Psalm 9:6 - Edo Bible (E Baibol Ẹdo) Version 1996

⁶ Avbe eghian mwa gbẹro nẹ ẹdẹdẹmwẹdẹ. U fuẹn ẹvbo iran an nẹ, a mianmian iran nẹ fẹẹrẹ.

Psalm 9:6 ပူးပေါင်းရင်းမြစ်များ

II Ọba 19:25

Wẹ ma he ka họn ighẹ ọ kpẹre ne I ghi mwamwa avbe emwi na ye otọ gha dee, ighẹ te I ghi do mu ẹẹn sẹ na? I rhie ẹtin ne uẹn ne u ya ye avbe ẹvbo ne a gbe odin gaa khian otiku emwi ni rẹnkhẹn uan.

Job 18:17

Usi ẹre fo vbe owa kevbe isi, a ma miẹn ne ọ ghi ye ẹre rre ọvbehe.

Psalm 34:16

Sokpan, ọ mu aro da iran ni ru emwi dan, sẹrriọ wẹ, iran gha wu, banbanna a mianmian iran nẹ.

Psalm 34:17

Ẹmwata gha kpe tie Nọyaẹnmwa, ọ ghi vbe miẹn iran fan, vbe uwu ọlọghọmwa iran hia.

Psalm 46:9

Ọ dobọ okuo yi vbe uhunmwu otọ agbọn hia ọ bunnọ avbe uhanbọ ọ vbiolo avbe asoro ọ keghi vbe giẹn avbe asa a vbe erhẹn.

Psalm 7:5

gie eghian mwẹ khu mwẹ ne obọ iran vbe vba mwẹ. Gie iran rhie mwẹ fianmwẹ otọ, ne iran gbe mwẹ uan, ne iran vbe sẹ ikun mwẹ rae ye evba.

Psalm 8:2

Avbe ibiẹka kevbe avbe emobọ hia, ya ẹe so ihuan. Wẹ gbe ẹkun sẹ otọ, u kevbe rrọ vbe ai mwẹ ẹbe, vbe obọ avbe eghian ruẹn hia. Wẹ da iran obọ yi, ighe iran ni mu aro igbinna da ruẹ.

Ẹksọdọs 14:13

E Mosis keghi wanniẹn tama emwa nii wẹẹ, “Wa ghẹ fian afianma. Wa mudia gbain ne uwa gha ghe emwi ne Nọyaẹnmwa gha ru ya miẹn uwa fan ẹrẹna; ivbi Igipt ne uwa miẹn ẹrẹna, wa i ghi ra dọlegbe miẹn iran ọvbehe.

Ẹksọdọs 15:16

Ohan kevbe orrirri hẹ rhu iran. Iran gualọ ẹtin ruẹn, izegbe zẹ iran zẹ vbe okuta, avbe emwa ruẹn te do gberra, avbe emwa ruẹn ne u dẹe ke ọviẹn ladian.

Aizaia 14:17

Ọmwa nii ne ọ guọghọ avbe okpẹvbo ua ọ re ọ na khin ra, ọ na ya otọe agbọn khian otọe ne ọ gbe ẹvbi. Ọmwa nii ne ẹ i fannọ oleghan rẹn kua ra ne ọ gie iran gha rrie owa ọ re ọna khin ra?’

Aizaia 26:14

Banbanna nian, iran wulo nẹ, iran ighi dọlegbe di agbọn na ya ọvbehe, orhiọn iran i ra vbe rhiọrre, rhunmwuda, te uwẹ rrii iran oya u keghi fuẹn iran an. Ọmwa rhọkpa i ghi ye iran rre ọvbehe.

Aizaia 37:26

“Wẹ ma he họn ra ighẹ mẹ ọ re ọ mwamwa emwi na hia ke ẹghẹ ne ọ kpẹre gha dee? Banbanna nian, te I ghi do mu ẹẹn sẹ. Mẹ ọ re ọ rhie ẹtin ne uẹn ne u ya ye ẹvbo ne a gba odin gaa khian otiku emwirhiae.

Jerimaia 51:25

E Babilọn, te u yevbe oke ne ọ fuẹn uhunmwu otọ agbọn hia, sokpan, mẹ ne Nọyaẹnmwa, oghian ruẹn ọ re imẹ khin. I gha dobọ mu ẹẹn, I ghi guoghọ ọ sẹ otọ, I ghi ya uwẹ khian emuẹn.

Maika 7:10

Ẹghẹ nii, avbe eghian mwa gha miẹn ọẹn, efaa ghi rruan avbe eghian nii ni ye ima gbe ogie wẹẹ, “E Nọyaẹnmwa ne Osanobua uwa vboo?” Aro mwa gha sẹ ọe vbe a gha khọn miẹn iran otọ, a gha ya owẹ rrilo iran mu otọ zẹ vbe ọrho vbe adesẹ ore.

Maika 7:8

Emwi ne ọ gha zẹ ne eghian mwa gha na gha gbe ọvẹ yan mwa i rrọọ. Ma dele nẹ, sokpan, ma gha vbe kpaegbe. Uwu ebiebi ma ye na, sokpan Osanobua gha rhie uwanmwẹ ne ima.

I Kọrinti 15:26

Oghian ne okiekie ne a gha fuẹn ruan ọrọre uwu.

Arhie Maan 20:2

Ọ keghi gua Ugbogiorinmwi nii rhie, nene ẹyẹn nẹkporriọ ne a tie ẹre Esu ra Setan, ọ keghi mu ẹn gba la ukpo arriaisẹn.

I Samuẹl 30:1

E Devid kevbe emwa rẹn keghi do sẹ Ziklag vbe iyeke ikpẹdẹ eva. Ivbi Amẹlẹk kegha khọn odẹ ekẹn ọghe Juda, iran na vbe do sẹ Ziklag. Iran keghi wa giẹn ẹvbo nii sẹ otọ.

I Samuẹl 31:7

Ivbi Izrẹl ni rre obọ nọkpa ọghe Iya Jezrẹl kevbe odẹ ahọ Ẹzẹ Jọdan ghi miẹn wẹ ivbiyokuo Izrẹl lẹkua kevbe, wẹ a gbele Sọl kevbe avbe ivbi ẹre, iran keghi sẹ ẹvbo iran rae, iran na lẹkua. Avbe ivbi e Filistin keghi rre iran na do yin avbe ẹvbo nii.