Psalm 9:2 - Edo Bible (E Baibol Ẹdo) Version 1996

² I gha ya oghọghọ so ihuan rhunmwuda ruẹ. I gha so ihuan urhomwẹ ghe ruẹ Osanobua ne Udazi.

Psalm 9:2 ပူးပေါင်းရင်းမြစ်များ

Psalm 138:1

Ekhọekekhọe mwẹ hia, ọ re I ya kpọnmwẹ ọn Nọyaẹnmwa, mẹ so ihuan rho ruẹ, sirra avbe iran ne ẹbọ.

Psalm 26:7

Mẹ so ihuan ekpọnmwẹ I ghi vbe na iyẹn iwinna ọyunnuan ruẹn hia.

Psalm 27:6

Erriọ ọ re I gha na khọnmiotọ vbe uhunmwu avbe eghian mwẹ ni lẹga mwẹ. I gha ya urhu oghọghọ ne ọ la zọ ese vbe uwu Ọgua Osa ẹre. I gha so ihuan, I gha rho e Nọyaẹnmwa.

Psalm 28:7

E Nọyaẹnmwa degue mwẹ, ọ vbe gbinna mẹ I mu ẹtin yan rẹn. Ọ yọmwẹ obọ, ọ keghi ya ọyẹnmwẹ sẹ mwẹ, I gha so ihuan oghọghọ rho ẹre.

Psalm 43:4

Ẹghẹ nii, mẹ gha na gha rriẹ Ogiukpo ruẹ Osanobua wẹ ọrọre ẹzi oghọghọ mwẹ. I gha kpe akpata mwẹ I ghi vbe gha so ihuan urhomwẹ ghe ruẹ Osanobua, Osanobua mwẹ.

Psalm 5:11

Sokpan iran hia ne uwẹ degue gha ghọghọ. Iran gha sẹtin gha so ihuan oghọghọ vbe ẹghẹ hia. Degue iran hia ni ho ẹmwẹ ruẹn; rhunmwuda ruẹ ọ re iran na ghọghọ oghọghọ ẹmwata.

Psalm 7:17

I kpọnmwẹ e Nọyaẹnmwa ye ohiẹn ẹmwata ne ọ bu. I so ihuan urhomwẹ ghe Nọyaẹnmwa, ne ọ re Ne ọ yo sẹẹ Ehia.

Psalm 83:18

Te iran gha rẹn wẹ wẹ ọkpa ọrọre Nọyaẹnmwa, ne ọ khaemwisẹ yan emwi hia, ni rre otọ agbọn.

Psalm 86:12

I gha ya ekhọe mwẹ hia rho ruẹ Nọyaẹnmwa Osanobua mwẹ I gha na iyẹn ukpọlọmwẹ ruẹn ẹdẹdẹmwẹdẹ.

Psalm 92:1

U miẹn vbene ọ maa hẹ ne a rhie ekpọnmwẹ ne uẹn Nọyaẹnmwa ne a so ihuan uyi ruẹ, Osanobua ne ọ yo sẹẹ Ehia.

Psalm 92:4

Iwinna ruẹn nekhua ya ẹko rhiẹnrhiẹn mwẹ Nọyaẹnmwa mẹ so ihuan oghọghọ rhunmwuda iwinna ne u winnaẹn.

Psalm 96:3

Wa na iyẹn uyi ẹre ma avbe uhunmwu ẹvbo, iwinna ọyunnuan rẹn ma emwa hia.

Psalm 97:12

Wa gha ghọghọ, wa ne ẹmwata hia; rhunmwuda iwinna ne Nọyaẹnmwa winnaẹn! Wa ye iwinna ne Osanobua ne ọ huanẹn winna ẹn rre, ne uwa vbe gha kpọnmwẹ ọẹn.

Psalm 97:9

E Nọyaẹnmwa ne Oghodua wẹ ọ re ọ khaemwisẹ yan agbọn na hia; wẹ kpọlọ sẹ avbe ẹbọ hia, ẹsẹsẹmwẹse.

Daniẹl 5:18

“Osanobua ne ọ Sẹehia ọ re ọ maa erha a ọba ighe Nebukiadneza, ọba nọkhua, ọ keghi vbe rhie ọghọ vbe ẹtin ne ẹẹn.

Filipai 4:4

Wa gha ghọghọ vbe uwu Nọyaẹnmwa, I vbe dọlọ ta ẹe, wa gha ghọghọ.