Psalm 9:11 - Edo Bible (E Baibol Ẹdo) Version 1996

¹¹ Wa so ihuan ghe Nọyaẹnmwa, ne ọ khaemwisẹ vbe Zaiọn! Wa na iyẹn emwi ne ọ ru ma uhunmwu ẹvbo hia!

Psalm 9:11 ပူးပေါင်းရင်းမြစ်များ

Psalm 107:22

Ọ kere ne iran zọ ese ya kpọnmwẹ ọẹn ne iran vbe ye ihuan oghọghọ, ta iwinna ne ọ winnaẹn hia.

Psalm 118:17

I i wu, sokpan, te I ra gha rre agbọn I ghi gha na iyẹn emwi ne Nọyaẹnmwa ru mẹ.

Psalm 66:2

Wa so ihuan uyi eni ẹnrẹn wa rhie urhomwẹ uyi ne ẹẹn.

Psalm 66:5

Wa do ghe iwinna ne Osanobua winna ẹn, iwinna ọyunnuan rẹn vbe uwu ẹbu emwa.

Psalm 76:2

Ọ mwẹ owa ẹre vbe Jerusalẹm Oke Zaiọn ọrọre ehe ne ọ dia.

Psalm 78:68

Sokpan, ọ keghi zẹẹ ẹwae e Juda kevbe Oke Zaiọn ne ọ ho ẹmwẹ ọnrẹn ẹsẹse.

Psalm 91:14

Osanobua khare wẹẹ, “I gha miẹn iran ni ho ẹmwẹ mwẹ fan, I gha vbe degue iran ni rẹn mwẹ ye Nọyaẹnmwa.

Psalm 96:10

Wa tama agbọn ẹvbo hia wẹẹ, “E Nọyaẹnmwa ọrọre ọba! A mu agbọn na uhe sẹ otọ nẹ gbain vbe ihe ẹre, ai ghi sẹtin werriẹ ọe, ọ gha ye ẹmwata bu ohiẹn avbe emwa nii.”

Aizaia 14:32

Vbe ima ra ya wanniẹn ọre ẹmwẹ hẹ yi ighe ọmwa ne iran gie ẹre uhunmwu ke Filistia gie ima? Ma gha tama rẹn wẹ e Nọyaẹnmwa gbe Zaiọn ẹkun sotọ nẹ kevbe wẹ emwa rẹn ni sẹ usẹ gha di evba ya vbe a i mwẹ ebe.

Iyẹn ne ọ Maan Ọghe Jọn 17:26

I rhie ma iran nẹ, erriọ ọre I khian ye gha ru ẹe khian, ne ahoẹmwọmwa ne u mwẹ ghe mwẹ sẹtin sẹ iran egbe, ne imẹ sẹtin gha rre uwu iran.”

Hibru 12:22

Sokpan, uhunmwu Oke Zaiọn ọre uwa gha dee kevbe ẹvbo Osanobua, Jerusalẹm ne ọ rre ẹrinmwi, ke ẹe kevbe odibo Osa ẹre ne ẹgbenuri.

Arhie Maan 14:1

Ugbẹn vbe I ghi tọn aro mu, I keghi ya bẹghe Oteghe Ohuan nii, ọ mudia yan uhunmwu Oke Zaiọn: Arhunmwu arriaisẹn enẹyan-ikiọkhọe (144,000) keghi mudia kẹe, a keghi gbẹn eni ẹnrẹn kevbe ọ ghe Erha ẹe ye ehia uharo.