẹ ne ọ gbele avbe akhasẹ kevbe avbe odibo ne Osanobua gie ẹre uhunmwu bu ruẹ gha dee! Inu igba I he te gha ho ne I tan ifuẹn mwẹ ga emwa ruẹn vbe ne iye ọkhọkhọ tan ifuẹn gue ivbi ẹre, sokpan u ma kue.

Diuteronomi 33:27

Osanobua ọ re ne ọmiẹguan ne uwa de ẹdẹ ekuabọ etẹbitẹ ọ re, ẹre ọ da uwa yi. Ọ keghi khulo eghian uwa ladian vbene uwa ya sikẹ odaro. Ọ wẹ ne uwa wa dunmwu ehia a fẹẹrẹ.

Hibru 6:18

Rhunmwuda ọnii khekherriọ, emwi eva na ọre ọ rrọọ ne ẹ i sẹtin fiwerriẹ, kevbe vbe ekpa ne Osanobua i na sẹtin ta ohoghe. Rhunmwuda ọnii, te ọna rhie igiẹdu ne ima ni lẹ fe ye ehe ne ọ ye nẹ, ne ima da ẹe yi gbain ighẹ idaehọ ne a rhie ima aro yi.