Psalm 9:10 - Edo Bible (E Baibol Ẹdo) Version 1996

¹⁰ Nọyaẹnmwa, iran ni rẹn ruẹn gha mu ẹtin yan ruẹn. Wẹ i fi iyeke gbe ọmwaikọmwa, ne ọ lẹ bu ruẹ rre.

Psalm 9:10 ပူးပေါင်းရင်းမြစ်များ

II Samuẹl 22:3

Osanobua mwẹ ọrọre ugue mwẹ, I gha rre ehe ne ọ ye, ẹbe fo. Ọ degue mwẹ zẹ vbe asa. Ọ gbinna mẹ rhie mwẹ mwẹ, vbe a i mwẹ ẹbe. Rẹn ọrọre Ọmiọnmwafan mwẹ; ọ degue mwẹ, ọ fan mwẹ hin epiankhanrhan rre.

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

Psalm 37:28

Rhunmwuda, e Nọyaẹnmwa ho ẹmwẹ emwi ne ọgbae, ẹi vbe he emwa ni guobọ ẹre yotọ, ọ degue iran rhinrin ẹdẹ. Sokpan, a gha khulo ivbi uniẹn emwa dan ladian.

Psalm 37:39

E Nọyaẹnmwa ọ re ọ miẹn ẹmwata fan ọ ghi degue iran vbe ẹghẹ orueghe.

Psalm 5:11

Sokpan iran hia ne uwẹ degue gha ghọghọ. Iran gha sẹtin gha so ihuan oghọghọ vbe ẹghẹ hia. Degue iran hia ni ho ẹmwẹ ruẹn; rhunmwuda ruẹ ọ re iran na ghọghọ oghọghọ ẹmwata.

Psalm 57:1

Tohan mwẹ Osanobua tohan mwẹ, rhunmwuda wẹ ọ re imẹ lẹgbinna aghọnghọn ifuẹn ruẹn ọ re imẹ lẹre yi rhinrin okpẹhoho na te do la fo.

Psalm 91:14

Osanobua khare wẹẹ, “I gha miẹn iran ni ho ẹmwẹ mwẹ fan, I gha vbe degue iran ni rẹn mwẹ ye Nọyaẹnmwa.

Itan 18:10

Te Nọyaẹnmwa ye vbe owa ọkhẹ ne ọ wegbe, ehe ne emwa esi gha lẹ fi, iran ghi vbe miẹn uhunmwu.

Aizaia 25:4

Ivbiogue kevbe iran ne ẹ i mwẹ iyobọ lẹẹ bu ruẹ rre iran kegha rrọ vbe a i mwẹ ẹbe vbe ẹghẹ ibaro. U rhie ehe ne iran lẹre yi vbe ẹghẹ okpẹhoho, kevbe irhu vbe ẹghẹ owowo ne ọ tọn. Emwa dan gbinna zẹ vbe ẹhoho okhuakhua

Aizaia 45:19

I ma ta ẹmwẹ rhọkpa vbe ẹkhokho ra ne I rhie emwi ne I ra ru lẹre I ma kha wẹ ne ivbi Izrẹl, ya gha gualọ mwẹ vbe ehe ne ọ dihoi rua. Mẹ ọrọre Nọyaẹnmwa, ẹmwata ọ re I vbe ta; I ghi vbe gie emwa rẹn emwi ne ọ re ẹmwata.”

Jerimaia 29:13

Wa gha gualọ mwẹ, wa ghi vbe miẹn mwẹ. Wa gha miẹn mwẹ rhunmwuda, wa gha ye ekhọe hia gualọ mwẹ.

Nahum 1:7

E Nọyaẹnmwa wa maa ọ degue avbe emwa rẹn vbe ẹghẹ ibaro; ọ gbe aro ghe iran ni lẹ bu ẹre rre.

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.

II Timoti 1:12

Ọnii ọre ọ zẹẹ ne I na rri oya emwi na hia. Sokpan ekhọe mwẹ ma he beghe hiehiere, rhunmwuda, mẹ rẹn ọmwa ne I mu ẹtin yan, aro mwẹ da ẹe wẹ, ọ gha sẹtin rhie ẹre mwẹ vbe ne a i na mwẹ ẹbe ighẹ emwi ne ọ ka yọ mwẹ obọ, rhinrin ya sẹ Ẹdẹ ne ẹdẹrriọ.

I Jọn 2:3

Ma gha lele uhi ne Osanobua yi ru emwi, ẹghẹ nii ọre aro mwa gha na dae ighẹ ma gele rẹn ọnrẹn.

I Jọn 5:20

Ma rẹnrẹn wẹ Ovbi Osanobua rre nẹ, ọ keghi vbe rhie irẹnmwi ne ima sẹrriọ wẹ, te ima ghi rẹn Osanobua ẹmwata, uwu Osanobua ẹmwata ọre ẹdẹ agbọn ima ye, vbe uwu Jesu Kristi ne Ovbi ẹre. Ọna ọrọre Osanobua ẹmwata, ọna ọ vbe re ẹfe ne ẹ i fo.