Psalm 9:13 - Edo Bible (E Baibol Ẹdo) Version 1996

¹³ Tohan mwẹ Nọyaẹnmwa. Ghe ọlọghọmwa ne avbe eghian mwẹ si yọmwẹ egbe. Fan mwẹ ye otọ vbe obọ uwu, Nọyaẹnmwa

Psalm 9:13 ပူးပေါင်းရင်းမြစ်များ

Gẹnẹsis 4:10

E Nọyaẹnmwa ke kha wẹẹ, “Vbọzẹ ne u na ru emwi ne ọ muohan na yi? Esagiẹn ọtuẹn wa tu ma mwẹ ke uwe otọ gha dee zẹ vbe urhu ne ọ ho ne a rria ikhi.

Gẹnẹsis 4:9

Nọyaẹnmwa ke nọ e Keni wẹẹ, “Ọtuẹn nokpia ighẹ Ebẹl vbo?” Rẹn ke wanniẹn wẹẹ, “I ma rẹn. Mẹ ọre a wẹ ne ọ gha gbearoghe ọtẹn mwẹ ra?”

I Ọba 21:19

U ghi tama rẹn wẹ mẹ ne Nọyaẹnmwa ọ re ọ tama rẹn wẹẹ, ‘U gbe ọmwa ran nẹ, te u ghi ra vbe rri ọ re ukhu ra? Tama rẹn wẹ vbenian ọre I khare. Ehe ne avbe ekita na lalọ esagiẹn e Nabot, evba dandaandan iran gha na vbe lalọ ọwuẹ!’ ”

II Ọba 9:26

‘I miẹn vbene a gbele Nabot kevbe ivbi ẹre hẹẹ nodẹ, ẹre I na yan wẹẹ, I gha rri uwẹ oya vbe emwa na, vbe uwu nene ogba na!’ ” E Jehu keghi tama ọkpọmwa rẹn wẹẹ, “Rhunmwuda ọnii nian, mu ikun e Joram, ne u fi ẹe fi uwu ogba e Nabot, ne u miẹn ehe na mu eyan e Nọyaẹnmwa sẹ.”

II Krọnikol 24:22

Ọba keghi mianmian ugamwẹ vbene Jehoiada ne erha Zẹkaraia ya ekhọe hia gae hẹ, ọ na gbe Zẹkaraia a. Ugbẹn vbe Zẹkaraia ghi ra wu, ọ keghi datu wẹẹ, “Te Nọyaẹnmwa gha bẹghe emwi ne u ru na ne ọ rria ruẹ ikhi yọ.”

Nehimaia 9:32

“Osanobua, Osanobua mwa, a miẹn vbe u kpọlọ hẹ! ugborrirri ne ọ mwẹ ẹtin eyan ne u yan rẹn hia, u keghi ya ẹkoata mu ẹẹn sẹ ke ẹghẹ ne avbe ọba Asiria ya gha zẹ ima owẹ gha dee uhin do sẹ wanwanna, a miẹn oya ne ima he re. Avbe ọba mwa, avbe ọkaolotu, avbe ohẹn mwa kevbe avbe akhasẹ avbe erha mwa odede, kevbe emwa ima hia, ehia rri oya. Yerre vbene ima he rri oya sẹhẹ!

Psalm 10:12

E Nọyaẹnmwa, rri avbe emwa dan na oya. Ye avbe emwa ne oya re rre.

Psalm 107:18

Ẹmwẹ evbare ma gie iran ya rẹn enegbe, iran keghi sikẹ uwu.

Psalm 119:132

Werriegbe ghe mwẹ, ne u tohan mwẹ, zẹ vbene u ru ghe iran ni ho ẹmwẹ ruẹn hia.

Psalm 119:153

Ghe usẹ ne ọ sẹ mwẹ ne u miẹn mwẹ fan, rhunmwuda, mẹ ma yangbe uhi ruẹ.

Psalm 12:6

Ne ọ gia mu ẹtin yan, ọ re eyan e Nọyaẹnmwa khin. Emwi ọmwata ọ re iran khin zẹ vbe esiliva ne a ya erhẹn kpe igba ihinrọn

Psalm 13:3

Tọn aro mu ghe mwẹ Nọyaẹnmwa. Ne u zẹ ẹmwẹ wanniẹn mwẹ. Rhie orhiọn mwẹ werriegbe ye ihe; ghẹ gun mwẹ wu.

Psalm 142:6

Rhie ehọ ye eve ne I viẹ ya nọ iyobọ, isonrhiọn i ghi rrọ mwẹ re hiehiere. Miẹn mwẹ fan hin obọ avbe eghian mwẹ rre, iran wegbe sẹ mwẹ gbe.

Psalm 25:19

Ghe vbene eghian ne I mwẹ bun hẹ, ghe vbene iran vbe khuiwu mwẹ hẹ.

Psalm 30:3

u fan mwẹ vbe obọ idin. I te khian rriẹ ne vuun nẹ vbe uwu otọ u keghi dọlegbe rhie arrọ mwẹ mẹ.

Psalm 38:19

Egbe rran avbe eghian mwẹ iran vbe wegbe, iran ni khuiwu mwẹ vbe nẹi na mwẹ otọ wa bun.

Psalm 51:1

Tohan mwẹ Osanobua rhunmwuda ahoẹmwọmwa ruẹn ne ẹ i beghe rhunmwuda itohan ruẹn ne ọ kpolo khiẹn orukhọ mwẹ nibun hin rre.

Psalm 56:13

Rhunmwuda u wọlọ mwẹ ladian vbe uwu uwu u ma gie obọ gba mwẹ rhunmwuda ọnii ọ re imẹ na khian vbe odaro Osanobua vbe uwu uwanmwẹ ne ọ wan mu emwa ni rre agbọn.

Psalm 86:13

U miẹn vbe ahoẹmwọmwa ruẹn ne ẹ i beghe kpọlọ ghe mwẹ hẹ! U yuo mwẹ hin idin tobọ ẹre rre.

Aizaia 38:10

I te gha ro wẹ vbe ẹghẹ ne agbọn na wa ma mwẹ na te I ghi rrie agbọn iran ni wulo nẹ ne I ghẹ lo ẹdẹ mwẹ hia ne a rhie mẹ.

Eve Orriara 1:11

Emwa rẹn kegha khiẹkhiẹ egbe vbe iran gualọ evbare ne iran gha re; iran ya emwi ẹfe iran rọ evbare ne iran ya da orhiọn yi ye agbọn. Ore ẹvbo keghi datu wẹẹ, “E Nọyaẹnmwa u ghe mwẹ, u ghe usẹ ne I ye.”

Eve Orriara 1:9

Te a wa rherhe rẹn wẹ ọ ma huan sokpan, rẹn ma zẹ ye emwi ne ọ sunu vbe egbe irẹn. Udemwẹ ọnrẹn kegha re ne ọ mu ohan; ọmwa ne ọ gha sẹtin fu ẹre ẹko rre i rrọọ. Obọ avbe eghian gba ẹre nẹ, Te ọ ghi tu nọ itohan vbe obọ e Nọyaẹnmwa.

Iyẹn ne ọ Maan Ọghe Jọn 2:6

Avbe Ju ru emwi ọkpa, iran mwẹ vbene iran lele ọba kpe emwi hia hẹ. Iran keghi rhunmwuda ọnii viọ akhe amẹ ne a ya okuta ma ye evba, ọkpọkpa vbọ gha sẹtin gua egalọn ugie ya sẹ ọgban.