Psalm 9:12 - Edo Bible (E Baibol Ẹdo) Version 1996

¹² Osanobua ye iran ne usẹ sẹ rre, ẹi vbe mianmian utumwẹ iran, ọ vbe rri iran oya ighe iran ni fidọn ghe iran.

Psalm 9:12 ပူးပေါင်းရင်းမြစ်များ

Gẹnẹsis 9:5

A deghẹ ọmwaikọmwa gbe ọmwa, uwu ọre I ra ya rria ẹre ikhi. Aranmwẹ ne ọ rhirhi gbe ọmwa, I gha fuọn ruan, I gha vbe rri ọre oya ighẹ ọmwaikọmwa ne ọ de ihua re izigha.

II Ọba 24:4

kpataki, rhunmwuda emwa ni ma rukhọ ne ọ gbele, ọnii ma gie Nọyaẹnmwa yabọ e Manasẹ.

Psalm 10:14

Sokpan, wẹ bẹghe ẹre, wẹ vbe zẹ ye ọlọghọmwa kevbe oya ne emwa re, u vbe mu egbe ne u ya ru iyobọ ẹghẹ hia. Wẹ, ọ re ọmwa ne ne ẹi mwẹ iyobọ lẹgbinna, wẹ ọ re ọ ye ne ẹi mwẹ iyobọ obọ, ke otọ gha dee.

Psalm 10:17

E Nọyaẹnmwa, wẹ gha họn erhunmwu avbe ọmẹhẹ, u gha rhie igiẹdu ne iran.

Psalm 102:17

Ọ gha họn ọghe emwa rẹn ne ọ sẹrae, ọ gha danmwehọ erhunmwu iran.

Psalm 132:13

E Nọyaẹnmwa hannọ e Zaiọn zẹ nẹ, ọ ho ne ọ ya ẹe ru owa ẹre,

Psalm 22:24

Rẹn i mianmian ivbiogue, ra ne ọ fi aro a vbe iran rri oya, ẹi vbe fi iyeke gbe iran, sokpan, iran gha nọ iyobọ, ọ ghi khuẹnniẹn.”

Psalm 34:6

Iran ne ẹtin fo nẹ kpe tie ẹre, ọ keghi fannọ iran ye otọ vbe uwu ọlọghọmwa iran hia.

Psalm 68:17

E Nọyaẹnmwa tuorre ke Sainai gha dee ke irẹn kevbe ikẹkẹ okuo nekhua arriaisẹn inu ne ọ khin gha rrie uwu ehe ne ọ huanrẹn ọghọe.

Psalm 74:2

Ye avbe emwa ruẹn rre, ne u tobọ zẹ ne egbe ruẹ, ke ẹghẹ ne ọ kpẹre gha dee, emwa ne uwẹ viọ ke uwu ọviẹn ladian ne iran do gha re ẹwae ruẹ. Ye Oke Zaiọn rre ehe ne uwẹ ka dia yi.

Psalm 76:3

Evba ọ re ọ na bunnọ ifẹnmwẹ eghian, kevbe asa kevbe umozo iran, deba emwi igbinna iran hia.

Ẹksọdọs 3:7

Ẹre Nọyaẹnmwa na kha wẹẹ, “I miẹn obọ oya ne a ya mu emwa mwẹ vbe Igipt, I họn utumwẹ ne iran tu wẹ ne a miẹn iran fan vbe obọ avbe iran ni lo iran vbe eviẹn, I wa miẹn oya ne iran re.

Ẹksọdọs 3:9

I họn eve ne emwa mwẹ viẹ, I kevbe miẹn obọ dan ne ivbi Igipt ya mu iran.

Aizaia 26:21

E Nọyaẹnmwa tuorre ke ehe ne ọ ye vbe ẹrinmwi dee, ne ọ do rri emwa ni rre agbọn oya ye orukhọ ne iran ru. Izigha ni iran dee vbe ẹkhokho, a gha fannọ ehia ladian, otọe i ghi ra dọlegbe viọ emwa ne emwa gbele ua lẹre.

Aizaia 8:18

Mẹ rre emwa na deba emọ ne Nọyaẹnmwa viọ mẹ. e Nọyaẹnmwa ne Oghodua, ọmwa ne ẹkete ẹre rre Oke Zaiọn gie ima nẹ, zẹ vbe ẹmwẹ unu ne ọ rre agbọn, ne a gie gie emwa Izrẹl.

Matiu 23:35

Rhunmwuda ọnii, ikhi ne a ra rria ye ẹmwẹ emwa ni ma rukhọ ne a gbele ua na, wa ọre ọ ra ya uhunmwu tọn ẹn mu. Ke egbe Ebel ne ọ ma rukhọ gha dee do sẹ egbe Zekaraia ne ovbi e Barakaia, ne uwa gbe ua ye ẹkpo Ọgua Osa kevbe ogiukpo.

Arhie Maan 16:6

Iran ọ gbe esagiẹn emwa Osanobua ye otọ, ke ẹe kevbe ọghe avbe akhasẹ, rhunmwuda ọnii nian, wẹ keghi mu esagiẹn ne iran gha wọn. Emwi ne ọ kei ne iran, ọre iran miẹn!”

Giọgis 10:16

Rhunmwuda ọnii, iran keghi viọ ẹbọ ẹrrẹe iran kua, iran na gha ga e Nọyaẹnmwa, rẹn keghi vbe gha mu ẹmwẹ usẹ ne ọ sẹ ivbi Izrẹl rro.