Psalm 9:20 - Edo Bible (E Baibol Ẹdo) Version 1996

²⁰ Runran iran Nọyaẹnmwa, gie iran rẹn wẹẹ, emwa ne ọ sẹtin wu kẹkan ọ re iran khin.

Psalm 9:20 ပူးပေါင်းရင်းမြစ်များ

II Krọnikol 14:10

Asa keghi ladian ne ọ ya gu ẹe gbinna, iran eveva keghi ghae ye okuọ vbe Iya Zẹfata ne ọ rre ọkpẹn Maresia.

Psalm 3:8

Ọghe Nọyaẹnmwa ọ re akhọnmiotọ ke rre. Te ọ gha fiangbe emwa rẹn.

Psalm 62:9

Te emwa yevbe uhiọnrọnmwẹ ihue, ke ne ọ kpọlọ kevbe ne ọ kanmwa, kẹkan ehia khin. Mu iran ye omwa iran i si uwan rhọkpa iran hogha sẹ uhiọnrọnmwẹ kẹkan.

Psalm 76:12

Osanobua ru ẹe ne emwa gha mu ohan irẹn ọ munọ iran ni tọn egbe mu rriotọ ọ keghi vbe runran avbe ọba nekhua.

Ẹksọdọs 15:16

Ohan kevbe orrirri hẹ rhu iran. Iran gualọ ẹtin ruẹn, izegbe zẹ iran zẹ vbe okuta, avbe emwa ruẹn te do gberra, avbe emwa ruẹn ne u dẹe ke ọviẹn ladian.

Ẹksọdọs 23:27

I gha gie afianma mwẹ gha fian iran ni mu aro igbinna da uwa, I ghi fian otighi fi emwa ne uwa gu gbinna egbe, I ghi vbe gie avbe eghian uwa fi iyeke werriẹ ne iran le hin odaro uwa rre.

Aizaia 31:3

Avbe ivbi Igipt i re ẹrinmwi, emwa kẹkan ọ re iran khin. Ẹsin iran ivbi re ni ke ẹrinmwi rre. Ẹghẹ ne Nọyaẹnmwa gha na guan yọ, ẹvbo ne ọ wegbe nii gha de guọghọ ua, ẹvbo ne ọ ma wegbe ne irẹn te yọre obọ ghi de. A gha fuẹn iran eveva a.

Jerimaia 32:40

I gha gu iran ta ile etẹbitẹ. Mẹ i ra dobọ emwi esi ne a ru ne iran yi ẹdẹdẹmwẹdẹ, I gha vbe ru ẹe ne iran ya ekhọe iran hia gha mu ohan mwẹ, ne iran ghẹ ghi fi iyeke gbe mwẹ ẹdẹ.

Ezikiẹl 28:2

“Ovbi ọmwa, tama ọba e Taia ẹmwẹ ne imẹ ne Nọyaẹnmwa ne Udazi tama rẹn wẹ; u gha ye uhiomwẹ tọn ifuẹn mu, u na gha kha wẹ ẹbọ ọ re uwẹ tobọ ruẹ khin. U khare wẹ te uwẹ tota ye ẹkete zẹ vbe ẹbọ vbene avbe okun na lẹga ruẹ. U sẹtin gha ye egbe ta avbe ẹbọ, sokpan ọmwa ne ọ sẹtin wu kẹkan ọ re u khin, u i vbe mwẹ akpa ẹbọ rhọkpa.

Ezikiẹl 28:9

U gha ghi mudia ye odaro avbe iran ni ra gbe uẹ ua nẹ, u ghi do gha re ọmwa ne ọ sẹtin wu, u i ghi re ẹbọ hiehiere.

Ezikiẹl 30:13

E Nọyaẹnmwa ne Udazi khare wẹẹ, “I gha guọghọe rua ighe avbe amazẹ kevbe avbe ẹbọ ohoghe ni rre Mẹmfis. A i ghi ra miẹn ọmwa ne ọ gha khaemwisẹ yan Igipt, I gha vbe runran avbe emwa nii hia.

Diuteronomi 2:25

Ẹre na, I gha suẹn gha ya ohan uwa mu emwa vbe ehehia. A gha so eni uwa, emwa hia ghi gha guọ zẹzẹzẹ ba ẹmwẹ ohan.’